ಅದಾನಿ ಸಮೂಹ ಸಂಸ್ಥೆಗಳ ಪಾಲಾಗಲಿದೆಯೇ NDTV.. ಮುಖ್ಯಸ್ಥರು ಏನೆನ್ನುತ್ತಾರೆ

ಸಾರ್ವಜನಿಕ ಷೇರುದಾರರಿಂದ 4 ರೂಪಾಯಿ ಮುಖಬೆಲೆಯ NDTV ಯ 1,67,62,530 ಸಂಪೂರ್ಣ ಪಾವತಿಸಿದ ಈಕ್ವಿಟಿ ಷೇರುಗಳನ್ನು ಸ್ವಾಧೀನಪಡಿಸಿಕೊಳ್ಳುವ ಮೂಲಕ ಅದಾನಿ ಸಮೂಹವು ಬ್ರಾಡ್‌ಕಾಸ್ಟರ್‌ನಲ್ಲಿ ಶೇಕಡಾ 55ರಷ್ಟು ಪಾಲುದಾರಿಕೆಯನ್ನು ಹೊಂದಲಿದೆ ಎನ್ನಲಾಗುತ್ತಿದೆ.

ನವದೆಹಲಿ :ಅದಾನಿ ಗ್ರೂಪ್‌ನ ಮಾಧ್ಯಮ ವಿಭಾಗವು ನ್ಯೂ ಡೆಲ್ಲಿ ಟೆಲಿವಿಷನ್ ಲಿಮಿಟೆಡ್ (NDTV) ನಲ್ಲಿ 29.18 ರಷ್ಟು ಪಾಲನ್ನು ಖರೀದಿಸಿದೆ ಎನ್ನಲಾಗುತ್ತಿದೆ. ಕಂಪನಿಯಲ್ಲಿ ಇನ್ನೂ 26 ಶೇಕಡಾ ಷೇರುಗಳನ್ನು ಸ್ವಾಧೀನಪಡಿಸಿಕೊಳ್ಳಲು ಮುಕ್ತ ಕೊಡುಗೆಯನ್ನು ಪ್ರಾರಂಭಿಸುತ್ತದೆ ಎಂದು ಹೇಳಿದೆ. ಈ ಮೂಲಕ ಅದಾನಿ ಸಮೂಹವು ಬ್ರಾಡ್‌ಕಾಸ್ಟರ್‌ನಲ್ಲಿ ಶೇಕಡಾ 55 ರಷ್ಟು ಪಾಲನ್ನು ಹೊಂದಿರುವ ಬಹುಪಾಲು ಷೇರು ಹೊಂದಿರುವ ಸಂಸ್ಥೆಯಾಗಲಿದೆ ಎಂಬ ಸುದ್ದಿ ಹರಿದಾಡುತ್ತಿದೆ.

ಪರೋಕ್ಷವಾಗಿ 29.18 ರಷ್ಟು ಪಾಲನ್ನು ಸ್ವಾಧೀನಪಡಿಸಿಕೊಳ್ಳುತ್ತಿದೆ. ಅಂದರೆ ಅದಾನಿ ಎಂಟರ್‌ಪ್ರೈಸಸ್ ಲಿಮಿಟೆಡ್ (AEL) ಒಡೆತನದ ಎಎಮ್​ಜಿ(AMG) ಮೀಡಿಯಾ ನೆಟ್‌ವರ್ಕ್ ಲಿಮಿಟೆಡ್ (AMNL)ನ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾದ ವಿಶ್ವಪ್ರದನ್ ಕಮರ್ಷಿಯಲ್ ಪ್ರೈವೇಟ್ ಲಿಮಿಟೆಡ್ (VCPL) ಮೂಲಕ ಈ ಷೇರು ಖರೀದಿ ಮಾಡಲಾಗಿದೆ ಎಂದು ಹೇಳಲಾಗ್ತಿದೆ.

ಎನ್‌ಡಿಟಿವಿ ನಿರಾಕರಣೆ

ಸಾರ್ವಜನಿಕ ಷೇರುದಾರರಿಂದ 4 ರೂಪಾಯಿ ಮುಖಬೆಲೆಯ NDTV ಯ 1,67,62,530 ಸಂಪೂರ್ಣ ಪಾವತಿಸಿದ ಈಕ್ವಿಟಿ ಷೇರುಗಳನ್ನು ಸ್ವಾಧೀನಪಡಿಸಿಕೊಳ್ಳುವ ಮೂಲಕ ಅದಾನಿ ಸಮೂಹವು ಬ್ರಾಡ್‌ಕಾಸ್ಟರ್‌ನಲ್ಲಿ ಶೇಕಡಾ 55ರಷ್ಟು ಪಾಲುದಾರಿಕೆಯನ್ನು ಹೊಂದಲಿದೆ.

AMG ಮೀಡಿಯಾ ನೆಟ್‌ವರ್ಕ್ಸ್ ಲಿಮಿಟೆಡ್ (AMNL) ನ ಸಿಇಒ ಸಂಜಯ್ ಪುಗಾಲಿಯಾ, ಈ ಸ್ವಾಧೀನವು ಹೊಸ ಯುಗದ ಮಾಧ್ಯಮದ ಹಾದಿಯನ್ನು ವೇದಿಕೆಗಳಲ್ಲಿ ಸುಗಮಗೊಳಿಸುವ ಕಂಪನಿಯ ಗುರಿಯ ಪ್ರಯಾಣದಲ್ಲಿ ಮಹತ್ವದ ಮೈಲಿಗಲ್ಲು ಎಂದು ಹೇಳಿದ್ದಾರೆ.

ಎನ್‌ಡಿಟಿವಿ ಸ್ಪಷ್ಟನೆ: ಆದರೆ, ಈಟಿವಿ ಭಾರತ ಜೊತೆ ಮಾತನಾಡಿದ ಎನ್‌ಡಿಟಿವಿ ಮೂಲಗಳು ಇದನ್ನು ಸ್ಪಷ್ಟವಾಗಿ ನಿರಾಕರಿಸಿವೆ. ಎನ್‌ಡಿಟಿವಿ ಕೂಡ ಈ ಬಗ್ಗೆ ಪತ್ರಿಕಾ ಪ್ರಕಟಣೆ ಹೊರಡಿಸುವ ಮೂಲಕ ಅದಾನಿ ಸಮೂಹ ಸಂಸ್ಥೆಗೆ NDTV ಸುದ್ದಿ ವಾಹಿನಿಯ ಷೇರನ್ನು ನಮಗೆ ಗೊತ್ತಿಲ್ಲದೆಯೇ ಖರೀದಿ ಮಾಡಿದಾರೆ. ಇದು ನಮ್ಮ ಗಮನಕ್ಕೆ ಬಂದಿಲ್ಲವೆಂದು ಸ್ಪಷ್ಟನೆ ನೀಡಿದೆ.

ಇದನ್ನೂ ಓದಿ :ಅದಾನಿ ಪವರ್​ ತೆಕ್ಕೆಗೆ ಡಿಬಿ ಪವರ್: 7,000 ಕೋಟಿ ರೂ. ಒಪ್ಪಂದ