ಬೆಂಗಳೂರು:ನಟಿ, ಕರ್ನಾಟಕ ಅರಣ್ಯ ಅಭಿವೃದ್ಧಿ ನಿಗಮದ ಅಧ್ಯಕ್ಷೆ ತಾರಾ ಅನುರಾಧಾ ಅವರ ತಾಯಿ ಇತ್ತೀಚೆಗೆ ವಿಧಿವಶರಾಗಿದ್ದಾರೆ. ಇಂದು ಅಮ್ಮಂದಿರ ದಿನದ ಅಂಗವಾಗಿ ಬಡ ಮತ್ತು ಅನಾಥ ಮಹಿಳೆಯರಿಗೆ ಬಟ್ಟೆ ಹಾಗೂ ಅನ್ನದಾನ ಮಾಡುವ ಮೂಲಕ ದಿನಾಚರಣೆಯನ್ನು ಅರ್ಥಪೂರ್ಣವಾಗಿ ಆಚರಿಸಿದರು. ಅಲ್ಲದೇ, ನಗರದ ಕಾಕ್ಸ್ ಟೌನ್ ಗಂಗಮ್ಮ ದೇವಸ್ಥಾನದಲ್ಲಿ ಭಾರತೀನಗರ ನಾಗರಿಕರ ವೇದಿಕೆ ಅಧ್ಯಕ್ಷ ಎನ್.ಎಸ್.ರವಿ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಮಹಿಳೆಯರಿಗೆ ಬಾಗಿನ ನೀಡಿದರು.
ಅಮ್ಮ ಇಲ್ಲದ ಅಮ್ಮಂದಿರ ದಿನವಿದು: ನಟಿ ತಾರಾ ಅನುರಾಧಾ ಬೇಸರ
ಕಳೆದ ವಾರ ನಟಿ ತಾರಾ ಅನುರಾಧಾ ಅವರ ತಾಯಿ ಪುಷ್ಪಾ ದೈವಾಧೀನರಾಗಿದ್ದರು. ನಿನ್ನೆಯಷ್ಟೇ ಅವರ ವೈಕುಂಠ ಸಮಾರಾಧನೆ ಕಾರ್ಯಕ್ರಮವೂ ನಡೆಯಿತು. ಇಂದು ಅಮ್ಮಂದಿರ ದಿನದ ಹಿನ್ನೆಲೆ ಬಡ ಮತ್ತು ಅನಾಥ ಮಹಿಳೆಯರಿಗೆ ತಾರಾ ಬಟ್ಟೆಗಳನ್ನು ವಿತರಿಸುವ ಮೂಲಕ ಅಗಲಿದ ಅಮ್ಮನನ್ನು ನೆನೆದರು.