ರಾಜಸ್ಥಾನದಲ್ಲಿ ಅದ್ದೂರಿಯಾಗಿ ನೆರವೇರಿದ ರಾಧಿಕಾ ಮರ್ಚೆಂಟ್​​ ಅನಂತ್​ ಅಂಬಾನಿ ನಿಶ್ಚಿತಾರ್ಥ

ಮುಕೇಶ್​​​ ಅಂಬಾನಿ ಮಗನ ನಿಶ್ಚಿತಾರ್ಥ- ಖ್ಯಾತ ಉದ್ಯಮಿ ಪುತ್ರಿ ಬೆರಳಿಗೆ ಉಂಗುರ ತೊಡಿಸಿದ ಅನಂತ್​ - ರಾಜಸ್ಥಾನದಲ್ಲಿ ಜರುಗಿದ ಅದ್ದೂರಿ ಕಾರ್ಯಕ್ರಮ

ಮುಂಬೈ:ಉದ್ಯಮಿ ಮುಕೇಶ್​ ಅಂಬಾನಿ ಮತ್ತು ನಿತಾ ಅಂಬಾನಿ ಮಗ ಅನಂತ್​ ಅಂಬಾನಿ ನಿಶ್ಚಿತಾರ್ಥ ಕಾರ್ಯ ಇಂದು ರಾಜಸ್ಥಾನದಲ್ಲಿ ನಡೆದಿದೆ. ಉದ್ಯಮಿ ವಿರೇನ್​ ಮರ್ಚೆಂಟ್​ ಮತ್ತು ಶೈಲಾ ಮರ್ಚೆಂಟ್​​ ಅವರ ಮಗಳಾದ ರಾಧಿಕಾ ಮರ್ಚೆಂಟ್​ ಅವರ ಕೈಗೆ ಅನಂತ್​​ ಉಂಗುರ ತೊಡಿಸಿದ್ದು, ಈ ಸಮಾರಂಭದಲ್ಲಿ ಎರಡು ಕುಟುಂಬಗಳು ಸಾಕ್ಷಿಯಾದವು.

ರಾಜಸ್ಥಾನದ ಪ್ರಖ್ಯಾತ ಶ್ರೀನಾಥ್​​ಜೀ ದೇಗುಲದಲ್ಲಿ ಇಂದು ರೋಕಾ (ನಿಶ್ಚಿತಾರ್ಥ) ನೇರವೇರಿತು. ಅನಂತ್​ ಮತ್ತು ರಾಧಿಕ ಇಬ್ಬರು ಹಲವು ದಿನಗಳಿಂದ ಪರಿಚಿತರಾಗಿದ್ದರು. ನಿಶ್ಚಿತಾರ್ಥದ ಬಳಿಕ ಅವರು ದೇಗುಲದದಲ್ಲಿ ನಡೆದ ರಾಜ್​ ಬೋಗ್​​ ಶೃಂಗಾರ್​ ಕಾರ್ಯಕ್ರಮದಲ್ಲಿ ಭಾಗಿಯಾದರು. ಜೀವನದ ಹೊಸ ಅಧ್ಯಯನ ಪ್ರಾರಂಭಿಸಲು ಮುಂದಾಗಿರುವ ಜೋಡಿಗೆ ನೆರೆದ ಜನರು ಶುಭ ಹಾರೈಸಿದ್ದು, ಜೋಡಿಗಳು ಕೂಡ ಶ್ರೀನಾಥ ದೇವರ ಆಶೀರ್ವಾದ ಪಡೆದರು.

ಅನಂತ್​ ಅಂಬಾನಿ ಅಮೆರಿಕದ ಬ್ರೌನ್​ ವಿಶ್ವವಿದ್ಯಾಲಯದಲ್ಲಿ ಅಧ್ಯಯನ ಮಾಡಿದ್ದು, ರಿಲಯನ್ಸ್​ ಇಂಡಸ್ಟ್ರಿ ಲಿಮಿಟೆಡ್​ನ ಸೇರಿದಂತೆ ಜಿಯೋ ಫ್ಲಾಟ್​ಫಾರ್ಮ ಮಂಡಳಿ ಹಾಗೂ ರಿಟೈಲ್​​ನಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಪ್ರಸ್ತುತ ಆರ್​ಐಎಲ್​ ಎನರ್ಜಿ ಬ್ಯುಸಿನೆಸ್​ ಮುಖ್ಯಸ್ಥರಾಗಿದ್ದಾರೆ. ಇನ್ನು ರಾಧಿಕಾ ಮರ್ಚೆಂಟ್​ ಕೂಡ ನ್ಯೂಯಾರ್ಕ್​ ವಿಶ್ವವಿದ್ಯಾಲಯದಿಂದ ಪದವಿ ಪಡೆದಿದ್ದು, ಎನ್​ಕೋರ್ ಹೆಲ್ತ್​ಕೇರ್​​ನ ನಿರ್ದೇಶಕಿಯಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.

ಇದನ್ನೂ ಓದಿ: ಅವಳಿ ಮಕ್ಕಳೊಂದಿಗೆ ಮುಂಬೈಗೆ ಬಂದ ಇಶಾ ಅಂಬಾನಿ: 300ಕೆಜಿ ಚಿನ್ನ ದಾನ ಮಾಡಲಿರುವ ಅಂಬಾನಿ ಕುಟುಂಬ