ಬೆಂಗಳೂರು: ಲಾಕ್ಡೌನ್ ನಿಯಮ ಉಲ್ಲಂಘಿಸಿ ರಸ್ತೆಗೆ ಇಳಿಯುವವರ ಸಂಖ್ಯೆ ಹೆಚ್ಚುತ್ತಿದೆ. ಹೀಗೆ ಬೇಕಾಬಿಟ್ಟಿ ರಸ್ತೆಗಿಳಿದು ಬ್ಯಾಡ್ಮಿಂಟನ್ ಆಡುತ್ತಿದ್ದವರನ್ನು ಡ್ರೋನ್ ಕ್ಯಾಮರಾ ಓಡಿಸಿದೆ.
ಬೆಂಗಳೂರಿನ ರಸ್ತೆಯಲ್ಲಿ ಬ್ಯಾಡ್ಮಿಂಟನ್ ಆಡ್ತಿದ್ದವರು ಡ್ರೋನ್ ಕಂಡು ಓಟಕಿತ್ತರು- ವಿಡಿಯೋ - ಕೋವಿಡ್-19
ಪೊಲೀಸರು ಅದೆಷ್ಟೇ ಜಾಗೃತಿ ಮೂಡಿಸಿ ಕಠಿಣ ಕ್ರಮ ಕೈಗೊಂಡಿದ್ದರೂ ಸಹ ಕೆಲವರು ರಸ್ತೆಗಿಳಿಯುತ್ತಿದ್ದಾರೆ. ಜನರನ್ನು ಗಮನಿಸಲು ಬೆಂಗಳೂರು ಪೊಲೀಸರು ಡ್ರೋನ್ ಮೊರೆ ಹೋಗಿದ್ದಾರೆ. ಸದ್ಯ ವೀಕೆಂಡ್ ಅಂತ ರಸ್ತೆಯಲ್ಲಿ ಆಟವಾಡುತ್ತಿದ್ದ ಬ್ಯಾಡ್ಮಿಂಟನ್ ಅಟಗಾರರು ಡ್ರೋನ್ ಕ್ಯಾಮರಾ ನೋಡುತ್ತಲೇ ಕಾಲ್ಕಿತ್ತಿರುವ ವಿಡಿಯೋ ವೈರಲ್ ಆಗಿದೆ.
ಡ್ರೋನ್ ಕಂಡು ಕಾಲ್ಕಿತ್ತ ಬ್ಯಾಡ್ಮಿಂಟನ್ ಆಟಗಾರರು
ನಗರದ ದಕ್ಷಿಣ ವಿಭಾಗದಲ್ಲಿ ಡ್ರೋನ್ ಕಾರ್ಯಾಚರಣೆ ಮೂಲಕ ರಸ್ತೆಗೆ ಬರುವವರ ಮೇಲೆ ಕಣ್ಣಿಡಲಾಗಿದೆ. ವೀಕೆಂಡ್ ಮಸ್ತಿಯಲ್ಲಿ ಕೊರೊನಾ ಮರೆತು ರಸ್ತೆಯಲ್ಲಿ ಬ್ಯಾಡ್ಮಿಂಟನ್ ಆಡ್ತಿದ್ದವರು ಡ್ರೋನ್ ಕಂಡು ಓಡಿರುವ ದೃಶ್ಯ ಸೆರೆಯಾಗಿದ್ದು, ಸದ್ಯ ಪೊಲೀಸರು ವಿಡಿಯೋವನ್ನು ವೈರಲ್ ಮಾಡಿದ್ದಾರೆ.
ಡ್ರೋನ್ ಕಂಡು ರಸ್ತೆಯಲ್ಲಿ ಬ್ಯಾಡ್ಮಿಂಟನ್ ಆಡ್ತಿದ್ದವರು ಮನೆಗೆ ಓಡಿದರು.
ಕೊರೊನಾ ವೈರಸ್ ಭೀಕರತೆ ಮರೆತವರು ಪೊಲೀಸರು ಬೀಟ್ಗೆ ಬಂದಾಗ ಮನೆಯಲ್ಲಿದ್ದು, ಅವರು ಹೋದಾಗ ರಸ್ತೆಗಿಳಿಯುತ್ತಿದ್ದಾರೆ. ಹೀಗಾಗಿ ಪೊಲೀಸರ ಕಣ್ತಪ್ಪಿಸಿ ಹೊರಗಡೆ ಬರುವ ಜನರ ಹೆಡೆಮುರಿಕಟ್ಟಲು ಡ್ರೋನ್ ಬಳಸಲಾತ್ತಿದೆ. ಸದ್ಯ ಬ್ಯಾಡ್ಮಿಂಟನ್ ಆಡುತಿದ್ದ ಯುವಕರು ಡ್ರೋನ್ ಕ್ಯಾಮರಾ ನೋಡಿದ ಕೂಡಲೇ ಎಸ್ಕೇಪ್ ಆಗಿರೋದು ವಿಡಿಯೋದಲ್ಲಿ ಸೆರೆಯಾಗಿದೆ.