ಬೆಂಗಳೂರು: ಕೋವಿಡ್ ಮಹಾಮಾರಿ ಹೆಸರು ಕೇಳಿದರೆ ಸಾಕು ಜಗತ್ತು ಬೆಚ್ಚಿಬೀಳುತ್ತದೆ. ಇದೀಗ ಬೆಂಗಳೂರು ಮೂಲದ ಉದ್ಯಮಿಯ ಹೆಸರು ಕೋವಿಡ್ ಕಪೂರ್ ಎಂದಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಯಲ್ಲಿದೆ.
ಕೋವಿಡ್ ಎಂಬ ಹೆಸರನ್ನು ಈ ವ್ಯಕ್ತಿಗೆ 3 ದಶಕಗಳ ಹಿಂದೆಯೇ ಇಟ್ಟಿರುವುದನ್ನು ಕೇಳಿ ಜನ ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ. ವಿಮಾನ ನಿಲ್ದಾಣಗಳಲ್ಲಿ ಭದ್ರತಾ ಸಿಬ್ಬಂದಿಯೂ ಈ ಹೆಸರು ಕೇಳಿ ವಿಸ್ಮಿತರಾಗುತ್ತಿದ್ದಾರಂತೆ. ಹಾಲಿಡಿಫೈ ಸಂಸ್ಥೆಯ ಸಂಸ್ಥಾಪಕ ಕೋವಿಡ್ ಕಪೂರ್ ತಮ್ಮ ಹೆಸರಿನ ಬಗ್ಗೆ ಸ್ಪಷ್ಟನೆ ಕೂಡ ಕೊಟ್ಟಿದ್ದಾರೆ. ನನ್ನ ಹೆಸರು ಕೋವಿಡ್ ಕಪೂರ್, ಆದರೆ ನಾನು ವೈರಸ್ ಅಲ್ಲ ಎಂದು ತಮಾಷೆಯಾಗಿ ಅವರು ಬರೆದುಕೊಂಡಿದ್ದಾರೆ.
ಹನುಮಾನ್ ಚಾಲೀಸ್‍ನಲ್ಲಿರುವ ಪದ:
ವಾಸ್ತವವಾಗಿ ಕೋವಿಡ್ ಎನ್ನುವುದು ಹನುಮಾನ್ ಚಾಲೀಸ್‍ನಲ್ಲಿರುವ ಪದವಾಗಿದೆ. ಕೋವಿಡ್ ಎಂದರೆ ವಿದ್ವಾಂಸ, ಎಲ್ಲವನ್ನೂ ಬಲ್ಲವನು ಎನ್ನುವ ಅರ್ಥ ನೀಡುತ್ತದೆ. ಆದರೆ ಸಾಂಕ್ರಾಮಿಕ ನಂತರ ಅರ್ಥವೇ ಬದಲಾಗಿದೆ ಎಂದು ಕೋವಿಡ್ ಕಪೂರ್ ಹೇಳುತ್ತಾರೆ.
ಇದನ್ನೂ ಓದಿ:ಅಂತಾರಾಷ್ಟ್ರೀಯ ಪ್ರಯಾಣಿಕರಿಗೆ ಹೊಸ ನಿಯಮ: 7 ದಿನ ಹೋಂ ಕ್ವಾರಂಟೈನ್‌ ಕಡ್ಡಾಯ
