ಈ ವರ್ಷದಿಂದ ಟಿಡಿಎಸ್​ ಮೇಲೂ ತೆರಿಗೆ: ಸಿಬಿಡಿಟಿ ಆದೇಶ

ಖಾಸಗಿ ಮತ್ತು ಸರ್ಕಾರಿ ವೇತನದಾರರು ಟಿಡಿಎಸ್​ ಹಣದಲ್ಲೂ ನಿಗದಿತ ದರದಲ್ಲಿ ತೆರಿಗೆ ಪಾವತಿಸಬೇಕು ಎಂದು ಸಿಬಿಡಿಟಿ ಈ ವರ್ಷದಿಂದ ಅನ್ವಯಿಸುವಂತೆ ಸುತ್ತೋಲೆ ಹೊರಡಿಸಿದೆ.

ನವದೆಹಲಿ:ವೇತನದಾರರು ಪಿಎಫ್​ ಬದಲಾಗಿ ಪಡೆಯುವ ಟಿಡಿಎಸ್​ ಮೊತ್ತದಲ್ಲಿ ಇಂತಿಷ್ಟನ್ನು ತೆರಿಗೆ ರೂಪದಲ್ಲಿ ಕಟ್ಟಬೇಕು ಎಂದು ಕೇಂದ್ರೀಯ ನೇರ ತೆರಿಗೆಗಳ ಮಂಡಳಿ (ಸಿಬಿಡಿಟಿ) ಸುತ್ತೋಲೆ ಹೊರಡಿಸಿದೆ. ಕಳೆದ ವಾರ ಸಿಬಿಡಿಟಿ ಈ ಆದೇಶವನ್ನು ಜಾರಿ ಮಾಡಿದೆ.

ಪ್ರಸಕ್ತ ಹಣಕಾಸು ವರ್ಷಕ್ಕೆ ಅನ್ವಯಿಸುವಂತೆ ವೇತನದಾರರು ಪಡೆಯುವ ಟಿಡಿಎಸ್​ ಹಣದಲ್ಲಿ ಆದಾಯ ತೆರಿಗೆಯನ್ನು ಕಡಿತ ಮಾಡಬೇಕು. ಜಾರಿಯಲ್ಲಿರುವ ದರಗಳ ಆಧಾರದ ಮೇಲೆ ಮತ್ತು ವೇತನದಾರನ ವೇತನದ ಆದಾಯದ ಸರಾಸರಿ ಲೆಕ್ಕ ಹಾಕಿ ಟ್ಯಾಕ್ಸ್​ ಕಟ್​ ಮಾಡಬೇಕು ಎಂದು ಸುತ್ತೋಲೆ ಹೇಳಿದೆ.

ಆದಾಯ ತೆರಿಗೆ ಕಾಯಿದೆ-1961ರ ಸೆಕ್ಷನ್ 192ರ ಅಡಿಯಲ್ಲಿ ವೇತನದಲ್ಲಿ ತೆರಿಗೆ ಕಡಿತದ ಕುರಿತು ಉದ್ಯೋಗದಾತರ ಬಾಧ್ಯತೆಯನ್ನು ಸುತ್ತೋಲೆಯು ವಿವರಿಸುತ್ತದೆ. ಅಲ್ಲದೇ, ವೇತನದಾರರು ಪಡೆಯುವ ಸಂಬಳ, ಲಾಭ ಮತ್ತದರ ಸಂಪೂರ್ಣ ವಿವರಗಳನ್ನು ತೆರಿಗೆ ಇಲಾಖೆಗೆ ನೀಡಬೇಕು ಎಂದು ಸುತ್ತೋಲೆ ತಿಳಿಸಿದೆ.

ಓದಿ:ಬಿಲಿಯನ್ ಡಾಲರ್ ವೆಚ್ಚದಲ್ಲಿ 500 ವಿಮಾನಗಳ ಖರೀದಿಗೆ ಮುಂದಾದ ಏರ್ ಇಂಡಿಯಾ?