ಇಲ್ಲಿ ಬ್ಯಾಚುಲರ್​, ಪಿಜಿ, ಸಹ ಜೀವನ ನಡೆಸುವರಿಗೆ ಫ್ಲಾಟ್​​ ನೀಡದಿರಲು ಮಾಲೀಕರ ನಿರ್ಧಾರ.. ಕಾರಣ?

ಪೇಯಿಂಗ್​ ಗೆಸ್ಟ್​ ವಸತಿ, ಅತಿಥಿ ಗೃಹ, ಸಹ ಜೀವನ ನಡೆಸುವವರಿಗೆ ಅಥವಾ ಅವಿವಾಹಿತರು, ವಿದ್ಯಾರ್ಥಿಗಳಿಗೆ ಮನೆ ನೀಡದಿರಲು ನಿರ್ಧರಿಸುವಂತೆ ಮಾಲೀಕರ ಮನವೊಲಿಕೆಯಲ್ಲಿ ಅಧಿಕಾರಿಗಳು ಯಶಸ್ವಿಯಾಗಿದ್ದಾರೆ.

ನವದೆಹಲಿ:ನೋಯ್ಡಾದ ಕೆಲವು ಪ್ರದೇಶಗಳಲ್ಲಿ ನಡೆಯುತ್ತಿರುವ ಪ್ರಕರಣಗಳು ಜನರಲ್ಲಿ ಭೀತಿ ಮೂಡಿಸುತ್ತಿದೆ. ಇದೇ ಹಿನ್ನೆಲೆಯಲ್ಲಿ ಇಲ್ಲಿನ ಸ್ಥಳೀಯ ಅಧಿಕಾರಿಗಳು ಹೊಸ ಕಾರ್ಯಕ್ಕೆ ಮುಂದಾಗಿದ್ದಾರೆ.

ಇಲ್ಲಿನ ಸೂಪರ್‌ಟೆಕ್ ಎಮರಾಲ್ಡ್ ಕೋರ್ಟ್ ರೆಸಿಡೆಂಟ್​ ವೆಲ್​ಫೇರ್​ ಅಸೋಸಿಯೇಷನ್​​ಗೆ ಭೇಟಿ ನೀಡಿರುವ ಅಧಿಕಾರಿಗಳು ತಮ್ಮ ಪ್ಲಾಟ್​ಗಳಲ್ಲಿ ಬ್ಯಾಚುಲರ್​, ಪಿಜಿ ಹಾಗೂ ಲಿನ್​ ಇನ್​ ರಿಲೇಶನ್​ಶಿಫ್​​ನಲ್ಲಿಇರುವವರಿಗೆ ಇನ್ಮುಂದೆ ಮನೆ ವಸತಿ ನೀಡದಿರುವಂತೆ ಕೋರಿದ್ದಾರೆ. ಈ ಸಂಬಂಧ ಪ್ಲಾಟ್​ ಮಾಲೀಕರೊಂದಿಗೆ ಸಮಾಲೋಚಿಸಿ ನಿರ್ಧಾರವೊಂದಕ್ಕೆ ಬರಲಾಗಿದೆ.

ಸಭೆ ಬಳಿಕ ಎಮರಾಲ್ಡ್ ಕೋರ್ಟ್ ರೆಸಿಡೆಂಟ್​ ವೆಲ್​ಫೇರ್​ ಅಸೋಸಿಯೇಷನ್​, ಪೇಯಿಂಗ್​ ಗೆಸ್ಟ್​ ವಸತಿ, ಅತಿಥಿ ಗೃಹ, ಸಹ ಜೀವನ ನಡೆಸುವವರಿಗೆ ಅಥವಾ ಅವಿವಾಹಿತರು, ವಿದ್ಯಾರ್ಥಿಗಳಿಗೆ ಮನೆ ನೀಡದಂತೆ ನಿರ್ಧರಿಸುವಂತೆ ಮಾಡುವಲ್ಲಿ ಮಾಲೀಕರ ಮನವೊಲಿಕೆ ಮಾಡುವಲ್ಲಿ ಅಧಿಕಾರಿಗಳು ಯಶಸ್ವಿಯಾಗಿದ್ದಾರೆ.

ಫ್ಲಾಟ್‌ಗಳಲ್ಲಿ ಆಕ್ಷೇಪಾರ್ಹ ಚಟುವಟಿಕೆಗಳ ಸಾಧ್ಯತೆ ಹಿನ್ನೆಲೆಯಲ್ಲಿ ನೋಯ್ಡಾ ಸ್ಥಳೀಯ ಅಧಿಕಾರಿಗಳು ತೀವ್ರ ಕಳವಳ ವ್ಯಕ್ತಪಡಿಸಿದ್ದರು. ಈ ಹಿನ್ನೆಲೆಯಲ್ಲಿ ಜನವರಿ 1, 2023 ರಿಂದ, ಎಮರಾಲ್ಡ್ ಕೋರ್ಟ್‌ನಲ್ಲಿ ಪೇಯಿಂಗ್​ ಗೆಸ್ಟ್​ ವಸತಿ, ಅತಿಥಿ ಗೃಹ, ಸಹ ಜೀವನ ನಡೆಸುವವರಿಗೆ ಅಥವಾ ಅವಿವಾಹಿತರು, ವಿದ್ಯಾರ್ಥಿಗಳಿಗೆ ಮನೆ ನೀಡದಂತೆ ನಿರ್ಣಯ ಅಂಗೀಕರಿಸಲಾಯಿತು ಎಂದು RWS ಅಧ್ಯಕ್ಷ ಉದಯ್ ಭನ್ ಟಿಯೋಟಿಯಾ ಹೇಳಿದ್ದಾರೆ.

ಅಲ್ಲದೇ, ಈಗಾಗಲೇ ಪಿಜಿ, ಬ್ಯಾಚುಲರ್​, ಸಹಜೀವನ ನಡೆಸುತ್ತಿರುವವರಿಗೆ ಮನೆ ಖಾಲಿ ಮಾಡುವಂತೆ ಮಾಲೀಕರು ಸೂಚಿಸಿದ್ದು, ಇದಕ್ಕೆ 30 ದಿನಗಳ ಗಡುವು ಕೂಡ ನೀಡಲಾಗಿದೆ ಎಂದು ಇಲ್ಲಿನ ನಿವಾಸಿ ಭಾನ್​ ಥೆಟಿಯ ತಿಳಿಸಿದ್ದಾರೆ.

ಇದನ್ನೂ ಓದಿ: ನಿಶ್ಚಿತಾರ್ಥ ಮಂಟಪದಲ್ಲೇ ರಂಪಾಟ ಮಾಡಿದ ಯುವತಿ.. ಕಾರಣ?