ಏರಿಕೆಯೊಂದಿಗೆ ಸೆನ್ಸೆಕ್ಸ್, ನಿಫ್ಟಿ ಸೋಮವಾರದ ವಹಿವಾಟು ಆರಂಭ

ಏಷ್ಯಾದ ಸಿಯೋಲ್, ಶಾಂಘೈ ಮತ್ತು ಟೋಕಿಯೊ ಮಾರುಕಟ್ಟೆಗಳು ಏರಿಕೆಯೊಂದಿಗೆ ವಹಿವಾಟು ನಡೆಸುತ್ತಿವೆ. ಹಾಂಕಾಂಗ್ ಮಾರುಕಟ್ಟೆ ಇಳಿಕೆ ಕಂಡಿದೆ. ಇನ್ನು ಶುಕ್ರವಾರದಂದು ಅಮೆರಿಕ ಮಾರುಕಟ್ಟೆಗಳು ಏರಿಕೆಯೊಂದಿಗೆ ವಹಿವಾಟು ಮುಗಿಸಿದ್ದವು.

ಮುಂಬೈ: ಬಿಎಸ್‌ಇ ಬೆಂಚ್‌ಮಾರ್ಕ್ ಸೂಚ್ಯಂಕಗಳಾದ ಸೆನ್ಸೆಕ್ಸ್ ಮತ್ತು ನಿಫ್ಟಿ ಸೋಮವಾರದಂದು ಜಾಗತಿಕ ಮಾರುಕಟ್ಟೆಗಳ ಚಲನೆಯನ್ನು ಆಧರಿಸಿ ಏರಿಕೆಯೊಂದಿಗೆ ವಹಿವಾಟು ಆರಂಭಿಸಿವೆ. ಸೆನ್ಸೆಕ್ಸ್​ನ ಶೇರುಗಳಾದ ಮಹಿಂದ್ರಾ ಅಂಡ್ ಮಹಿಂದ್ರಾ, ಮಾರುತಿ ಸುಜುಕಿ ಇಂಡಿಯಾ, ರಿಲಯನ್ಸ್​ ಇಂಡಸ್ಟ್ರೀಸ್, ಪವರ್ ಗ್ರಿಡ್, ಅಲ್ಟ್ರಾ ಟೆಕ್ ಸಿಮೆಂಟ್, ಡಾ. ರೆಡ್ಡೀಸ್, ವಿಪ್ರೊ ಮತ್ತು ಭಾರತಿ ಏರ್ಟೆಲ್ ಆರಂಭಿಕ ವಹಿವಾಟಿನಲ್ಲಿ ಮುಖ್ಯವಾಗಿ ಏರಿಕೆ ಕಂಡಿವೆ.

ಸನ್ ಫಾರ್ಮಾ, ಇಂಡಸ್‌ಇಂಡ್ ಬ್ಯಾಂಕ್, ಹಿಂದೂಸ್ತಾನ್ ಯೂನಿಲಿವರ್ ಮತ್ತು ಬಜಾಜ್ ಫಿನ್‌ಸರ್ವ್ ಇಳಿಕೆ ಕಂಡಿವೆ. ಏಷ್ಯಾದ ಸಿಯೋಲ್, ಶಾಂಘೈ ಮತ್ತು ಟೋಕಿಯೊ ಮಾರುಕಟ್ಟೆಗಳು ಏರಿಕೆಯೊಂದಿಗೆ ವಹಿವಾಟು ನಡೆಸುತ್ತಿವೆ. ಹಾಂ​ಕಾಂಗ್ ಮಾರುಕಟ್ಟೆ ಇಳಿಕೆ ಕಂಡಿದೆ. ಇನ್ನು ಶುಕ್ರವಾರದಂದು ಅಮೆರಿಕ ಮಾರುಕಟ್ಟೆಗಳು ಏರಿಕೆಯೊಂದಿಗೆ ವಹಿವಾಟು ಮುಗಿಸಿದ್ದವು.

"ಇಂದಿನ ದಿನ ಪ್ರಕಟವಾಗಹುದಾದ ಜುಲೈ ತಿಂಗಳ ಆಟೊಮೊಬೈಲ್ ಮಾರಾಟದ ಅಂಕಿ - ಸಂಖ್ಯೆಗಳತ್ತ ಮಾರುಕಟ್ಟೆಯ ಗಮನ ನೆಟ್ಟಿದೆ. ದೇಶದ ಮ್ಯಾಕ್ರೊ ಎಕಾನಮಿ ಎತ್ತ ಸಾಗುತ್ತಿದೆ ಎಂಬುದನ್ನು ಈ ಅಂಕಿ - ಅಂಶಗಳು ಸೂಚಿಸಲಿವೆ" ಎಂದು ಪ್ರಶಾಂತ್ ತಾಪ್ಸೆ ಹೇಳಿದರು. ಇವರು ಮೆಹ್ತಾ ಇಕ್ವಿಟೀಸ್ ಲಿಮಿಟೆಡ್​ನಲ್ಲಿ ರಿಸರ್ಚ್ ಅನಲಿಸ್ಟ್​ ಸೀನಿಯರ್ ವೈಸ್ ಪ್ರೆಸಿಡೆಂಟ್ ಆಗಿದ್ದಾರೆ.

ಶುಕ್ರವಾರ, ಬಿಎಸ್‌ಇ ಸೂಚ್ಯಂಕವು 712.46 ಪಾಯಿಂಟ್‌ಗಳು ಅಥವಾ ಶೇಕಡಾ 1.25 ರಷ್ಟು ಜಿಗಿದು 57,570.25 ಕ್ಕೆ ಸ್ಥಿರವಾಗಿತ್ತು. ನಿಫ್ಟಿ 228.65 ಪಾಯಿಂಟ್‌ಗಳು ಅಥವಾ 1.35 ಶೇಕಡಾ ಏರಿಕೆ ಕಂಡು 17,158.25 ಕ್ಕೆ ತಲುಪಿತ್ತು. ಏತನ್ಮಧ್ಯೆ, ಅಂತಾರಾಷ್ಟ್ರೀಯ ತೈಲ ಬೆಲೆಗಳ ಮಾನದಂಡವಾದ ಬ್ರೆಂಟ್ ಕಚ್ಚಾ ತೈಲವು ಪ್ರತಿ ಬ್ಯಾರೆಲ್‌ಗೆ ಶೇ 1.07 ರಷ್ಟ್ಉ ಅಂದರೆ 102.86 ಡಾಲರ್​ಗಳಿಗೆ ಇಳಿದಿದೆ.

ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು ಶುಕ್ರವಾರ 1,046.32 ಕೋಟಿ ರೂಪಾಯಿ ಮೌಲ್ಯದ ಷೇರುಗಳನ್ನು ಖರೀದಿಸಿದ್ದು, ಬಂಡವಾಳ ಮಾರುಕಟ್ಟೆಗಳಲ್ಲಿ ನಿವ್ವಳ ಖರೀದಿದಾರರಾಗಿದ್ದಾರೆ.

ಇದನ್ನು ಓದಿ:ಗುಡ್​ ನ್ಯೂಸ್​.. ವಾಣಿಜ್ಯ ಸಿಲಿಂಡರ್​ಗಳ ದರ ಇಳಿಕೆ, ಎಷ್ಟು ಗೊತ್ತಾ?