ವಾಷಿಂಗ್ಟನ್ (ಅಮೆರಿಕ): ಈ ತಾಂತ್ರಿಕ ಯುಗದಲ್ಲಿ ದೊಡ್ಡ ಸಂಚಲನ ಮೂಡಿಸಿರುವ ಕೃತಕ ಬುದ್ಧಿಮತ್ತೆ ಆಧಾರಿತ ತಂತ್ರಜ್ಞಾನವಾದ ಚಾಟ್‌ಜಿಪಿಟಿಯನ್ನು ಸೃಷ್ಟಿಸಿದ ಸ್ಯಾಮ್ ಆಲ್ಟ್‌ಮ್ಯಾನ್ ಅವರನ್ನು ಓಪನ್‌ಎಐ ವಜಾ ಮಾಡಿದೆ. ಅವರ ಸ್ಥಾನದಲ್ಲಿ ಕಂಪನಿಯ ಮುಖ್ಯ ತಂತ್ರಜ್ಞಾನ ಅಧಿಕಾರಿ ಮೀರಾ ಮುರತಿ ಅವರು ತಾತ್ಕಾಲಿಕವಾಗಿ ಸಿಇಒ ಆಗಿ ಕಾರ್ಯನಿರ್ವಹಿಸಲಿದ್ದಾರೆ ಎಂದು ಕಂಪನಿ ಪ್ರಕಟಿಸಿದೆ. ಆಲ್ಟ್‌ಮ್ಯಾನ್‌ನನ್ನು ವಜಾಗೊಳಿಸುವ ನಿರ್ಧಾರವು ಟೆಕ್ ವಲಯಗಳಲ್ಲಿ ಸಂಚಲನವಾಗಿದೆ.
ಮೈಕ್ರೋಸಾಫ್ಟ್‌ನಿಂದ ಧನಸಹಾಯ ಪಡೆದಿರುವ ಓಪನ್‌ಎಐ ಮಂಡಳಿಯು ಶುಕ್ರವಾರ ಸಭೆ ನಡೆಸಿ ತನ್ನ ಈ ನಿರ್ಧಾರವನ್ನು ತೆಗೆದುಕೊಂಡಿತು. ಮಂಡಳಿಯೊಂದಿಗಿನ ಆಂತರಿಕ ಚರ್ಚೆಗಳಲ್ಲಿ ಆಲ್ಟ್‌ಮ್ಯಾನ್ ಪ್ರಾಮಾಣಿಕವಾಗಿಲ್ಲ. ಸರಿಯಾದ ಮಾಹಿತಿಯನ್ನು ಹಂಚಿಕೊಳ್ಳುತ್ತಿಲ್ಲ. ಮಂಡಳಿ ತೆಗೆದುಕೊಳ್ಳುವ ನಿರ್ಧಾರಗಳಿಗೆ ಅಡ್ಡಿಪಡಿಸುತ್ತಿದ್ದಾರೆ. OpenAI ಅನ್ನು ಮುನ್ನಡೆಸುವ ಅವರ ಸಾಮರ್ಥ್ಯದಲ್ಲಿ ಮಂಡಳಿಯು ಇನ್ಮುಂದೆ ಯಾವುದೇ ವಿಶ್ವಾಸವನ್ನು ಹೊಂದಿಲ್ಲ. ಈ ನಿರ್ಧಾರ ತಕ್ಷಣವೇ ಜಾರಿಗೆ ಬರಲಿದೆ ಎಂದು ಕಂಪನಿ ತಿಳಿಸಿದೆ.
ಮಂಡಳಿ ತೆಗೆದುಕೊಂಡ ನಿರ್ಧಾರಕ್ಕೆ ಪರಿಶೋಧನಾತ್ಮಕ ರೀತಿಯಲ್ಲಿ ಪ್ರತಿಕ್ರಿಯಿಸಿದ ಆಲ್ಟ್‌ಮ್ಯಾನ್, ನಾನು OpenAI ಸಂಸ್ಥೆಯಲ್ಲಿ ಕೆಲಸ ಮಾಡಲು ನಿಜವಾಗಿಯೂ ಇಷ್ಟಪಟ್ಟಿದ್ದೇನೆ. ವೈಯಕ್ತಿಕವಾಗಿ ನಾನು ಬದಲಾಗುವುದಕ್ಕೆ ಮತ್ತು ಜಗತ್ತನ್ನು ಸ್ವಲ್ಪ ಬದಲಾಗಿದೆ ಎಂದು ನಾನು ನಂಬುತ್ತೇನೆ. ಎಲ್ಲಕ್ಕಿಂತ ಹೆಚ್ಚಾಗಿ ನಾನು ಅನೇಕ ಪ್ರತಿಭಾವಂತ ಜನರೊಂದಿಗೆ ಕೆಲಸ ಮಾಡಲು ಇಷ್ಟಪಟ್ಟೆ ಎಂದು ಹೇಳಿದರು.