ಬೆಂಗಳೂರು: ಬೌನ್ಸ್ ಕಂಪನಿ ಇನ್ಫಿನಿಟಿ ಎಲೆಕ್ಟ್ರಿಕ್ ಸ್ಕೂಟರ್ ಬಿಡುಗಡೆ ಮಾಡುವ ಮೂಲಕ ಎಲೆಕ್ಟ್ರಿಕ್ ಮೊಬಿಲಿಟಿ ಮಾರುಕಟ್ಟೆಗೆ ಕಾಲಿಟ್ಟಿದೆ. ಬೌನ್ಸ್ ಇನ್ಫಿನಿಟಿ ಲಿಥಿಯಂ ಐಯಾನ್ ಬದಲಾಯಿಸಬಹುದಾದ ಬ್ಯಾಟರಿಯೊಂದಿಗೆ 68,999 ರೂ ಬೆಲೆಯಲ್ಲಿ ಸಿಗಲಿದೆ.
ಕಂಪನಿಯು ಸ್ಕೂಟರ್ ಬ್ಯಾಟರಿ ಸೇವೆಯ ಆಯ್ಕೆಯೊಂದಿಗೆ ಮಾರಾಟ ಮಾಡುತ್ತಿದೆ ಮತ್ತು ಇದರ ಬೆಲೆ 45,099 ರೂ.ದಿಂದ ಶುರುವಾಗಲಿದೆ. ಈ ಇನ್ಫಿನಿಟಿ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಬಾಡಿಗೆ ಆಧಾರದ ಮೇಲೆ ಲಭ್ಯವಿರುವ ಬ್ಯಾಟರಿಯೊಂದಿಗೆ ಖರೀದಿಸಬಹುದು ಎಂದು ಕಂಪನಿ ಹೇಳಿದೆ.
ಕಂಪನಿಯು ವಿವಿಧ ಸ್ಥಳಗಳಲ್ಲಿ ಸ್ಥಾಪಿಸಿರುವ ಮೀಸಲಾದ ಸ್ವಾಪಿಂಗ್ ಸ್ಟೇಷನ್‌ಗಳ ಮೂಲಕ ಲಭ್ಯವಿರುತ್ತದೆ. ಬೌನ್ಸ್ ಇನ್ಫಿನಿಟಿಯ ಮುಂಗಡ ಬುಕ್ಕಿಂಗ್ 499 ರೂ. ಪ್ರಾರಂಭವಾಗಿದೆ. ಆದರೆ ಮಾರ್ಚ್ 2022 ಕ್ಕೆ ಆನ್ ರೋಡ್ಗೆ ಬರಲಿದೆ ಎಂದು ಮಾಹಿತಿ ನೀಡಿದೆ.
ಮಾಲೀಕತ್ವದ ವೆಚ್ಚ ಕಡಿಮೆ:ರಾಜ್ಯ ಸರ್ಕಾರಗಳಿಂದ ಸಬ್ಸಿಡಿಗಳನ್ನು ಪಡೆಯಬಹುದು. ಇದು ಎಲೆಕ್ಟ್ರಿಕ್ ಸ್ಕೂಟರ್‌ನ ಬೆಲೆಯನ್ನು ಕಡಿಮೆ ಮಾಡುತ್ತದೆ. ಬ್ಯಾಟರಿಯು ಸೇವೆಯ ಆಯ್ಕೆಯಾಗಿ ಗ್ರಾಹಕರಿಗೆ ಮಾಲೀಕತ್ವದ ವೆಚ್ಚವನ್ನು ಇನ್ನೂ ಕಡಿಮೆ ಮಾಡುತ್ತದೆ ಎಂದು ಕಂಪನಿ ಹೇಳಿದೆ.
40 ಪ್ರತಿಶತ ಕಡಿಮೆ: ಪೆಟ್ರೋಲ್ ಸ್ಕೂಟರ್‌ಗಳಿಗೆ ಹೋಲಿಸಿದರೆ ಸ್ಕೂಟರ್‌ನ ಚಾಲನೆಯ ವೆಚ್ಚವನ್ನು 40 ಪ್ರತಿಶತದಷ್ಟು ಕಡಿಮೆ ಮಾಡುತ್ತದೆ ಎಂದು ಬೌನ್ಸ್ ತಿಳಿಸಿತು.
ಅನುಕೂಲಕರ ಸ್ಥಳದಲ್ಲಿ ಚಾರ್ಜ್:ಬೌನ್ಸ್ ಇನ್ಫಿನಿಟಿ ಇ1 ಬ್ಯಾಟರಿಯೊಂದಿಗೆ ಸಹ ನೀಡಲಾಗುವುದು. ಇದನ್ನು ಸ್ಕೂಟರ್‌ನಿಂದ ತೆಗೆಯಬಹುದು ಮತ್ತು ಗ್ರಾಹಕರು ತಮ್ಮ ಮನೆ ಅಥವಾ ಕಚೇರಿಯಲ್ಲಿ ಅಥವಾ ಅನುಕೂಲಕರ ಸ್ಥಳದಲ್ಲಿ ಚಾರ್ಜ್ ಮಾಡಬಹುದು ಎಂದು ಹೇಳಿದೆ.
ಐದು ಅತ್ಯಾಕರ್ಷಕ ಬಣ್ಣ:ಬೌನ್ಸ್ ಇನ್ಫಿನಿಟಿ E1 ಐದು ಅತ್ಯಾಕರ್ಷಕ ಬಣ್ಣ ಸಿಗುತ್ತಿದೆ. ಸ್ಪೋರ್ಟಿ ರೆಡ್ , ಸ್ಪಾರ್ಕಲ್ ಬ್ಲಾಕ್ , ಪರ್ಲ್ ವೈಟ್ , ಡೆಸಾಟ್ ಸಿಲ್ವರ್ ಮತ್ತು ಕಾಮೆಡ್. ಭಾರತದಾದ್ಯಂತ ತಡೆರಹಿತ ವಿತರಣೆಗಳಿಗಾಗಿ ಡೀಲರ್‌ಶಿಪ್ ನೆಟ್‌ವರ್ಕ್ ಮತ್ತು ಆನ್‌ಲೈನ್ ಪ್ಲಾಟ್‌ಫಾರ್ಮ್ ಮೂಲಕ ಮಾರ್ಚ್ 2022 ಕ್ಕೆ ಡೆಲಿವರಿಗಳನ್ನು ಆರಂಭಿಸಲಾಗುವುದು. ಜತಗೆ ಪೂರ್ವ-ಬುಕ್ಕಿಂಗ್‌ಗಳು ಇಂದಿನಿಂದ ಪ್ರಾರಂಭವಾಗುತ್ತವೆ. 50,000 ಕಿಮೀಗಳವರೆಗಿನ 3 ವರ್ಷಗಳ ವಾರಂಟಿ ಇರಲಿದೆ ಎಂದು ಬೌನ್ಸ್ ಹೇಳಿದೆ.
ಮಾರುಕಟ್ಟೆಯಲ್ಲಿ ಬೈಕ್‌ಗಳ ಜತೆ ಸ್ಪರ್ಧೆ:ಬೌನ್ಸ್ ಇನ್ಫಿನಿಟಿ ಮಾರುಕಟ್ಟೆಯಲ್ಲಿ ಇತರ ಬೈಕ್‌ಗಳ ಜತೆ ಸ್ಪರ್ಧಿಸಲಿದೆ ಮತ್ತು ವ್ಯಾಪಕವಾದ ಗ್ರಾಹಕರನ್ನು ಆಕರ್ಷಿಸುತ್ತದೆ. ಇದು ಸೊಗಸಾದ ಮಿಶ್ರಲೋಹದ ಚಕ್ರಗಳು, ಡಿಜಿಟಲ್ ಇನ್‌ಸ್ಟ್ರುಮೆಂಟ್ ಕನ್ಸೋಲ್ ಮತ್ತು ಶೇಖರಣೆಗಾಗಿ 12 ಲೀಟರ್ ಬೂಟ್ ಸ್ಪೇಸ್ ಹೊಂದಿದೆ. ಸ್ಕೂಟರ್ ಪ್ರೊಜೆಕ್ಟರ್ ಹೆಡ್‌ಲೈಟ್‌ಗಳು, ಎಲ್‌ಇಡಿ ಲೈಟಿಂಗ್‌ ಹೊಂದಿದ್ದು, ಕೊಳವೆಯಾಕಾರದ ಚೌಕಟ್ಟು ಮಾದರಿ ರೀತಿಯಲ್ಲಿದೆ. ಬೈಕ್ ಹೈಡ್ರಾಲಿಕ್ ಟೆಲಿಸ್ಕೋಪಿಕ್ ಫ್ರಂಟ್ ಸಸ್ಪೆನ್ಷನ್ ಮತ್ತು ಹಿಂಭಾಗದಲ್ಲಿ ಎರಡು ಶಾಕ್ ಅಬ್ಸಾರ್ಬರ್ಗಳನ್ನು ಹೊಂದಿದೆ ಎಂದು ಮಾಹಿತಿ ನೀಡಿತು.
ಎಲೆಕ್ಟ್ರಿಕ್ ವಾಹನ ಪೂರೈಕೆದಾರರನ್ನಾಗಿ ಮಾಡಲು ಸವಾಲುಗಳಿಗೆ ಸಿದ್ದ:ಬೌನ್ಸ್‌ನ ಸಿಇಒ ಮತ್ತು ಸಹ-ಸಂಸ್ಥಾಪಕ ವಿವೇಕಾನಂದ ಹಲ್ಲೇಕೆರ ಈ ಸಂದರ್ಭದಲ್ಲಿ ಮಾತನಾಡಿ, ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನಗಳ ಸಾಮರ್ಥ್ಯವನ್ನು ನಾನು ಬಲವಾಗಿ ನಂಬುತ್ತೇನೆ. ಈ ದೃಷ್ಟಿಯಿಂದಲೇ ನಾವು ಜೂನ್ 2019 ರಲ್ಲಿ ನಮ್ಮ ಆಂತರಿಕ ಇವಿ ಮೊಬಿಲಿಟಿ ಪ್ರಾರಂಭಿಸಿದ್ದೇವೆ. ಇಂದು ನಾವೇ ಇಲೆಕ್ರ್ಟಿಕ್‌ ವಾಹನಗಳನ್ನು ನಿರ್ಮಿಸುತ್ತಿದ್ದೇವೆ. ವೇಗವಾಗಿ ಈಗಿನ ಕಾಲಮಾನಕ್ಕೆ ಅಳವಡಿಸಿಕೊಳ್ಳಲು ಅನುಕೂಲವಾಗುವಂತೆ, ಬೌನ್ಸ್ ಒಂದು ಹೆಜ್ಜೆ ಮುಂದಿಟ್ಟಿದೆ. ಭಾರತವನ್ನು ಜಾಗತಿಕವಾಗಿ ಪ್ರಮುಖ ಎಲೆಕ್ಟ್ರಿಕ್ ವಾಹನ ಪೂರೈಕೆದಾರರನ್ನಾಗಿ ಮಾಡಲು ನಾವು ಎಲ್ಲಾ ಸವಾಲುಗಳನ್ನು ತೆಗೆದುಕೊಳ್ಳಲು ಬದ್ಧರಾಗಿದ್ದೇವೆ ಎಂದು ಹೇಳಿದರು.
