MES ಪುಂಡರಿಗೆ ಬೆಳಗಾವಿ ಪೊಲೀಸರ ಮೂಗುದಾರ.. ಧರಣಿಗಷ್ಟೇ ಸೀಮಿತವಾದ 'ಕರಾಳ ದಿನ'..

ಮೆರವಣಿಗೆಗೆ ಬೆಳಗಾವಿ ಮಹಾನಗರ ಪೊಲೀಸರು ‌ಅನುಮತಿ ನೀಡದ ಹಿನ್ನೆಲೆ ಎಂಇಎಸ್​ ಕಾರ್ಯಕರ್ತರು ಬೆಳಗಾವಿ ನಗರದ ಮರಾಠಾ ಮಂದಿರದಲ್ಲಿ ಧರಣಿ ನಡೆಸಿ, ಸಭೆ ನಡೆಸುತ್ತಿದ್ದಾರೆ. ಪ್ರತಿ ವರ್ಷ ಕನ್ನಡ ರಾಜ್ಯೋತ್ಸವಕ್ಕೆ ಪ್ರತಿಯಾಗಿ ಎಂಇಎಸ್​ ಕರಾಳ ದಿನಾಚರಣೆ ನಡೆಸುತ್ತದೆ..

ಬೆಳಗಾವಿ :ಕನ್ನಡ ರಾಜ್ಯೋತ್ಸವ ಹಿನ್ನೆಲೆ ಕರಾಳ ದಿನ ಆಚರಿಸುತ್ತಿದ್ದ ಎಂಇಎಸ್ ಪುಂಡರಿಗೆ ನಗರ ಪೊಲೀಸರು ಮೂಗುದಾರ ಹಾಕಿದ್ದಾರೆ.

ಮೆರವಣಿಗೆಯಿಂದ ಹಿಂದೆ ಸರಿದ ಎಂಇಎಸ್​ ಕಾರ್ಯಕರ್ತರು ಇಲ್ಲಿನ ಮರಾಠಾ ಮಂದಿರದಲ್ಲಿ ಧರಣಿ ನಡೆಸಿ, ಸಭೆ ನಡೆಸುತ್ತಿದ್ದಾರೆ. ಮೆರವಣಿಗೆಗೆ ಬೆಳಗಾವಿ ಮಹಾನಗರ ಪೊಲೀಸರು ‌ಅನುಮತಿ ನೀಡಿಲ್ಲ. ಹೀಗಾಗಿ, ಕೆಲವೇ ಜನರು ಇಲ್ಲಿನ ಮರಾಠಾ ಮಂದಿರದಲ್ಲಿ ಸೇರಿ ಸಭೆ ನಡೆಸುತ್ತಿದ್ದಾರೆ.

ಅನುಮತಿ ನೀಡದಿದ್ದಕ್ಕೆ ಅಸಮಾಧಾನಗೊಂಡಿರುವ ಎಂಇಎಸ್ ಕಾರ್ಯಕರ್ತರು, ಗಡಿ ಭಾಗದ ಪ್ರದೇಶಗಳು ಮಹಾರಾಷ್ಟ್ರಕ್ಕೆ‌ ಸೇರಬೇಕು ಎಂದು ಘೋಷಣೆ ಕೂಗಿ ಉದ್ಧಟತನ ಪ್ರದರ್ಶಿಸಿದರು.

ಅಲ್ಲದೇ ಮೈಕ್ ಬಳಸಲು ಕೂಡ ಪೊಲೀಸರು ಅನುಮತಿ ನೀಡಿಲ್ಲ. ಪ್ರತಿ ವರ್ಷ ಕನ್ನಡ ರಾಜ್ಯೋತ್ಸವಕ್ಕೆ ಪ್ರತಿಯಾಗಿ ಎಂಇಎಸ್​ ಕರಾಳ ದಿನಾಚರಣೆ ನಡೆಸುತ್ತದೆ.