ಬೆಂಗಳೂರು ನಗರದಲ್ಲಿ 941 ವಾಹನಗಳು ಜಪ್ತಿ : 6 ಮಂದಿ ಮೇಲೆ ಕೇಸ್

ಕೋವಿಡ್ ಮಾರ್ಗಸೂಚಿ ಉಲ್ಲಂಘಿಸಿ, ಅನಗತ್ಯವಾಗಿ ಸಂಚಾರ ಮಾಡುತ್ತಿದ್ದ 941 ಹೆಚ್ಚು ವಾಹನಗಳನ್ನು ಜಪ್ತಿ ಮಾಡಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.

ಬೆಂಗಳೂರು :ರಾಜ್ಯಾದ್ಯಂತ ಲಾಕ್​ಡೌನ್ ಆದಾಗಿಂದ ಪೊಲೀಸರು ರಸ್ತೆಗಳ ಮೇಲೆ ಬರುವ ವಾಹನ ತಪಾಸಣೆಯನ್ನು ಕಠಿಣವಾಗಿ ನಿರ್ವಹಿಸುತ್ತಿದ್ದಾರೆ. ಈ ವೇಳೆ ನಿಯಮ ಉಲ್ಲಂಘಿದ ಕೆಲವು ಮಂದಿಯ ಮೇಲೆ ಕೇಸ್ ದಾಖಲಿಸಿ, ವಾಹನಗಳನ್ನು ಜಪ್ತಿ ಮಾಡಿದ್ದಾರೆ.

ನಗರ ಪೊಲೀಸರು ಬುಧವಾರ ಬೆಳಗ್ಗೆ 10 ಗಂಟೆಯಿಂದ ರಾತ್ರಿ 8 ಗಂಟೆಯವರೆಗೆ ನಡೆಸಿದ ಕಾರ್ಯಚರಣೆಯಲ್ಲಿ ಅತಿ ಹೆಚ್ಚು ದ್ವಿಚಕ್ರ ವಾಹನ, ಕಾರು, ಆಟೋ ಸೇರಿದಂತೆ ಒಟ್ಟು 941 ವಾಹನಗಳನ್ನ ವಶಕ್ಕೆ‌ ಪಡೆಯಲಾಗಿದೆ.

ಇದನ್ನೂ ಓದಿ:ಕೋವಿಡ್ ಆತಂಕ: ಬೆರಳಚ್ಚು ಹಾಜರಾತಿ ಕೈಬಿಡಲು ಕೆಪಿಸಿಎಲ್ ನೌಕರರ ಪ್ರತಿಭಟನೆ

ದ್ವಿಚಕ್ರ ವಾಹನ - 870, ಆಟೋ-37 , ಕಾರು - 34 ಹೀಗೆ ಒಟ್ಟು 941 ವಾಹನಗಳು ಜಪ್ತಿ‌‌ ಮಾಡಲಾಗಿದೆ. ಕೊರೊನಾ ರೂಲ್ಸ್ ಬ್ರೇಕ್ ಮಾಡಿದ 6 ಮಂದಿಯ ವಿರುದ್ಧ NDMA ಆ್ಯಕ್ಟ್ ಅಡಿಯಲ್ಲಿ ದೂರು ದಾಖಲಿಸಲಾಗಿದೆ.