ಕ್ರೈಸ್ತ, ಜೈನ ಸಮುದಾಯದ ಮತಯಾಚಿಸಿದ ರಿಜ್ವಾನ್​

ಶಿವಾಜಿನಗರ ಕಾಂಗ್ರೆಸ್​ನ ಭದ್ರಕೋಟೆ. ಆದರೆ ಅಲ್ಲಿ ಕಾಂಗ್ರೆಸ್​ನ ಶಾಸಕರಾಗಿದ್ದ ರೋಷನ್ ಬೇಗ್​ ಅನರ್ಹಗೊಂಡು ಬಿಜೆಪಿಯತ್ತ ಮುಖ ಮಾಡಿರುವುದರಿಂದ ಆ ಕ್ಷೇತ್ರವನ್ನು ಉಳಿಸಿಕೊಳ್ಳಲು ಕಾಂಗ್ರೆಸ್​ ಹರ ಸಾಹಸಪಡುತ್ತಿದೆ.

ಬೆಂಗಳೂರು:ಶಿವಾಜಿನಗರ ಕ್ಷೇತ್ರವನ್ನು ಉಳಿಸಿಕೊಳ್ಳುವ ಸಲುವಾಗಿ ಕಾಂಗ್ರೆಸ್ ಎಲ್ಲಾ ಸಮುದಾಯದ ಜನರನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಚುನಾವಣೆ ಎದುರಿಸಲು ಮುಂದಾಗಿದೆ.

ಮಾಜಿ ಸಚಿವ ರೋಷನ್ ಬೇಗ್ ಈಗ ಕಾಂಗ್ರೆಸ್​ನಿಂದ ದೂರ ಉಳಿದಿರುವುದರಿಂದ, ಹೇಗಾದರೂ ಮಾಡಿ ಶಿವಾಜಿನಗರ ಕ್ಷೇತ್ರದಲ್ಲಿ ತನ್ನ ಪ್ರಾಬಲ್ಯವನ್ನು ಉಳಿಸಿಕೊಳ್ಳಲು ಕೈ ನಾಯಕರು ರಣತಂತ್ರ ರೂಪಿಸಿದ್ದು, ಶಿವಾಜಿನಗರದಲ್ಲಿರುವ ಎಲ್ಲಾ ಸಮುದಾಯದವರ ಮನವೊಲಿಸಿಕೊಂಡು ಚುನಾವಣೆ ಎದುರಿಸಲು ಕಾಂಗ್ರೆಸ್ ಸಜ್ಜಾಗಿದೆ.

ಈ ಹಿನ್ನೆಲೆ ಇಂದು ಕ್ರೈಸ್ತ ಮತ್ತು ಜೈನ ಸಮುದಾಯದ ಮುಖಂಡರ ಭೇಟಿ ಮಾಡಿದ ಕಾಂಗ್ರೆಸ್​ ಅಭ್ಯರ್ಥಿ ರಿಜ್ವಾನ್ ಹರ್ಷದ್ ತಮ್ಮನ್ನು ಬೆಂಬಲಿಸುವಂತೆ ಮನವಿ ಮಾಡಿದರು.