ಪೊಲೀಸ್ ಆಯುಕ್ತ ಭಾಸ್ಕರ್​ ರಾವ್ ನೇಮಕ: ಕೋರ್ಟ್​ ಕದ ತಟ್ಟಲು ಅಲೋಕ್​ ಚಿಂತನೆ

ಪ್ರಮುಖ ಕಾರಣವಿಲ್ಲದೇ ಯಾವುದೇ ಅಧಿಕಾರಿಯನ್ನು ವರ್ಗಾವಣೆ ಮಾಡುವಂತಿಲ್ಲ. ಹೀಗಾಗಿ, ಕೇಂದ್ರೀಯ ಆಡಳಿತಾತ್ಮಕ ಟ್ರಿಬ್ಯುನಲ್​ (ಸಿಎಟಿ) ಮೆಟ್ಟಿಲೇರಲು ನಿರ್ಗಮಿತ ನಗರ ಪೊಲೀಸ್ ಆಯುಕ್ತ ಅಲೋಕ್ ಕುಮಾರ್ ಚಿಂತನೆ ನಡೆಸಿದ್ದಾರೆ.

ಬೆಂಗಳೂರು:ಬೆಂಗಳೂರು ನಗರ ಪೊಲೀಸ್ ಆಯುಕ್ತರಾಗಿ ಅಧಿಕಾರ ಸ್ವೀಕರಿಸಿದ ಭಾಸ್ಕರ್ ರಾವ್ ಅವರ ನೇಮಕಾತಿ ಆದೇಶ ಪ್ರಶ್ನಿಸಿ ಕರ್ನಾಟಕ ಮೀಸಲು ಪೊಲೀಸ್​ ಪಡೆಗೆ ವರ್ಗಾವಣೆಗೊಂಡ ಅಲೋಕ್ ಕುಮಾರ್ ನ್ಯಾಯಾಲಯದ ಮೊರೆ ಹೋಗಲು ನಿರ್ಧರಿಸಿದ್ದಾರೆ.

ಪ್ರಮುಖ ಕಾರಣವಿಲ್ಲದೆ ಯಾವುದೇ ಅಧಿಕಾರಿಗಳನ್ನು ವರ್ಗಾವಣೆ ಮಾಡುವಂತಿಲ್ಲ. ಹೀಗಾಗಿ, ಕೇಂದ್ರೀಯ ಆಡಳಿತಾತ್ಮಕ ಟ್ರಿಬ್ಯುನಲ್​ (ಸಿಎಟಿ)ಗೆ ಅಲೋಕ್ ಕುಮಾರ್ ಪರ ವಕೀಲ ಶಂಕರ್​ ಅರ್ಜಿ ಸಲ್ಲಿಸಲಿದ್ದಾರೆ.

ಈ ಅರ್ಜಿಯಲ್ಲಿ ಕೇವಲ 47 ದಿನಗಳಲ್ಲಿ ಹೇಗೆ ವರ್ಗಾವಣೆ ಸಾಧ್ಯ? ಯಾವುದೇ ಐಪಿಎಸ್ ಅಧಿಕಾರಿ ವರ್ಗಾವಣೆ ಆಗುವುದಕ್ಕೆ ಒಂದು ವರ್ಷ ಆಗಬೇಕು. ಆದರೆ, ವರ್ಷ ಮುಗಿಯದೇ ಹೇಗೆ ವರ್ಗಾವಣೆ ಮಾಡಿದ್ದಿರಾ ಎಂದು ಪ್ರಶ್ನಿಸಲಿದ್ದಾರೆ. ಪೊಲೀಸ್ ಇಲಾಖೆಯಲ್ಲಿ ಕಾನ್​ಸ್ಟೆಬಲ್​ನಿಂದ ಹಿಡಿದು ಡಿಜಿವರೆಗೂ ಕೆಲ ನಿಯಮಗಳಿವೆ ಎಂದು ಅರ್ಜಿಯಲ್ಲಿ ಉಲ್ಲೇಖ ಮಾಡಲಿದ್ದಾರೆ ಎಂದು ತಿಳಿದು ಬಂದಿದೆ.