6 ತಿಂಗಳಲ್ಲಿ 192 ಮಿಲಿಯನ್​ ಡಾಲರ್​ನಷ್ಟು ರಫ್ತು ವ್ಯವಹಾರ: ವಾಣಿಜ್ಯ ಕಾರ್ಯಾಲಯ

ದೇಶದ ರಫ್ತು ಹೆಚ್ಚುತ್ತಿದ್ದು, ಇದು ಆರ್ಥಿಕತೆಗೆ ಸಹಾಯಕವಾಗಲಿದೆ ಎಂದು ಕೇಂದ್ರ ವಾಣಿಜ್ಯ ಕಾರ್ಯಾಲಯ ತಿಳಿಸಿದೆ.

ನವದೆಹಲಿ:ದೇಶದ ರಫ್ತು ಪ್ರಕ್ರಿಯೆ ಹೆಚ್ಚುತ್ತಿದೆ. ಆರ್ಥಿಕ ಹಿಂಜರಿತದ ಮಧ್ಯೆಯೂ ಭಾರತ ಈ ವರ್ಷ 192 ಮಿಲಿಯನ್​ ಡಾಲರ್​ನಷ್ಟು ರಫ್ತು ಮಾಡಿದೆ. ಇದು ಮುಂದಿನ ದಿನಗಳಲ್ಲಿ ಮತ್ತಷ್ಟು ಹೆಚ್ಚಾಗಲಿದೆ ಎಂದು ಕೇಂದ್ರ ವಾಣಿಜ್ಯ ಕಾರ್ಯಾಲಯ ಹೇಳಿದೆ.

ಕಳೆದ 2 ತ್ರೈಮಾಸಿಕಗಳಿಂದ ಅಮೆರಿಕ ಆರ್ಥಿಕ ಹಿಂಜರಿತದಲ್ಲಿದೆ. ಇದರಿಂದ ಅಲ್ಲಿ ಬಡ್ಡಿದರಗಳು ಹೆಚ್ಚಾಗುತ್ತಿವೆ. ಇದರ ಪರಿಣಾಮ ವಿಶ್ವದ ಇತರ ದೇಶಗಳ ಮೇಲೂ ಬಿದ್ದಿದೆ. ಹಣದುಬ್ಬರಕ್ಕೂ ಇದು ಕಾರಣವಾಗಿದೆ. ಇಷ್ಟೆಲ್ಲಾ ಜಟಿಲತೆ ಮಧ್ಯೆಯೂ ಭಾರತ ಏಪ್ರಿಲ್‌ನಿಂದ ಆಗಸ್ಟ್‌ವರೆಗೆ 5 ತಿಂಗಳಲ್ಲಿ 192.6 ಮಿಲಿಯನ್ ಡಾಲರ್​ ಮೌಲ್ಯದಷ್ಟು ರಫ್ತು ಮಾಡಿದೆ ಎಂದು ಕೇಂದ್ರ ವಾಣಿಜ್ಯ ಕಾರ್ಯದರ್ಶಿ ಬಿ ವಿ ಆರ್ ಸುಬ್ರಹ್ಮಣ್ಯಂ ತಿಳಿಸಿದರು.

2021 ರ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಈ ವರ್ಷ ರಫ್ತು 17 ಪ್ರತಿಶತ ಹೆಚ್ಚಾಗಿದೆ. ರಫ್ತು ಏರಿಕೆಯಾಗಿರುವುದು ಒಳ್ಳೆಯ ಬೆಳವಣಿಗೆಯಾಗಿದೆ. ಇದು ವರ್ಷಾಂತ್ಯದ ವೇಳೆಗೆ 450 ರಿಂದ 470 ಬಿಲಿಯನ್​ ಡಾಲರ್​ವರೆಗೂ ಏರಲಿದೆ. ಕಳೆದ ವರ್ಷಕ್ಕಿಂತ 40-50 ಬಿಲಿಯನ್​ ಡಾಲರ್​ನಷ್ಟು​ ಅಧಿಕವಾಗುವ ಸಾಧ್ಯತೆ ಇದೆ. ಇದು ದೇಶದ ಆರ್ಥಿಕತೆಗೆ ಸಹಾಯವಾಗಲಿದೆ ಎಂದು ಸುಬ್ರಹ್ಮಣ್ಯಂ ಅವರು ತಿಳಿಸಿದರು.

ಓದಿ:ಪಡಿತರದಲ್ಲಿ ಕೇಂದ್ರ ಸರ್ಕಾರದ ಪಾಲು ಗೊತ್ತಿರದ ಡಿಸಿಗೆ ಕೇಂದ್ರ ಹಣಕಾಸು ಸಚಿವರಿಂದ ತರಾಟೆ