ಆಟವಾಡುತ್ತಿದ್ದ ಬಾಲಕ‌ ಬಾವಿಗೆ ಬಿದ್ದು ಸಾವು

ಆಟವಾಡುತ್ತಾ ಅಚಾನಕ್ಕಾಗಿ ಮನೆ ಮುಂದೆ ಇದ್ದ ಬಾವಿಗೆ ಬಿದ್ದು ಐದು ವರ್ಷದ ಬಾಲಕ ಮೃತಪಟ್ಟ ಘಟನೆ ಬೆಂಗಳೂರು ನಗರದಲ್ಲಿ ನಡೆದಿದೆ.

ಬೆಂಗಳೂರು :ಆಟವಾಡುತ್ತಿದ್ದ ಬಾಲಕ ಮನೆ ಹತ್ತಿರದ ಬಾವಿಗೆ ಬಿದ್ದು ಸಾವನ್ನಪ್ಪಿರುವ ಘಟನೆ‌ ಮಹಾನಗರದ ಹೆಣ್ಣೂರು ಬಸ್ ಡಿಪೋ ಹಿಂಭಾಗದಲ್ಲಿನ 3ನೇ ಬ್ಲಾಕ್, ಎಚ್​ಬಿಆರ್ ಲೇಔಟ್​​ನಲ್ಲಿ ನಡೆದಿದೆ.

ಅಶ್ವಿನ್ (5) ಮೃತ ಬಾಲಕ. ಇಂದು ಸಂಜೆ ಅಶ್ವಿನ್​​ ಆಟ ಆಡುವ ವೇಳೆ ಅಚಾನಕ್ಕಾಗಿ ಬಾವಿಗೆ ಬಿದ್ದಿದ್ದಾನೆ.‌ ನಂತರ ನಾಪತ್ತೆಯಾದ ಬಾಲಕನಿಗಾಗಿ ಪೋಷಕರು ಎರಡು ಗಂಟೆಗಳ ಕಾಲ ಹುಡುಕಾಡಿದ್ದಾರೆ. ಬಳಿಕ ಪಕ್ಕದಲ್ಲೇ ಇದ್ದ ಬಾವಿ ನೋಡಿದಾಗ ದೇಹ‌ ಮೇಲ್ಗಡೆ ತೇಲುತ್ತಿತ್ತು.

ಮಗನನ್ನು ಕಳೆದುಕೊಂಡ ಪೋಷಕರ ಆಕ್ರಂದನ ಮುಗಿಲು‌ ಮುಟ್ಟಿದೆ. ಬಾಣಸವಾಡಿ ಪೊಲೀಸ್​​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.