ಬಳ್ಳಾರಿ ನಗರದಾದ್ಯಂತ ಸ್ಯಾಮಿಟೈಸರ್ ಸಿಂಪಡಣೆ...​ ಜಿಲ್ಲಾಡಳಿತಕ್ಕೆ ಗಣಿ ಕಂಪನಿ ಸಾಥ್

ಎನ್​ಎಂಡಿಸಿ ಕಂಪನಿ ಬಳ್ಳಾರಿ ಜಿಲ್ಲಾಡಳಿತಕ್ಕೆ ಸಾಥ್ ನೀಡಿದ್ದು, ಜಿಲ್ಲಾಡಳಿತ ಗುರುತಿಸಿರುವ ನಗರದ ಪ್ರಮುಖ 19 ಸ್ಥಳಗಳಲ್ಲಿ ಸ್ಯಾನಿಟೈಜರ್ ಸಿಂಪಡಣೆ ಮಾಡಿದೆ.

ಬಳ್ಳಾರಿ: ಮಾಹಾಮಾರಿ‌ ಕೊರೊನಾ ವೈರಸ್ ವಿರುದ್ಧ ಹೋರಾಡಲು ಬಳ್ಳಾರಿಯ ಗಣಿ ಕಂಪನಿಗಳು ಜಿಲ್ಲಾಡಳಿತಕ್ಕೆ ಸಾಥ್ ನೀಡಿವೆ. ಇಂದು ಜಿಲ್ಲಾಡಳಿತದೊಂದಿಗೆ ನಗರದ ಸುತ್ತಮುತ್ತ ಸ್ಯಾನಿಟೈಜರ್ ಸಿಂಪಡಣೆ ಮಾಡುತ್ತಿವೆ.

ಲಾಕ್​ಡೌನ್ ಸಮಯದಲ್ಲಿ ಜಿಲ್ಲೆಯ ಕೈಗಾರಿಕೆಗಳ ಸಹಾಯ ಹಸ್ತವನ್ನ ಡಿಸಿ ಎಸ್.ಎಸ್. ನಕುಲ್ ಕೋರಿದ್ದಾರೆ. ಹೀಗಾಗಿ, ಎನ್​ಎಂಡಿಸಿ ಕಂಪನಿ ಜಿಲ್ಲಾಡಳಿತಕ್ಕೆ ಸಾಥ್ ನೀಡಿದೆ. ಜಿಲ್ಲಾಡಳಿತ ಗುರುತಿಸಿರುವ ನಗರದ ಪ್ರಮುಖ 19 ಸ್ಥಳಗಳಲ್ಲಿ ಸ್ಯಾನಿಟೈಜರ್ ಸಿಂಪಡಣೆ ಮಾಡಿದೆ.