ಅಧಿಕ ಬೆಲೆಯಲ್ಲಿ‌ ಮಾಸ್ಕ್ ಮಾರಾಟ : 210 ಮೆಡಿಕಲ್ ಶಾಪ್​ಗಳ‌ ಮೇಲೆ ಸಿಸಿಬಿ ದಾಳಿ

ಕೊರೊನಾ ಭೀತಿ ಹಚ್ಚಾದ ಹಿನ್ನೆಲೆ ಮೆಡಿಕಲ್​ ಶಾಪ್​ನಲ್ಲಿ ಹೆಚ್ಚಿನ ಬೆಲೆ ಮಾಸ್ಕ್​ಗಳನ್ನು ಮಾರಾಟಮಾಡಲಾಗುತ್ತಿತ್ತು, ಮಾಹಿತಿ ತಿಳಿದ ಸಿಸಿಬಿ ಅಧಿಕಾರಿಗಳು ಏಕಕಾಲಕ್ಕೆ ನಗರದ 210 ಮೆಡಿಕಲ್​ ಶಾಪ್​ಗಳ ಮೇಲೆ ದಾಳಿ ನಡೆಸಿದ್ದಾರೆ.

ಬೆಂಗಳೂರು: ಕೊರೊನಾ ಭೀತಿಯನ್ನೇ ಬಂಡವಾಳ ಮಾಡಿಕೊಂಡು ಅಧಿಕ ಬೆಲೆಯಲ್ಲಿ‌‌ ಮಾಸ್ಕ್ ಮಾರಾಟ ಮಾಡುತ್ತಿದ್ದ ನಗರದ 210 ಮೆಡಿಕಲ್ ಶಾಪ್​ಗಳ ಮೇಲೆ ಸಿಸಿಬಿ ಅಧಿಕಾರಿಗಳು ದಾಳಿ ನಡೆಸಿ ಎಚ್ಚರಿಕೆ ನೀಡಿದ್ದಾರೆ.

ಕೊರೊನಾ ಭೀತಿ ಹಚ್ಚಾದ ಹಿನ್ನೆಲೆ ಮೆಡಿಕಲ್​ ಶಾಪ್​ನಲ್ಲಿ ಹೆಚ್ಚಿನ ಬೆಲೆಗೆ ಮಾಸ್ಕ್​ಗಳನ್ನು ಮಾರಾಟಮಾಡಲಾಗುತ್ತಿತ್ತು. ಮಾಹಿತಿ ತಿಳಿದ ಸಿಸಿಬಿ ಅಧಿಕಾರಿಗಳು ಏಕಕಾಲಕ್ಕೆ ನಗರದ 210 ಮೆಡಿಕಲ್​ ಶಾಪ್​ಗಳ ಮೇಲೆ ದಾಳಿ ನಡೆಸಿದ್ದಾರೆ. ಜಯನಗರ, ಕಲಾಸಿಪಾಳ್ಯ, ಚಾಮರಾಜಪೇಟೆ, ಸಂಜಯನಗರ ಹಾಗೂ ಮಹಾಲಕ್ಷ್ಮಿ ಲೇಔಟ್ ಸುತ್ತಮುತ್ತಲಿನಲ್ಲಿರುವ ಮೆಡಿಕಲ್ ಶಾಪ್​ಗಳಲ್ಲಿ ಅಧಿಕ ಮೊತ್ತಕ್ಕೆ ಮಾಸ್ಕ್​ಗಳ ಮಾರಾಟ ಮಾಡುತ್ತಿರುವುದು ಪತ್ತೆಯಾಗಿದೆ.

‌ಮೆಡಿಕಲ್​ ಶಾಪ್​ಗಳ ಮೇಲೆ ಕ್ರಮಕ್ಕೆ ಅಧಿಕಾರಿಗಳಿಗೆ ಸಿಸಿಬಿ ಸೂಚನೆ ನೀಡಿದೆ. ಕಳೆದ ವಾರ ವಾಣಿಜ್ಯ ತೆರಿಗೆ ಇಲಾಖೆ ಅಧಿಕಾರಿಗಳಿಂದ ದಾಳಿ ನಡೆದಿತ್ತು ಸದ್ಯ ಸಿಸಿಬಿ ಪೊಲೀಸರಿಂದ ಮತ್ತೆ ನಗರದ ಮೆಡಿಕಲ್ ಶಾಪ್​​ಗಳ ಮೇಲೆ ದಾಳಿ ಮಾಡಿ ಅಧಿಕ ಬೆಲೆಯಲ್ಲಿ ಮಾಸ್ಕ್‌ ಮಾರಾಟ ಮಾಡುವ ಮಾಫಿಯಾಗೆ ಬ್ರೇಕ್ ಹಾಕಿದ್ದಾರೆ.