8 ವರ್ಷಗಳಿಂದ ನಾಪತ್ತೆಯಾಗಿದ್ದ ಡ್ರಗ್ಸ್ ಫೆಡ್ಲರ್ ಎನ್​ಸಿಬಿ ಅಧಿಕಾರಿಗಳ ಬಲೆಗೆ

8 ವರ್ಷಗಳಿಂದ ನಾಪತ್ತೆಯಾಗಿದ್ದ ಡ್ರಗ್ಸ್​ ಪೆಡ್ಲರ್​ ಒಬ್ಬನನ್ನು ಎನ್​ಸಿಬಿ ಅಧಿಕಾರಿಗಳು ಬೆಂಗಳೂರು ಏರ್​ಪೋರ್ಟ್​ನಲ್ಲಿ ಬಂಧಿಸಿದ್ದಾರೆ.

ಬೆಂಗಳೂರು:ನಿರಂತರವಾಗಿ ಡ್ರಗ್ಸ್ ಚಟುವಟಿಕೆಯಲ್ಲಿ ತೊಡಗಿಸಿಕೊಂಡು 8 ವರ್ಷಗಳಿಂದ ನಾಪತ್ತೆಯಾಗಿದ್ದ ಕುಖ್ಯಾತ ದಂಧೆಕೋರರನ್ನು ಎನ್​ಸಿಬಿ ಅಧಿಕಾರಿಗಳು ಹೆಡೆಮುರಿ ಕಟ್ಟಿದ್ದಾರೆ. ಮೊಹಮ್ಮದ್ ಹುಸೇನ್ ಬಂಧಿತ ಡ್ರಗ್ಸ್​ ಪೆಡ್ಲರ್​. ಆತನಿಂದ 15 ಗ್ರಾಂ‌‌‌ ಅಫೀಮು‌ ಜಪ್ತಿ ಮಾಡಿಕೊಳ್ಳಲಾಗಿದೆ.

ಮಧ್ಯ‌ಪ್ರದೇಶ ಮೂಲದ‌ ಆರೋಪಿಯು ಹಲವು ವರ್ಷಗಳಿಂದ ಡ್ರಗ್ಸ್ ದಂಧೆಯಲ್ಲಿ ಭಾಗಿಯಾಗಿದ್ದ. ಈತನ ವಿರುದ್ಧ ಹಲವು ಪ್ರಕರಣ ದಾಖಲಾಗಿದ್ದು, 2014 ರಿಂದ ತಲೆಮರೆಸಿಕೊಂಡಿದ್ದ.‌ ಪತ್ತೆಗಾಗಿ ಕಳೆದ‌ 4 ತಿಂಗಳಿಂದ ರಾಜಸ್ಥಾನ ಹಾಗೂ‌ ಮಧ್ಯಪ್ರದೇಶದಲ್ಲಿ ಶೋಧ ಕಾರ್ಯ ನಡೆಸಲಾಗಿತ್ತು. ನಿರಂತರವಾಗಿ ಹುಡುಕಾಡಿದರೂ‌ ಪತ್ತೆಯಾಗಿರಲಿಲ್ಲ.

ನ್ಯಾಯಾಲಯದಲ್ಲಿ ‌ಈತನ ವಿರುದ್ಧ ಘೋಷಿತ ಅಪರಾಧಿ ಎಂದು ಜಾಮೀನು ರಹಿತ ವಾರೆಂಟ್ ಜಾರಿ ಮಾಡಲಾಗಿತ್ತು. ಮೊಹಮ್ಮದ್ ಹುಸೇನ್​ ಬೆಂಗಳೂರು ವಿಮಾನ ನಿಲ್ದಾಣದಿಂದ ಮಧ್ಯಪ್ರದೇಶದ ಇಂದೋರ್​ಗೆ ಪಯಣ ಬೆಳೆಸುತ್ತಿದ್ದಾನೆ ಎಂದ ಮಾಹಿತಿ ಮೇರೆಗೆ ದಾಳಿ ನಡೆಸಿದ ಎನ್​ಸಿಬಿ ಅಧಿಕಾರಿಗಳು ಬಂಧಿಸಿದ್ದಾರೆ.

ಓದಿ;ಹತ್ರಾಸ್​ನಲ್ಲಿ ಮತ್ತೊಂದು ರೇಪ್​.. ಅತ್ಯಾಚಾರ ಮಾಡಿ ಯುವತಿಯ ಕೈ- ಕಾಲು ಕಟ್ಟಿ ಪಕ್ಕದ ಮನೆಗೆ ಎಸೆದು ಕ್ರೌರ್ಯ