ವೈಯಕ್ತಿಕ ಸಾಲಗಳ ಬದಲಾಗಿ ಗೃಹ ಸಾಲದ ಟಾಪ್​ ಅಪ್​ಗಳನ್ನು ಯಾಕೆ ಆರಿಸಿಕೊಳ್ಳಬೇಕು?

ಸಾಲದ ಕಂತುಗಳನ್ನು ಸರಿಯಾಗಿ ಪಾವತಿಸುವ ಸಾಲದಾರರಿಗೆ ಬ್ಯಾಂಕ್​ಗಳು ಈ ಟಾಪ್​ ಅಪ್​ ಸೌಲಭ್ಯ ನೀಡುತ್ತವೆ.

ಸರಿಯಾಗಿ ಇನ್ಸ್ಟಾಲ್​ಮೆಂಟ್​ಗಳನ್ನು (ಕಂತುಗಳು) ಕಟ್ಟುವ ತಮ್ಮ ಗ್ರಾಹಕರಿಗೆ ಬ್ಯಾಂಕ್​ಗಳು ಉತ್ತಮ ಆಫರ್​ಗಳನ್ನು ನೀಡುತ್ತವೆ. ಐದು ವರ್ಷಗಳ ಹಿಂದೆ ನೀವು ಗೃಹ ಸಾಲ ಪಡೆದಿದ್ದರೆ, ನಿಮ್ಮ ಮನೆಯ ಮೌಲ್ಯ ಇದೀಗ ಹೆಚ್ಚಿರುತ್ತದೆ. ಅದೇ ರೀತಿ ನಿಮ್ಮ ಆದಾಯ ಕೂಡ ಹೆಚ್ಚಾಗಿರುತ್ತದೆ. ಈ ಎಲ್ಲಾ ಅಂಶಗಳನ್ನು ಗಮನದಲ್ಲಿರಿಸಿಕೊಂಡು, ಬ್ಯಾಂಕ್​ಗಳು ನಿಮ್ಮ ಪ್ರಸ್ತುತ ಗೃಹ ಸಾಲದ ಮೇಲೆ ಟಾಪ್​ ಅಪ್​ ಲೋನ್​ಗಳ ಆಫರ್​ ನೀಡುತ್ತವೆ. ಇಂತಹ ಟಾಪ್​ ಅಪ್​ಗಳಿಗೆ ಯಾವಾಗ ನೀವು ಹೋಗಬಹುದು ಎಂಬುದರ ಮಾಹಿತಿ ಇಲ್ಲಿದೆ.

ಇಂದಿನ ದಿನದಲ್ಲಿ, ಗೃಹ ಸಾಲದ ಮೇಲಿನ ಬಡ್ಡಿದರ ಹೆಚ್ಚಳಗೊಂಡಿದೆ. 8.5 ರಿಂದ 9ರಷ್ಟು​ ಬಡ್ಡಿ ಹೆಚ್ಚಳಗೊಂಡಿದೆ. ಅಂದಾಜಿನ ಅನುಸಾರ, ಭವಿಷ್ಯದಲ್ಲಿ ಬಡ್ಡಿದರ 35 ನಿಂದ 50 ಬೇಸಿಸ್​ ಪಾಯಿಂಟ್​​​ ಹೆಚ್ಚಳಗೊಳ್ಳುವ ಸಾಧ್ಯತೆ ಇದೆ. ಇದರ ಮಧ್ಯೆ, ಬ್ಯಾಂಕ್​ಗಳು ಹೊಸ ಸಾಲವನ್ನು ನೀಡುತ್ತಿವೆ. ಗೃಹ ಸಾಲ ಟಾಪ್​ ಅಪ್​ಗಳು ಎಲ್ಲಾ ಪ್ರಯೋಜನವನ್ನು ಹೊಂದಿರುವುದಿಲ್ಲ. ಆದಾಯ ತೆರಿಗೆ ಕಾಯ್ದೆ ಸೆಕ್ಷನ್​ 24ರ ಪ್ರಕಾರ, ಗೃಹ ಸಾಲಗಳು ಎರಡು ಲಕ್ಷದವರೆಗಿನ ತೆರಿಗೆ ಕಡಿತಕ್ಕೆ ಸಹಾಯಕವಾಗಲಿದೆ. ಸೆಕ್ಷನ್​ 80 ಸಿಯ ಮೂಲಕ ಪ್ರಿನ್ಸಿಪಲ್​ ಮಿತಿ ಅನುಸಾರ ತೆರಿಗೆ ವಿನಾಯಿತಿಯನ್ನು ಹೊಂದಬಹುದು. ಈ ಟಾಪ್​ ಅಪ್​ಗಳು ಈ ಸೌಲಭ್ಯವನ್ನು ಹೊಂದಿರುವುದಿಲ್ಲ.

ಟಾಪ್​ ಅಪ್​​ ಅವಧಿ: ಹಣದ ಅವಶ್ಯಕತೆ ಇದ್ದಾಗ ಗೃಹ ಸಾಲದ ಮೇಲಿನ ಈ ಟಾಪ್​ ಅಪ್​ಗಳು ಕೆಲವು ಪ್ರಯೋಜನಗಳನ್ನು ಹೊಂದಿದೆ. ಟಾಪ್​ ಅಪ್​ ದೀರ್ಘ ಅವಧಿ ಹೊಂದಿದ್ದು, ವೈಯಕ್ತಿಕ ಅಥವಾ ಗೋಲ್ಡ್​ ಲೋನ್​ಗಳಿಗೆ ಹೋಲಿಸಿಕೊಂಡರೆ ಕಡಿಮೆ ಬಡ್ಡಿದರ ಹೊಂದಿದೆ. ಗೃಹದ ಸಾಲದ ಅವಧಿ ಹೋಲಿಸಿದರೆ, ಈ ಟಾಪ್​ ಅಪ್​ ಸಾಲದ ಅವಧಿ ನಿರ್ಧರಿಸಬಹುದು. ಗೃಹ ಸಾಲವನ್ನು 15 ವರ್ಷಕ್ಕೆ ನೀಡಿದರೆ, ಟಾಪ್​ ಅಪ್​ ಲೋನ್​ಗಳಿಗೂ 15 ವರ್ಷಗಳ ಅವಧಿ ನೀಡಲಾಗುವುದು. ಇತರೆ ಲೋನ್​ಗಳಿಗೆ ಈ ಅವಧಿ ಇರುವುದಿಲ್ಲ.

ವಿವಿಧ ಬ್ಯಾಂಕ್​ಗಳು ವಿವಿಧ ನಿಯಮ ಹೊಂದಿರುತ್ತವೆ. ಈ ಹಿನ್ನೆಲೆಯಲ್ಲಿ ಬ್ಯಾಂಕ್​ಗಳ ಟಾಪ್​ ಅಪ್​ ನಿಯಮವನ್ನು ಮೊದಲು ಅರಿಯಬೇಕು. ಒಟ್ಟಿಗೆ ನಿಮಗೆ ಹಣ ಬೇಡ ಎಂದರೆ, ಓವರ್​ ಡ್ರಾಫ್ಟ್​ ಸೌಲಭ್ಯಗಳು ಟಾಪ್​ ಅಪ್​ ಲೋನ್​ಗಳಲ್ಲಿ ಪಡೆಯಬಹುದು. ಗೃಹ ಸಾಲಕ್ಕೆ ಹೋಲಿಕೆ ಮಾಡಿದರೆ, ಇದರ ಬಡ್ಡಿದರ ಕೊಂಚ ಹೆಚ್ಚಿದೆ. ದೀರ್ಘಾವಧಿಗೆ ಮತ್ತು ಬೇಕಾದಾಗ ಹಣವನ್ನು ಪಡೆಯಲು ಸಾಧ್ಯವಾಗುತ್ತದೆ. ಹಣ ಬಳಕೆಗೆ ತಕ್ಕಂತೆ ಈ ಬಡ್ಡಿದರ ಬದಲಾಗುತ್ತದೆ. ಆದರೆ, ಇದರ ಹೊರೆ ಹೆಚ್ಚಿರುವುದಿಲ್ಲ.

ಕಂತು ಪಾವತಿ ಅನುಸಾರ ಟಾಪ್​ ಅಪ್​: ಪ್ರಸ್ತುತ ಗೃಹ ಸಾಲದಲ್ಲಿ ಸಾಲದಾತರ ಎಲ್ಲಾ ಮಾಹಿತಿಗಳು ಬ್ಯಾಂಕ್​ಗಳು ಹೊಂದಿರುತ್ತವೆ. ಇದು ಲೋನ್​ ಇನ್ಸ್ಟಾಲ್​ಮೆಂಟ್​ಗಳು ಹೇಗೆ ಪಾವತಿಸಿದರು ಎಂಬುದನ್ನು ಇದು ತೋರಿಸುತ್ತದೆ. ಟಾಪ್​ ಅಪ್​ ತೆಗೆದುಕೊಳ್ಳಬೇಕು ಎಂದರೆ ಇನ್ಸ್ಟಾಲ್​ಮೆಂಟ್​ಗಳನ್ನು ಸರಿಯಾಗಿ ಪಾವತಿಸಿದ ಮಾಹಿತಿಯನ್ನು ತೋರಿಸಬೇಕಾಗುತ್ತದೆ. ಇದರ ಜೊತೆಗೆ ಆದಾಯ ಮತ್ತು ಇತರೆ ದಾಖಲೆಗಳನ್ನು ಒದಗಿಸಬೇಕಾಗುತ್ತದೆ. ಆದಾಯ, ಗೃಹ ಸಾಲದ ಮೊತ್ತ, ಅಡಮಾನ ಇಟ್ಟ ಆಸ್ತಿಯ ಮಾರುಕಟ್ಟೆ ಮೌಲ್ಯದ ಆಧಾರದ ಮೇಲೆ ಈ ಟಾಪ್​ ಅಪ್​ ಲೋನ್​ ಮೌಲ್ಯ ನಿಗದಿಯಾಗುತ್ತದೆ.

ಗೃಹ ಸಾಲದ ಬಡ್ಡಿದರದಷ್ಟೇ ಈ ಟಾಪ್​ ಅಪ್​ ಲೋನ್​ಗಳ ಬಡ್ಡಿದರ ಇದೆ. ಕೆಲವು ಬ್ಯಾಂಕ್​ಗಳು ಮತ್ತು ಸಾಲ ಸಂಸ್ಥೆಗಳು ಈ ಟಾಪ್​ ಅಪ್​ ಲೋನ್​ಗಳನ್ನು ಮುಂಗಡವಾಗಿ ನೀಡುತ್ತವೆ. ಅತಿ ಹೆಚ್ಚಿನ ಬಡ್ಡಿದರದಲ್ಲಿ ತೆಗೆದುಕೊಳ್ಳುವ ಬದಲಾಗಿ, ಹಣದ ಅವಶ್ಯಕತೆ ಇದ್ದಾಗ ಈ ಟಾಪ್​ ಅಪ್​ ಲೋನ್​ ಪಡೆಯುವುದೊಳಿತು.

ಇದನ್ನೂ ಓದಿ: ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ: ಅಪಾಯದಿಂದ ತಪ್ಪಿಸಿಕೊಳ್ಳುವ ಬಗೆ ಹೇಗೆ?