ಬೆಳಗಾವಿ: ವೈದ್ಯಕೀಯ ಹಾಗೂ ಹಾಲು ಮಾರಾಟಕ್ಕೆ ಅನುಮತಿ ನೀಡಿದ್ದರೂ ಆಸ್ಪತ್ರೆಗೆ ಬಂದಿದ್ದ ಮಹಿಳೆ ಮತ್ತು ಬೈಕ್ನಲ್ಲಿ ಹಾಲು ಮಾರಾಟಕ್ಕೆ ಹೋಗುತ್ತಿದ್ದ ವೃದ್ಧನ ಮೇಲೆ ಪೊಲೀಸರು ಲಾಠಿ ಬೀಸಿದ್ದಾರೆ.
ಆಸ್ಪತ್ರೆಗೆ ಹೊರಟ್ಟಿದ್ದ ಮಹಿಳೆ, ಹಾಲು ಪೂರೈಸುತಿದ್ದ ವೃದ್ಧನಿಗೆ ಲಾಠಿ ಏಟು; ಖಾಕಿ ದರ್ಪಕ್ಕೆ ಕಣ್ಣೀರಿಟ್ಟ ಅಜ್ಜ - ಲಾಕ್ಡೌನ್ ಆದೇಶ ಉಲ್ಲಂಘನೆ
ದಿನಸಿ, ತರಕಾರಿ ಖರೀದಿಸುವ ನೆಪ ಹೇಳಿಕೊಂಡು ರಸ್ತೆಗಿಳಿದಿದ್ದ ಅನೇಕರಿಗೆ ಬೆಳಗಾವಿ ಪೊಲೀಸರು ಲಾಠಿ ರುಚಿ ತೋರಿಸಿದರು.
ಮಹಿಳೆ ಮೇಲೆ ಲಾಠಿ ಬೀಸುತ್ತಿರುವ ಪೊಲೀಸ್
ಲಾಠಿ ಏಟಿನ ನೋವು ತಾಳಲಾರದೇ ಬೈಕ್ನಿಂದ ಕೆಳಗಿಳಿದ ವೃದ್ಧ, ಕಣ್ಣೀರಿಟ್ಟಿದ್ದಾರೆ. ಪೊಲೀಸಪ್ಪನ ವರ್ತನೆಗೆ ಆಕ್ರೋಶ ವ್ಯಕ್ತವಾಗಿದೆ. ಕೊರೊನಾ ಸೋಂಕಿತರ ಸಂಖ್ಯೆ ಹೆಚ್ಚುತ್ತಿರುವ ಪರಿಣಾಮ ವೈದ್ಯಕೀಯ ಹಾಗೂ ಹಾಲು ಮಾರಾಟಕ್ಕೆ ರಿಯಾಯಿತಿ ನೀಡಿ ಬೆಳಗಾವಿಯನ್ನು ಸೀಲ್ಡೌನ್ ಮಾಡಲಾಗಿದೆ.
ಈ ನಿಟ್ಟಿನಲ್ಲಿ ಬೆಳಗಾವಿಯ ಸದಾಶಿವನಗರ, ಚೆನ್ನಮ್ಮ ವೃತ್ತ, ಗಾಂಧಿನಗರದಲ್ಲಿ ಅನಗತ್ಯವಾಗಿ ರಸ್ತೆಗಿಳಿದ ಪುಂಡರಿಗೆ ಬೆಳಗಾವಿ ನಗರ ಪೊಲೀಸರು ಲಾಠಿ ರುಚಿ ತೋರಿಸಿದ್ದಾರೆ.