ಬೆಂಗಳೂರು: ಕೊರೊನಾ ಸೃಷ್ಟಿಸಿರುವ ಕಣ್ಣೀರ ಕಥೆಗಳು ಒಂದಲ್ಲ ಎರಡಲ್ಲ. ಈ ಮಾರಕ ವೈರಸ್ ತಂದಿಟ್ಟಿರುವ ಪರಿಸ್ಥಿತಿ ಕರುಳು ಹಿಂಡುತ್ತಿದೆ. 17 ದಿನದ ಕಂದಮ್ಮ ಈ ಮಹಾಮಾರಿಗೆ ಬಲಿಯಾಗಿದ್ದು, ತನ್ನ ಕರುಳ ಬಳ್ಳಿಯನ್ನೇ ನೋಡಲಾಗದ ಸ್ಥಿತಿಯಲ್ಲಿ ಹೆತ್ತವರು ಕಣ್ಣೀರು ಹಾಕುತ್ತಿದ್ದಾರೆ.
ಎದೆಗೆ ಅಪ್ಪಿಕೊಂಡು ಮುದ್ದಿಸಿಕೊಳ್ಳಬೇಕಾದ ಕಂದಮ್ಮ ಕೊರೊನಾಗೆ ಬಲಿಯಾಗಿದೆ. ಇತ್ತ ಅನಾಥ ಶವದಂತೆ ಹಸುಗೂಸಿನ ಅಂತ್ಯಕ್ರಿಯೆ ನಡೆದಿದೆ. ಬೆಳ್ಳಂದೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಜುಲೈ 1 ರಂದು ಚಿಕಿತ್ಸೆ ಫಲಿಸದೆ ಮಗು ಸಾವನ್ನಪ್ಪಿರುವುದು ತಡವಾಗಿ ಬೆಳಕಿಗೆ ಬಂದಿದೆ.