ಇದ್ದ ಹಣ ಬಳಸಿದ ಜೋಡಿ.. ಲೋನ್​ಗಾಗಿ ಬಾಯ್​ಫ್ರೆಂಡ್ ಜೊತೆ ಸೇರಿ ಸರಗಳ್ಳತನಕ್ಕಿಳಿದ ನಾರಿ!

ಬಾಯ್ ಫ್ರೆಂಡ್ ಜೊತೆ ಸೇರಿ ಸರಗಳ್ಳತನಕ್ಕೆ ಮುಂದಾಗಿದ್ದ ಯುವತಿಯನ್ನು ಬೆಂಗಳೂರು ಪೊಲೀಸರು ಸೆರೆ ಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ.

ಬೆಂಗಳೂರು:ಸಾಲ ತೀರಿಸಲಾಗದೆ ತತ್ತರಿಸುತ್ತಿದ್ದ ಯುವಕನೊಬ್ಬ ತನ್ನ ಗೆಳತಿ ಜೊತೆ ಸೇರಿ ಸರಗಳ್ಳತನಕ್ಕೆ ಯತ್ನಿಸಿ ಪರಾರಿಯಾಗಿದ್ದ. ಆದ್ರೆ ಈ ಜೋಡಿಯನ್ನು ಸೆರೆ ಹಿಡಿಯುವಲ್ಲಿ ನಂದಿನಿ‌ ಲೇಔಟ್ ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಕಳೆದ‌‌ ಮೇ 28 ರಂದು ನಂದಿನಿ‌‌ ಲೇಔಟ್ ಪಾರ್ಕ್ ಬಳಿ ಸ್ಕೂಟರ್​ನಲ್ಲಿ ಬಂದಿದ್ದ ಯುವಕ ಹಾಗೂ ಆತನ ಗೆಳತಿ ವಾಕಿಂಗ್ ಮಾಡುತ್ತಿದ್ದ ಗಾಯತ್ರಿಯನ್ನು ಹಿಂಬಾಲಿಸಿದ್ದರು. ಬಳಿಕ ಆಕೆಗೆ ಖಾರದಪುಡಿ ಎರಚಿ ಕುತ್ತಿಗೆಯಲ್ಲಿದ್ದ ಚಿನ್ನದ ಸರ ಕಸಿಯಲು ಯುವತಿ ಪ್ರಯತ್ನಿಸಿದ್ದಾಳೆ. ಆ ವೇಳೆ ಮಹಿಳೆ ತೀವ್ರ ಪ್ರತಿರೋಧ ವ್ಯಕ್ತಪಡಿಸಿದ್ದರು.

ಜ‌ನ‌ ಸೇರುತ್ತಿದ್ದಂತೆ ಅಲರ್ಟ್ ಆದ ಯುವತಿ ಸ್ನೇಹಿತನ‌ ಸ್ಕೂಟರ್​ನಲ್ಲಿ ಎಸ್ಕೇಪ್ ಆಗಿದ್ದಾಳೆ. ಈ ಬಗ್ಗೆ ಮಹಿಳೆ‌ ನಂದನಿ ಲೇಔಟ್​ ಪೊಲೀಸ್​ ಠಾಣೆಯಲ್ಲಿ ದೂರು ನೀಡಿದ್ದರು. ದೂರಿನ ಮೇರೆಗೆ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಸಿಸಿಟಿವಿಯನ್ನು ಪರಿಶೀಲನೆ ನಡೆಸಿ ಬೈಕ್‌ ನಂಬರ್​ನ್ನು ಪತ್ತೆ ಹಚ್ಚಿದ್ದರು. ಬೈಕ್​ ನಂಬರ್​ ಆಧಾರದ ಮೇಲೆ‌ ಆರೋಪಿಗಳನ್ನು ಬಂಧಿಸಿ ಹೆಚ್ಚಿನ ವಿಚಾರಣೆಗೊಳಪಡಿಸಿದ್ದಾರೆ.

ಓದಿ:ಡ್ರಾಪ್ ಕೇಳುವ ನೆಪದಲ್ಲಿ ಮೆಡಿಕಲ್ ಸ್ಟೋರ್ ಮಾಲೀಕನ ಸುಲಿಗೆ.. ಲಾಂಗ್​​ನಿಂದ ಹಲ್ಲೆ ನಡೆಸಿ 26 ಗ್ರಾಂ ಚಿನ್ನದ ಸರ ದರೋಡೆ..

ನಗರದ ಖಾಸಗಿ‌ ಕಾಲೇಜಿನಲ್ಲಿ ವ್ಯಾಸಂಗ ಮಾಡುತ್ತಿದ್ದ ಯುವಕ‌ ಹಾಗೂ ಯುವತಿ ಟ್ರೇಡಿಂಗ್ ಆ್ಯಪ್​ನಲ್ಲಿ ಹಣ ಹೂಡಿಕೆ‌ ಮಾಡಿದ್ದರು. ಇದರಲ್ಲಿ ಹಣ ಕಳೆದುಕೊಂಡಿದ್ದರಿಂದ ಆನ್​ಲೈನ್ ಮೂಲಕ 15 ಸಾವಿರ‌ ರೂಪಾಯಿಯನ್ನು ಯುವಕ ಸಾಲವಾಗಿ ಪಡೆದುಕೊಂಡಿದ್ದ. ಪಡೆದಿದ್ದ ಹಣವನ್ನ‌ ಇಬ್ಬರು ಖರ್ಚು ಮಾಡಿಕೊಂಡಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.

ಲೋನ್ ತೀರಿಸಲು‌ ಬ್ಯಾಂಕ್​ನಿಂದ ಒತ್ತಡ ಹೇರಲಾಗಿತ್ತು.‌ ಇದರಿಂದ ಕಂಗೆಟ್ಟ ಯುವಕನಿಗೆ ಗೆಳತಿ ಸಾಥ್ ನೀಡಿದ್ದಳು. ಹಣ ಹೊಂದಿಸಲು ಈ ಜೋಡಿ ಸರಗಳ್ಳತನ‌‌ ಮಾಡಲು ಮುಂದಾದರು.‌ ಅದರಂತೆ‌ ಮೇ 28ರಂದು ಮಹಿಳೆಯೊಬ್ಬಳ ಮೇಲೆ‌ ಖಾರದ ಪುಡಿ ಎರಚಿ ಸರಗಳ್ಳತನಕ್ಕೆ ಕೈ ಹಾಕಿದ್ದರು. ಆದ್ರೆ ಅದು ವಿಫಲವಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.