ನಮ್ಮ ಮೆಟ್ರೋ ಪ್ರಯಾಣಿಕರಿಗೆ ಗುಡ್​ ನ್ಯೂಸ್: ಬೈಸಿಕಲ್ ಕೊಂಡೊಯ್ಯಲು ಅನುಮತಿ

ಮೆಟ್ರೋ ರೈಲುಗಳಲ್ಲಿ ಸೈಕಲ್ ಕೊಂಡೊಯ್ಯಲು ಬೆಂಗಳೂರು ಮೆಟ್ರೋ ರೈಲು ನಿಗಮ ಅವಕಾಶ ನೀಡಿದೆ. ಆದರೆ, ಎಲ್ಲ ಬಗೆಯ ಸೈಕಲ್​ಗಳನ್ನು ಸಾಗಿಸಲು ಸಮ್ಮತಿಸಿಲ್ಲ. ಕೇವಲ ಮಡಚಬಹುದಾದ ಸೈಕಲ್​ಗಳನ್ನು ಮಾತ್ರ ಕೊಂಡೊಯ್ಯಬಹುದಾಗಿದೆ. ಇದಕ್ಕಾಗಿ ರೈಲಿನ ಕೊನೆಯ ಬೋಗಿಯಲ್ಲಿ ಅವಕಾಶ ಕಲ್ಪಿಸಲಾಗಿದೆ.

ಬೆಂಗಳೂರು: ನಮ್ಮ ಮೆಟ್ರೋ ಪ್ರಯಾಣಿಕರು ತಮ್ಮ ಪ್ರಯಾಣದ ಜೊತೆಗೆ ರೈಲಿನ ಕೊನೆಯ ಬೋಗಿಯಲ್ಲಿ ಮಡಚಬಹುದಾದ ಬೈಸಿಕಲ್ ಕೊಂಡೊಯ್ಯಲು ಬೆಂಗಳೂರು ಮೆಟ್ರೋ ರೈಲು ನಿಗಮ ( ಬಿಎಂಆರ್​ಸಿಎಲ್) ಅನುಮತಿ ನೀಡಿದೆ. ಜೊತೆಗೆ ಲಗೇಜ್ ಶುಲ್ಕಕ್ಕೂ ವಿನಾಯಿತಿ ನೀಡಲಾಗಿದೆ.

ಹಸಿರು ಉಪಕ್ರಮವನ್ನು ಉತ್ತೇಜಿಸುವ ನಿಟ್ಟಿನಲ್ಲಿ ಬಿಎಂಆರ್​ಸಿಎಲ್ ಈ ನಿರ್ಧಾರ ಕೈಗೊಂಡಿದೆ. ಕೇವಲ ಮಡಚಬಹುದಾದ ಸೈಕಲ್​ಗಳನ್ನು ಮಾತ್ರ ಕೊಂಡೊಯ್ಯಬಹುದಾಗಿದೆ. ಸೈಕಲ್​ನ ಗಾತ್ರ 60 CM X 45CM X 25CM ಮತ್ತು 15 ಕೆ.ಜಿ ತೂಕವನ್ನು ಮೀರಬಾರದು. ಮೆಟ್ರೋ ನಿಲ್ದಾಣ ಪ್ರವೇಶ ಸಮಯದಲ್ಲಿ ಬ್ಯಾಗೇಜ್ ಸ್ಕ್ಯಾನರ್ ಮೂಲಕ ಭದ್ರತಾ ತಪಾಸಣೆಗೆ ಒಳಪಡಿಸಲಾಗುತ್ತದೆ.

ಮೆಟ್ರೋ ಬೋಗಿಗಳ ಒಳಭಾಗದಲ್ಲಿ ಹಾನಿಯಾಗದಂತೆ ಬೈಸಿಕಲ್ ಅನ್ನು ಸರಿಯಾಗಿ ಪ್ಯಾಕ್ ಮಾಡಿರಬೇಕು. ಅಲ್ಲದೇ, ಇದನ್ನು ಪಕ್ಕದ ಪಯಾಣಿಕರಿಗೆ ಅನಾನುಕೂಲವಾಗದಂತೆ ಕೊಂಡೊಯ್ಯಬೇಕು ಎಂದು ತಿಳಿಸಿದೆ.

ಇದನ್ನೂ ಓದಿ:ಎಸ್​​​ಸಿ- ಎಸ್​​​​ಟಿ, ಹಿಂದುಳಿದ, ಅಲ್ಪಸಂಖ್ಯಾತರ ನಿಗಮಗಳಿಗೆ 857.5 ಕೋಟಿ ರೂ. ಹೆಚ್ಚುವರಿ ಅನುದಾನ