ಭಾರತೀಯ ನವೋದ್ಯಮಕ್ಕೆ ಹೊಡೆತ: ಸಾರ್ಟ್​ಅಪ್​​​ ಫಂಡಿಂಗ್​ ಮೀಸಲು 2 ವರ್ಷಗಳ ಕನಿಷ್ಠ ಮಟ್ಟಕ್ಕೆ ಕುಸಿತ

ಜಾಗತಿಕ ಆರ್ಥಿಕ ಕುಸಿತ ಪರಿಣಾಮ ನವೋದ್ಯಮಗಳ ಮೇಲೆ ಬಿದ್ದಿದೆ. ಪರಿಣಾಮ ಭಾರತದಲ್ಲಿ ಆರಂಭಿಕ ನವೋದ್ಯಮಗಳ ನಿಧಿಯು, 2022 ರ ಮೂರನೇ ತ್ರೈಮಾಸಿಕದಲ್ಲಿ 2.7 ಶತಕೋಟಿ ಅಮೆರಿಕನ್​ ಡಾಲರ್​ಗಳಿಗೆ ಕುಸಿತ ಕಂಡಿದೆ ಎಂದು ಪಿಡಬ್ಲ್ಯುಸಿ ಇಂಡಿಯಾ ವರದಿ ಹೇಳಿದೆ.

ನದದೆಹಲಿ: ಜಾಗತಿಕ ಆರ್ಥಿಕ ಕುಸಿತದ ನಡುವೆ ನವೋದ್ಯಮ ಕ್ಷೇತ್ರದ ನಿಧಿ 2022 ರ ಮೂರನೇ ತ್ರೈಮಾಸಿಕದಲ್ಲಿ 2.7 ಶತಕೋಟಿ ಅಮೆರಿಕನ್​​ ಡಾಲರ್​​ಗೆ ಕುಸಿತ ಕಂಡಿದೆ. ಈ ಮೂಲಕ ಎರಡು ವರ್ಷಗಳ ಕನಿಷ್ಠ ಮಟ್ಟವನ್ನು ತಲುಪಿದೆ ಎಂದು PwC ಇಂಡಿಯಾ ವರದಿ ತಿಳಿಸಿದೆ.

2022 ರ ಜುಲೈ-ಸೆಪ್ಟೆಂಬರ್ ಅವಧಿಯಲ್ಲಿ ಭಾರತದಲ್ಲಿ ಕೇವಲ ಎರಡು ಸ್ಟಾರ್ಟ್‌ಅಪ್‌ಗಳು ಯುನಿಕಾರ್ನ್ ಸ್ಥಾನಮಾನ ಪಡೆದುಕೊಂಡಿವೆ. ಇದು ಕಳೆದ ತ್ರೈಮಾಸಿಕದಲ್ಲಿ ಹೊಸ ಯುನಿಕಾರ್ನ್‌ಗಳ ಸಂಖ್ಯೆಯಲ್ಲಿನ ಕುಸಿತದ ಜಾಗತಿಕ ಪ್ರವೃತ್ತಿಯನ್ನು ಪ್ರತಿಬಿಂಬಿಸುತ್ತದೆ ಎಂದು 'ಸ್ಟಾರ್ಟ್‌ಅಪ್ ಡೀಲ್ಸ್ ಟ್ರ್ಯಾಕರ್ ಕ್ಯೂ3 ಸಿವೈ22' ವರದಿ ಹೇಳಿದೆ.

ಜಾಗತಿಕವಾಗಿ ಈ ತ್ರೈಮಾಸಿಕದಲ್ಲಿ ಕೇವಕ 20 ಯುನಿಕಾರ್ನ್‌ಗಳು ಸೃಷ್ಟಿಯಾಗಿದ್ದಾರೆ. ಇವುಗಳಲ್ಲಿ ಶೇ 45ರಷ್ಟು SaaS ವಿಭಾಗದಿಂದ ಬಂದವು. ಈ ತ್ರೈಮಾಸಿಕದಲ್ಲಿ ಯಾವುದೇ ಹೊಸ ಡೆಕಾಕಾರ್ನ್‌ ವಿಭಾಗಕ್ಕೆ ಸೇರ್ಪಡೆಗೊಂಡಿಲ್ಲ. 2022ರ ಮೂರನೇ ತ್ರೈಮಾಸಿಕದಲ್ಲಿ ಸಾರ್ಟ್​​​ಅಪ್​ ನಿಧಿಯ 205 ಡೀಲ್‌ಗಳು 2.7 ಶತಕೋಟಿಗೆ ಅಮೆರಿಕನ್​ ಡಾಲರ್​ಗೆ ತಲುಪುವುದರೊಂದಿಗೆ ಎರಡು ವರ್ಷಗಳ ಕನಿಷ್ಠ ಮಟ್ಟಕ್ಕೆ ಕುಸಿತ ಕಂಡಿದೆ.

ಹೂಡಿಕೆಯ ಎಲ್ಲ ಹಂತಗಳಲ್ಲಿ ನಿಧಿಯ ಕುಸಿತವನ್ನು ಗುರುತಿಸಲಾಗಿದೆ. ಇನ್ನು 2022 ರ ಮೂರನೇ ತ್ರೈಮಾಸಿಕದಲ್ಲಿ ಒಟ್ಟು ನಿಧಿಯ ಶೇಕಡಾ 21 ರಷ್ಟು ಕೊಡುಗೆ ನೀಡಿತ್ತು. ಹಿಂದಿನ ತ್ರೈಮಾಸಿಕದಲ್ಲಿ ಇದು ಸರಿಸುಮಾರು ಶೇಕಡಾ 12 ರಷ್ಟಿತ್ತು.

ಸಾಮಾನ್ಯವಾಗಿ ಆರಂಭಿಕ ಹಂತದ ಸ್ಟಾರ್ಟ್‌ಅಪ್‌ಗಳು ಸಾರ್ವಜನಿಕ ಮಾರುಕಟ್ಟೆಗಳಲ್ಲಿನ ಏರಿಳಿತಗಳಿಂದ ಕೊನೆಯ ಹಂತದ ಡೀಲ್‌ಗಳಿಗಿಂತ ವಿಶಿಷ್ಟವಾಗಿ ಹೆಚ್ಚು ಪ್ರತಿರೋಧಿಸಲ್ಪಟ್ಟಿರುವುದರಿಂದ ಬಂಡವಾಳ ಸುಲಭವಾಗಿ ಸಂಗ್ರಹಿಸಲು ಸಾಧ್ಯವಾಗುತ್ತದೆ ಎಂದು ಅಮಿತ್​ ನೌಕಾ ಹೇಳಿದ್ದಾರೆ.

ಆದಾಗ್ಯೂ, ಹೂಡಿಕೆದಾರರು ಈಗಾಗಲೇ ಸಾಕಷ್ಟು ಬಂಡವಾಳವನ್ನು ಸಂಗ್ರಹಿಸಿದ್ದಾರೆ. ಆದರೆ ಈಗ ಸರಿಯಾದ ದಿಕ್ಕಿನಲ್ಲಿ ನಿಯೋಜಿಸಬೇಕಾಗಿದೆ. ಆಗ ಮಾತ್ರ ಇದು ಅಂತಿಮವಾಗಿ ಭಾರತೀಯ ಆರಂಭಿಕ ಪರಿಸರ ವ್ಯವಸ್ಥೆಗೆ ಸಹಕಾರಿ ಆಗುತ್ತದೆ ಎಂದು ಪಿಡ್ಬ್ಲುಸಿ ಇಂಡಿಯಾದ ಅಮಿತ್​ ಹೇಳಿದ್ದಾರೆ.

ವರದಿಯ ಪ್ರಕಾರ, 2022 ರ ಮೂರನೇ ತ್ರೈಮಾಸಿಕದಲ್ಲಿ ಬೆಳವಣಿಗೆ ಮತ್ತು ಕೊನೆಯ ಹಂತದ ನಿಧಿಯ ವ್ಯವಹಾರಗಳು ಶೇಕಡಾ 79 ರಷ್ಟು ಚಟುವಟಿಕೆ ಹೊಂದಿವೆ. 2022 ರ ಎರಡನೇ ತ್ರೈಮಾಸಿಕದಲ್ಲಿ ಸ್ಟಾರ್ಟ್​​ ಅಪ್​ಗಳ 60 ಪ್ರತಿಶತ ಪಾಲನ್ನು ಹೋಲಿಸಿದರೆ ಆರಂಭಿಕ ಹಂತದ ವ್ಯವಹಾರಗಳು ಒಟ್ಟು ನಿಧಿಯ 70 ಪ್ರತಿಶತವನ್ನು ಹೊಂದಿವೆ ಎಂದು ವರದಿಯಲ್ಲಿ ಹೇಳಲಾಗಿದೆ.

ಇದನ್ನು ಓದಿ:ಬದರಿನಾಥ, ಕೇದಾರನಾಥ ಕ್ಷೇತ್ರಕ್ಕೆ ಮುಖೇಶ್ ಅಂಬಾನಿ ಕುಟುಂಬ ಭೇಟಿ: 5 ಕೋಟಿ ದೇಣಿಗೆ