ಆನೇಕಲ್: ಕೋವಿಡ್ ಕಾವಿಗೆ ಜನ ಭಯಭೀತರಾಗಿದ್ದಾರೆ. ಮನೆಯಿಂದ ಹೊರ ಬರಲು ಹಿಂದೇಟು ಹಾಕುತ್ತಿದ್ದಾರೆ. ಸದ್ಯ ಕೊರೊನಾ ಭೀತಿ ಖೈದಿಗಳಿಗೂ ತಟ್ಟಿದ್ದು, ಪರಪ್ಪನ ಅಗ್ರಹಾರ ಕೇಂದ್ರ ಕಾರಾಗೃಹದ ಕೈದಿಗಳಿಗೆ ಅತೀವ ಜೀವ ಭಯ ಉಂಟಾಗಿದೆ.
ಜೈಲು ಹಕ್ಕಿಗಳಿಗೂ ತಟ್ಟಿದ ಕೋವಿಡ್-19 ಭೀತಿ - ಕೊರೊನಾ ವೈರಸ್
ಕೊರೊನಾ ವೈರಸ್ ದೇಶದಲ್ಲಿ ಭಯದ ವಾತಾವರಣ ಸೃಷ್ಟಿ ಮಾಡಿದೆ. ಅದರೆ ಸೋಂಕಿನ ಬಗ್ಗೆ ತಿಳಿವಳಿಕೆ ಇದ್ದರೆ ಎಚ್ಚರಿಕಾ ಕ್ರಮವಹಿಸಿ ಸೋಂಕು ತಗುಲದಂತೆ ತಡೆಗಟ್ಟಬಹುದಾಗಿದೆ. ಆದರೆ ಪರಪ್ಪನ ಅಗ್ರಹಾರ ಖೈದಿಗಳಿಗೆ ಕೊವಿಡ್ ಸೋಂಕಿನ ಕುರಿತು ಮಾಹಿತಿ ಇಲ್ಲದಂತಾಗಿದ್ದು ಜೀವ ಭಯ ಎದುರಿಸುತ್ತಿದ್ದಾರೆ.
ಕೇಂದ್ರ ಕಾರಾಗೃಹ
ರಾಜ್ಯದಲ್ಲಿ ಕೊರೊನಾ ಮುಂಜಾಗೃತವಾಗಿ ಲಾಕ್ಡೌನ್ ಘೋಷಿಸಿದ್ದಾರೆ. ಆದರೆ ಇನ್ನು ಅದೇಷ್ಟೋ ಮಂದಿಗೆ ಕೊರೊನಾ ವೈರಸ್ನ ಭೀಕರತೆ ಇದುವರೆಗೂ ತಿಳಿದಿಲ್ಲ. ಇನ್ನು ಇದಕ್ಕೆ ಕೇಂದ್ರ ಕಾರಾಗೃಹ ಖೈದಿಗಳೂ ಕೂಡಾ ಹೊರತೇನಲ್ಲ. ವೈರಸ್ ಬಗ್ಗೆ ತಿಳಿವಳಿಕೆಯ ಜ್ಞಾನದ ಕೊರತೆಯಿಂದ ಖೈದಿಗಳು ಬಳಲುತ್ತಿದ್ದಾರೆ ಎನ್ನಲಾಗುತ್ತಿದೆ
ಇನ್ನು ಕಾರಾಗೃಹ ಬ್ಯಾರಕ್ ಎಂಬತ್ತಕ್ಕೂ ಅಧಿಕ ಖೈದಿಗಳು ಇದ್ದು ಪೆರೋಲ್ ಮೇಲೆ ಹೊರಗೆ ಹೋಗಿ ಬರುವವರು ಇದ್ದಾರೆ ಹಾಗೆ ಇನ್ನಿತರ ವ್ಯಕ್ತಿಗಳ ಭೇಟಿಗೂ ಖೈದಿಗಳು ತತ್ತರಿಸಿದ್ದು ಸೋಂಕು ತಗಲುವ ಭೀತಿ ಎದುರಿಸುತ್ತಿದ್ದಾರೆ.