ಬೆಂಗಳೂರು: ಕಷ್ಟದಲ್ಲಿದ್ದಾಗ ಕೆಲಸ ಕೊಟ್ಟು ಕೈಹಿಡಿದ ಮಾಲೀಕನ ಅಂಗಡಿಯಲ್ಲಿ ಲಕ್ಷಾಂತರ ರೂಪಾಯಿ ಹಣ ಕದ್ದು ಪರಾರಿಯಾಗಿದ್ದ ಆರೋಪಿಯನ್ನು ಸಿಟಿ ಮಾರ್ಕೆಟ್ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
ಸಿಟಿ ಮಾರ್ಕೆಟ್ನ ಬಿ.ಕೆ.ಅಯ್ಯಂಗಾರ್ ರೋಡ್ನಲ್ಲಿ ಜಯಚಂದ್ರ ಎಂಬುವವರಿಗೆ ಸೇರಿದ ಮರುಧರ್ ಎಲೆಕ್ಟ್ರಿಕಲ್‌ ಅಂಗಡಿಯಲ್ಲಿ ಕೆಲಸ ಮಾಡುತ್ತಿದ್ದ ರಾಜಸ್ಥಾನದ ಮೂಲದ ಗಣೇಶ್ ವರ್ಮಾ ಎಂಬಾತನನ್ನು ಬಂಧಿಸಿ, 27 ಲಕ್ಷ ರೂ. ನಗದು ಜಪ್ತಿ ಮಾಡಿಕೊಂಡಿದ್ದಾರೆ.
ಆರೋಪಿಯನ್ನು ಬಂಧಿಸಿ 27 ಲಕ್ಷ ರೂ. ನಗದು ಜಪ್ತಿ
ಎಲೆಕ್ಟ್ರಿಕಲ್‌ ಶಾಪ್ನಲ್ಲಿ ಗಣೇಶ್ ವರ್ಮಾ ಸೇರಿ ನಾಲ್ವರು ಕೆಲಸ ಮಾಡುತ್ತಿದ್ದರು. ರಾಜಸ್ಥಾನ ಮೂಲದ ಗಣೇಶ್ ಐದಾರು ತಿಂಗಳ ಹಿಂದೆ ಕೆಲಸಕ್ಕೆ ಸೇರಿದ್ದ. ಮಾಲೀಕ ಇಲ್ಲದಿರುವ ಟೈಮ್ ನೋಡಿ ಅಂಗಡಿಯಲ್ಲಿದ್ದ 30 ಲಕ್ಷ ರೂಪಾಯಿ ಹಣ ದೋಚಿ ಕಣ್ಮರೆಯಾಗಿದ್ದ.