ಕರ್ನಾಟಕ

karnataka

ETV Bharat / city

10 ವರ್ಷಗಳಿಂದ ನಿರಂತರ ಲೈಂಗಿಕ ಕಿರುಕುಳ: 8 ಆರೋಪಿಗಳ ವಿರುದ್ಧ ಮಹಿಳಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು - ಈಟಿವಿ ಭಾರತ್​ ಕನ್ನಡ

ಸುಮಾರು ವರ್ಷಗಳಿಂದ ತಮ್ಮ ಮೇಲೆ ನಿರಂತರ ಲೈಂಗಿಕ ಕಿರುಕುಳ ನೀಡುತ್ತಿದ್ದಾರೆ ಎಂದು ಯುವತಿ ನೀಡಿದ ದೂರು ಆಧರಿಸಿ ಎಂಟು ಜನರ ಮೇಲೆ ಎಫ್​ಐಆರ್​ ದಾಖಲಿಸಲಾಗಿದೆ.

sexual-harassment
ಲೈಂಗಿಕ ಕಿರುಕುಳ

By

Published : Jul 27, 2022, 3:38 PM IST

ಬೆಂಗಳೂರು : ಕಳೆದ 10 ವರ್ಷಗಳಿಂದ ನಿರಂತರವಾಗಿ ತಮ್ಮ ಮೇಲೆ‌ ಲೈಂಗಿಕ ದೌರ್ಜನ್ಯ ಎಸಗಿರುವುದಾಗಿ ಆರೋಪಿಸಿ ಸಂತ್ರಸ್ತ ಯುವತಿ ನೀಡಿದ ದೂರಿನ‌ ಮೇರೆಗೆ ಬೆಂಗಳೂರು ನಗರ ಪೂರ್ವ ವಿಭಾಗದ ಮಹಿಳಾ ಪೊಲೀಸ್ ಠಾಣೆಯಲ್ಲಿ ಎಂಟು ಮಂದಿ ಆರೋಪಿಗಳ ವಿರುದ್ಧ ಎಫ್ಐಆರ್ ದಾಖಲಾಗಿದೆ. ಸಂತ್ರಸ್ತೆ ನೀಡಿದ‌ ದೂರಿನ ಮೇರೆ ಲೈಂಗಿಕ ದೌರ್ಜನ್ಯ, ಆತ್ಯಾಚಾರ ಹಾಗೂ ಫೋಸ್ಕೊ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಸಂತ್ರಸ್ತ ಯುವತಿಗೆ 6 ವರ್ಷವಾಗಿದ್ದಾಗ ತಂದೆ ಪಾದ್ರಿಯಾಗಿ ಕೆಲಸ ಮಾಡುತ್ತಿದ್ದು ಕೆಲಸ ನಿಮಿತ್ತ ಸ್ನೇಹಿತರೊಬ್ಬರ ಮನೆಗೆ ಬಿಟ್ಟಿದ್ದರು‌. 10 ವರ್ಷವಾದಾಗ ಈ ವೇಳೆ ಸ್ನೇಹಿತನ ಮಗ ಬಾಲಕಿಗೆ ಮೊಬೈಲ್​​ನಲ್ಲಿ ಅಸಭ್ಯ ಚಿತ್ರ ಹಾಗೂ ವಿಡಿಯೋ ನೋಡುವಂತೆ ಬಲವಂತ ಮಾಡಿ ದೌರ್ಜನ್ಯ ಎಸಗುತ್ತಿದ್ದ‌. ಮೂರು-ನಾಲ್ಕು ವರ್ಷದವರೆಗೂ ಲೈಂಗಿಕವಾಗಿ ತನನ್ನ ಬಳಸಿಕೊಂಡಿದ್ದ. ಬಳಿಕ ಯುವಕನ ಕಾಟ ತಾಳಲಾರದೇ ಶಾಲಾ ಶಿಕ್ಷಕನಿಗೆ ತಿಳಿಸಿದ್ದೆ.

ಈ ವಿಷಯ ಅರಿತ ಶಿಕ್ಷಕ ಹಾಗೂ ಅತನ ಹೆಂಡತಿ, ದೌರ್ಜನ್ಯ ಎಸಗಿದ್ದ ಯುವಕನಿಗೆ ಬೈದು ಬುದ್ದಿ ಹೇಳಿದ್ದರು. ಯುವತಿ ಹಿನ್ನೆಲೆ ಅರಿತಿದ್ದ ಶಿಕ್ಷಕ‌ ಈ ಬಗ್ಗೆ ಎಲ್ಲರಿಗೂ ತಿಳಿಸುವೆ ಎಂದು ಬೆದರಿಕೆವೂಡ್ಡಿ ಮೈ- ಕೈ ಮುಟ್ಟಿ ಅಸಭ್ಯವಾಗಿ ವರ್ತಿಸಿದ್ದಾನೆ. ಇದಕ್ಕೆ ಪ್ರತಿರೋಧ ವ್ಯಕ್ತಪಡಿಸಿದ್ದಕ್ಕೆ ಕೊಲೆ ಮಾಡುವುದಾಗಿ ಧಮಕಿ ಹಾಕಿದ್ದಾನೆ.‌‌ ಎರಡು ವರ್ಷಗಳಿಂದ‌ ತಮ್ಮ ಮೇಲೆ‌ ಲೈಂಗಿಕ ದೌರ್ಜನ್ಯ ಎಸಗಿದ್ದಾನೆ.

ಜೊತೆಗೆ ತನ್ನ ಸ್ನೇಹಿತೆ ಮೇಲೆಯೂ ಇದೇ ಕಾಮುಕನ ಮೆರೆದಿದ್ದಾನೆ. ಈ ವಿಷಯ ತಿಳಿದರೂ ಇನ್ನೂ ಆರು ಮಂದಿಗಳ ಆರೋಪಿಗಳು ಕೃತ್ಯವೆಸಗಲು ಸಹಕರಿಸಿದ್ದರು‌. ಈ ಸಂಬಂಧ ತಪ್ಪಿತಸ್ಥರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕು ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದಾಳೆ. ಸದ್ಯ ಎಂಟು ಮಂದಿ ಆರೋಪಿಗಳ ವಿರುದ್ದ ಪೂರ್ವ ವಿಭಾಗದ ಮಹಿಳಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ :ಹೈದರಾಬಾದ್‌ ಗ್ಯಾಂಗ್‌-ರೇಪ್: ರಾಜಕಾರಣಿಯ ಮಗ ಸೇರಿ ಮೂವರು ಬಾಲಾಪರಾಧಿಗಳಿಗೆ ಜಾಮೀನು

ABOUT THE AUTHOR

...view details