ಮುಂಬೈ: ದೇಶೀಯ ಷೇರು ಮಾರುಕಟ್ಟೆಗಳು ಗಮನಾರ್ಹ ಏರಿಕೆಯೊಂದಿಗೆ ವಾರವನ್ನು ಕೊನೆಗೊಳಿಸಿವೆ. ಬಿಎಸ್ಇ ಬೆಂಚ್ ಮಾರ್ಕ್ ಸೆನ್ಸೆಕ್ಸ್ 555.75 ಪಾಯಿಂಟ್ ಅಥವಾ ಶೇಕಡಾ 0.86 ರಷ್ಟು ಏರಿಕೆ ಕಂಡು 65,387.16 ಕ್ಕೆ ತಲುಪಿದ್ದರೆ, ವಿಶಾಲ ಎನ್ಎಸ್ಇ ನಿಫ್ಟಿ-50 181.50 ಪಾಯಿಂಟ್ ಅಥವಾ ಶೇಕಡಾ 0.94 ರಷ್ಟು ಏರಿಕೆ ಕಂಡು 19,400 ಕ್ಕೆ ತಲುಪಿದೆ.
ಮಾರುತಿ ಸುಜುಕಿ ಆಗಸ್ಟ್ನಲ್ಲಿ ತನ್ನ ಅತ್ಯಧಿಕ ಮಾಸಿಕ ಸಗಟು ಮಾರಾಟ ವರದಿ ಮಾಡಿದ ನಂತರ ಕಂಪನಿಯ ಷೇರು ಬಿಎಸ್ಇಯಲ್ಲಿ ಶೇಕಡಾ 3 ರಷ್ಟು ಏರಿಕೆಯಾಗಿ 10,332 ರೂ.ಗೆ ತಲುಪಿದೆ. ಇಂಟ್ರಾ-ಡೇ ವಹಿವಾಟಿನಲ್ಲಿ, ಕಂಪನಿಯ ಷೇರುಗಳು ಬಿಎಸ್ಇಯಲ್ಲಿ ತಲಾ 10,390 ರೂ ಮತ್ತು ಎನ್ಎಸ್ಇಯಲ್ಲಿ ತಲಾ 10,397.95 ರೂ.ಗೆ ತಲುಪಿದ್ದವು.
ಎನ್ಟಿಪಿಸಿ, ಜೆಎಸ್ಡಬ್ಲ್ಯೂ ಸ್ಟೀಲ್, ಜಿಯೋ ಫೈನಾನ್ಷಿಯಲ್, ಒಎನ್ಜಿಸಿ, ಟಾಟಾ ಸ್ಟೀಲ್, ಪವರ್ ಗ್ರಿಡ್, ಕೋಲ್ ಇಂಡಿಯಾ, ಹಿಂಡಾಲ್ಕೊ, ಇಂಡಸ್ಇಂಡ್ ಬ್ಯಾಂಕ್, ಟೆಕ್ ಮಹೀಂದ್ರಾ ಮತ್ತು ಯುಪಿಎಲ್ ಷೇರುಗಳು ಏರಿಕೆ ಕಂಡವು.
ವಲಯವಾರು ನೋಡುವುದಾದರೆ ನಿಫ್ಟಿ ಮೆಟಲ್ ಶೇ 2.88, ನಿಫ್ಟಿ ಆಟೋ ಶೇ 1.65, ಪಿಎಸ್ಬಿ ಸೂಚ್ಯಂಕ ಶೇ 1.60, ನಿಫ್ಟಿ ಆಯಿಲ್ ಮತ್ತು ಗ್ಯಾಸ್ ಶೇ 1.56, ಐಟಿ ಸೂಚ್ಯಂಕ ಶೇ 1.12 ಮತ್ತು ನಿಫ್ಟಿ ಪ್ರೈವೇಟ್ ಬ್ಯಾಂಕ್ ಶೇ 0.96ರಷ್ಟು ಏರಿಕೆ ಕಂಡಿವೆ. ನಿಫ್ಟಿ ಸ್ಮಾಲ್ ಕ್ಯಾಪ್ 50 ಶೇಕಡಾ 1.61, ನಿಫ್ಟಿ ಸ್ಮಾಲ್ ಕ್ಯಾಪ್ 100 ಶೇಕಡಾ 1.17, ನಿಫ್ಟಿ 100 ಶೇಕಡಾ 0.93, ನಿಫ್ಟಿ 200 ಶೇಕಡಾ 0.91 ಮತ್ತು ನಿಫ್ಟಿ 500 ಶೇಕಡಾ 0.89 ರಷ್ಟು ಏರಿಕೆಯಾಗಿವೆ.