ಬಿಡ್ಡರ್​ಗಳಿಂದ ಸಂಗ್ರಹಿಸುವ ಭದ್ರತಾ ಠೇವಣಿ ಮೊತ್ತದ ಮೇಲೆ ರಿಯಾಯಿತಿ ವಿಸ್ತರಣೆ

ಕೇಂದ್ರ ಸರ್ಕಾರವು ಈ ಹಿಂದೆ ಸಾರ್ವಜನಿಕ ಸಂಗ್ರಹಣೆಗಳ ಟೆಂಡರ್​ಗಳಲ್ಲಿ ಸ್ಪರ್ಧಾತ್ಮಕವಾಗಿ ಭಾಗವಹಿಸಲು ಅನುಕೂಲವಾಗುವಂತೆ ಹಾಗೂ ಸ್ಪರ್ಧಾತ್ಮಕ ದರ ಪಡೆಯುವ ದೃಷ್ಟಿಯಿಂದ ಟೆಂಡರ್ ಮೇಲಿನ ಭದ್ರತಾ ಠೇವಣಿಗೆ ರಿಯಾಯಿತಿ ನೀಡುವುದನ್ನು 31 ಮಾರ್ಚ್ 2023ರ ವರೆಗೆ ವಿಸ್ತರಿಸಿತ್ತು. ಇದೀಗ ರಾಜ್ಯ ಸರ್ಕಾರವೂ ಭದ್ರತಾ ಠೇವಣಿ ರಿಯಾಯಿತಿ ವಿಸ್ತರಿಸಿದೆ.

ಬೆಂಗಳೂರು: ಕೆಟಿಪಿಪಿ ಕಾಯ್ದೆಯಡಿ ಸಾರ್ವಜನಿಕ ಸಾಮಗ್ರಿಗಳನ್ನು ಖರೀದಿಗಾಗಿ ಬಿಡ್ಡರ್​ಗಳಿಂದ ಸಂಗ್ರಹಿಸಲಾಗುವ ಭದ್ರತಾ ಠೇವಣಿ ಮೊತ್ತದ ಮೇಲಿನ ರಿಯಾಯಿತಿ ವಿಸ್ತರಿಸಿ ಸರ್ಕಾರ ಆದೇಶ ಹೊರಡಿಸಿದೆ.

31 ಮಾರ್ಚ್ 2023ರ ವರೆಗೆ ವಿಸ್ತರಿಸಿ ಸರ್ಕಾರ ಆದೇಶ ಹೊರಡಿಸಿದೆ. ಭದ್ರತಾ ಠೇವಣಿಯನ್ನು ಗುತ್ತಿಗೆ ಮೊತ್ತದ ಶೇ5 ರಿಂದ 3ಕ್ಕೆ ಇಳಿಕೆ ಮಾಡಲಾಗಿದೆ. ಈ ರಿಯಾಯಿತಿ ಎಲ್ಲ ಚಾಲ್ತಿಯಲ್ಲಿರುವ ಗುತ್ತಿಗೆ ಒಪ್ಪಂದಗಳು ಹಾಗೂ ಮಾರ್ಚ್ 31, 2023ವರೆಗೆ ಕರೆಯಲಾಗುವ ಟೆಂಡರ್ ಹಾಗೂ ಮಾಡಿಕೊಳ್ಳಲಾಗುವ ಒಪ್ಪಂದಗಳಿಗೆ ಅನ್ವಯವಾಗಲಿದೆ.

ಕೋವಿಡ್ ಸಂದರ್ಭ ಕೇಂದ್ರ ಸರ್ಕಾರ ಸಾರ್ವಜನಿಕ ಸಂಗ್ರಹಣೆಗಳ ಟೆಂಡರ್​ಗಳಲ್ಲಿ ಸ್ಪರ್ಧಾತ್ಮಕವಾಗಿ ಭಾಗವಹಿಸಲು ಅನುಕೂಲವಾಗುವಂತೆ ಹಾಗೂ ಸ್ಪರ್ಧಾತ್ಮಕ ದರ ಪಡೆಯುವ ದೃಷ್ಟಿಯಿಂದ ಟೆಂಡರ್ ಮೇಲಿನ ಭದ್ರತಾ ಠೇವಣಿಗೆ ರಿಯಾಯಿತಿ ನೀಡುವುದನ್ನು 31 ಮಾರ್ಚ್ 2023 ವರೆಗೆ ವಿಸ್ತರಿಸಿತ್ತು. ಇದೀಗ ರಾಜ್ಯ ಸರ್ಕಾರವೂ ಭದ್ರತಾ ಠೇವಣಿ ರಿಯಾಯಿತಿಯನ್ನು ವಿಸ್ತರಿಸಿದೆ.

ಇದನ್ನೂ ಓದಿ:ಹು-ಧಾ ಜನತೆಯ ಜೇಬಿಗೆ ಪಾಲಿಕೆ ಕತ್ತರಿ; ಭದ್ರತಾ ಠೇವಣಿ ಹೊರೆಯ ಬರೆ