ಗ್ರಾಹಕರ ಸೆಳೆಯಲು ವಾಟ್ಸಾಪ್​ನಿಂದ ಹಣ ಪಾವತಿಗೆ ಕ್ಯಾಶ್​ಬ್ಯಾಕ್​ ಆಫರ್​

ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (NPCI) ಇತ್ತೀಚೆಗೆ ವಾಟ್ಸ್​ಆ್ಯಪ್​ ಪಾವತಿ ಸೇವೆಯ ಮಿತಿಯನ್ನು 100 ಮಿಲಿಯನ್ ಬಳಕೆದಾರರಿಗೆ ಹೆಚ್ಚಿಸಲು ನಿರ್ಧರಿಸಿದೆ. ದೇಶದಲ್ಲಿ ವಾಟ್ಸ್​ಆ್ಯಪ್​ ಈಗಾಗಲೇ 400 ಮಿಲಿಯನ್ ಬಳಕೆದಾರರನ್ನು ಹೊಂದಿದೆ.

ಆನ್​ಲೈನ್​ ಪಾವತಿ ಆ್ಯಪ್​ಗಳಾದ ಗೂಗಲ್​ ಪೇ, ಫೋನ್​ ಪೇ, ಅಮೆಜಾನ್​ ಪೇ, ಪೇಟಿಎಂನಲ್ಲಿ ನಿಮಗೆ ಕ್ಯಾಶ್​ ಬ್ಯಾಕ್​ ಬರುತ್ತಿಲ್ಲವೇ? ಹಾಗಾದರೆ, ವಾಟ್ಸ್​ ಆ್ಯಪ್​ ಪೇಯನ್ನು ಬಳಸಿ ಕ್ಯಾಶ್​ಬ್ಯಾಕ್​ ಪಡೆದುಕೊಳ್ಳಿ.

ಹೌದು, ಸಾಮಾಜಿಕ ಮಾಧ್ಯಮ ದೈತ್ಯ ವಾಟ್ಸ್​ ಆ್ಯಪ್​ ತನ್ನ ಆನ್​ಲೈನ್​ ಪೇ ಮೂಲಕ ಪಾವತಿಯನ್ನು ಹೆಚ್ಚಿಸಲು ಗ್ರಾಹಕರಿಗೆ ಬಂಪರ್​ ಕ್ಯಾಶ್​ಬ್ಯಾಕ್​ ಆಫರ್​ ಘೋಷಿಸಿದೆ. ವಾಟ್ಸಾಪ್ ಮೂಲಕ ವ್ಯಾಪಾರ ಪಾವತಿಗಳನ್ನು ಹೆಚ್ಚಿನ ರೀತಿಯಲ್ಲಿ ತರಲು ಕಸರತ್ತು ನಡೆಸುತ್ತಿದೆ. ದೇಶದಲ್ಲಿ ಯುಪಿಐ ವಹಿವಾಟಿನಲ್ಲಿ ಮುಂಚೂಣಿಯಲ್ಲಿರುವ ಗೂಗಲ್​ ಪೇ ಮತ್ತು ಫೋನ್​ ಪೇನೊಂದಿಗೆ ಸ್ಪರ್ಧಿಸಲು ಈ ಕ್ರಮಕ್ಕೆ ಮುಂದಾಗಿದ್ದಾರೆ.

ಅಲ್ಲದೇ, ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (NPCI) ಇತ್ತೀಚೆಗೆ ವಾಟ್ಸ್​ಆ್ಯಪ್​ ಪಾವತಿ ಸೇವೆಯ ಮಿತಿಯನ್ನು 100 ಮಿಲಿಯನ್ ಬಳಕೆದಾರರಿಗೆ ಹೆಚ್ಚಿಸಲು ನಿರ್ಧರಿಸಿದೆ. ದೇಶದಲ್ಲಿ ವಾಟ್ಸ್​ಆ್ಯಪ್​ ಈಗಾಗಲೇ 400 ಮಿಲಿಯನ್ ಬಳಕೆದಾರರನ್ನು ಹೊಂದಿದ್ದು, ದೊಡ್ಡ ಲಾಭವಾಗುವ ಸಾಧ್ಯತೆಯಿದೆ.

ಎಷ್ಟು ಕ್ಯಾಶ್​ಬ್ಯಾಕ್​ ಬರುತ್ತೆ?:ವಾಟ್ಸಾಪ್ ಮೂಲಕ ಪಾವತಿ ಮಾಡುವವರಿಗೆ 33 ರೂ.ವರೆಗೆ ಕ್ಯಾಶ್ ಬ್ಯಾಕ್ ನೀಡಲು ಮುಂದಾಗಿದೆ. ನೀವು ನೇರವಾಗಿ ನಿಮ್ಮ ಸಂಪರ್ಕದಲ್ಲಿರುವವರ ಚಾಟ್ ವಿಂಡೋದಿಂದ ನೇರವಾಗಿ ಹಣವನ್ನು ಕಳುಹಿಸಬಹುದು.

ವಾಟ್ಸಾಪ್​ನಲ್ಲಿ ಕ್ಯಾಶ್ ಬ್ಯಾಕ್ ಪಡೆಯಲು ನಗದು ಪಾವತಿಗೆ ಯಾವುದೇ ಕನಿಷ್ಠ ಮಿತಿಗಳನ್ನು ಹೇರಲಾಗಿಲ್ಲ. ಒಂದು ರೂಪಾಯಿಯಿಂದ ಒಂದು ಕೋಟಿವರೆಗೂ ಹಣ ಪಾವತಿ ಮಾಡಬಹುದಾಗಿದೆ. ಇಷ್ಟು ಪ್ರಮಾಣದ ಯಾವುದೇ ನಗದಿಗೂ ಕ್ಯಾಶ್ ಬ್ಯಾಕ್‌ ಪಡೆಯಲು ಅರ್ಹತೆ ಇದೆ. ಆದಾಗ್ಯೂ ಇದು ಮೂರು ವಹಿವಾಟುಗಳಿಗೆ ಮಾತ್ರ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ:ಎಲ್​ಐಸಿ ಐಪಿಒ: ಷೇರು​ ಬೆಲೆ ₹902 ರಿಂದ ₹949 ನಿಗದಿ; ಮೇ 4 ರಿಂದ ಮಾರಾಟ ಶುರು