ಸಾರ್ವಕಾಲಿಕ ಏರಿಕೆ ದಾಖಲಿಸಿದ ನಿಫ್ಟಿ: 13 ಸಾವಿರದ ಗಡಿ ದಾಟಿದ ಸೂಚ್ಯಂಕ; ಬಳಿಕ ಕುಸಿತ

ಜನವರಿ ಬಳಿಕ ನಿಫ್ಟಿ ಮತ್ತೆ ಭಾರಿ ಏರಿಕೆ ಕಂಡಿದೆ. ಇದೇ ಮೊದಲ ಬಾರಿ ನಿಫ್ಟಿ-50, 13 ಸಾವಿರದ ಗಡಿ ದಾಟಿ ಹೊಸ ಎತ್ತರಕ್ಕೆ ಏರಿದೆ. ಇನ್ನು ಮುಂಬೈ ಷೇರುಪೇಟೆ ಕೂಡ ನಿನ್ನೆಯೇ 44,571 ಅಂಕಗಳಿಗೆ ಜಿಗಿದಿದ್ದರೆ ಇಂದು 44743 ಅಂಕಗಳಿಗೆ ಏರಿಕೆ ಕಾಣುವ ಮೂಲಕ ಸಾರ್ವಕಾಲಿಕ ದಾಖಲೆ ಬರೆದಿದೆ.

ಮುಂಬೈ: ಕೊನೆಗೂ ರಾಷ್ಟ್ರೀಯ ಷೇರು ಸೂಚ್ಯಂಕ ನಿಫ್ಟಿ 13 ಸಾವಿರದ ಗಡಿಯನ್ನ ದಾಟಿ ಮುನ್ನುಗ್ಗುತ್ತಿದೆ. ಜನವರಿ ಬಳಿಕ ನಿಫ್ಟಿ ಮತ್ತೆ ಭಾರಿ ಏರಿಕೆ ಕಂಡಿದೆ. ಇದೇ ಮೊದಲ ಬಾರಿ ನಿಫ್ಟಿ-50 13 ಸಾವಿರದ ಗಡಿ ದಾಟಿ ಹೊಸ ಎತ್ತರಕ್ಕೆ ಏರಿದೆ. ಕೇವಲ 13 ವ್ಯವಹಾರಿಕ ದಿನಗಳಲ್ಲಿ ನಿಫ್ಟಿ 12 ಸಾವಿರದಿಂದ 13000 ದ ಗಡಿ ದಾಟಿದೆ.

ಜಾಗತಿಕ ಮಾರುಕಟ್ಟೆಗಳಲ್ಲಿ ಕಂಡು ಬಂದ ಸಕಾರಾತ್ಮಕ ಬೆಳವಣಿಗೆಗಳು, ಡಾಲರ್​​​ನ ಕುಸಿತ, ಕೊರೊನಾಕ್ಕೆ ಹೊಸ ಲಸಿಕೆ ಇವೆಲ್ಲಕ್ಕಿಂತ ಮುಖ್ಯವಾಗಿ ಜಾಗತಿಕವಾಗಿ ಆಯಾಯ ಕೇಂದ್ರ ಬ್ಯಾಂಕ್​ಗಳು ಆರ್ಥಿಕ ಚೇತರಿಕೆ ಹಣದ ಹರಿವನ್ನ ಹೆಚ್ಚಳ ಮಾಡಿರುವುದು ಷೇರುಪೇಟೆ ಏರಿಕೆಗೆ ಕಾರಣವಾಗಿದೆ.

ಇನ್ನು ಮುಂಬೈ ಷೇರುಪೇಟೆ ಕೂಡ ಇಂದು ಬೆಳಗಿನ ವ್ಯವಹಾರದಲ್ಲಿ 44,571 ಅಂಕಗಳಿಗೆ ಏರಿಕೆ ಕಾಣುವ ಮೂಲಕ ಸಾರ್ವಕಾಲಿಕ ದಾಖಲೆ ಬರೆದಿದೆ. ನವೆಂಬರ್​ ತಿಂಗಳಲ್ಲಿ ಶೇ 12 ರಷ್ಟು ಏರಿಕೆ ದಾಖಲಿಸಿದೆ. ಇಂದಿನ ವ್ಯವಹಾರದಲ್ಲಿ ನಿಫ್ಟಿ 13120 ಅಂಶಗಳಿಗೆ ಏರಿಕೆ ಕಂಡರೆ, ಬಿಎಸ್​​ಸಿ 220 ಅಂಕಗಳ ಹೆಚ್ಚಳದ ಮೂಲಕ 44743ಕ್ಕೆ ತಲುಪಿದೆ.

10;50 ರ ವೇಳಗೆ ಷೇರುಪೇಟೆ 143 ಅಂಕಗಳ ಕುಸಿತ ಕಂಡು 44373ರ ಮಟ್ಟದಲ್ಲಿ ವ್ಯವಹಾರ ನಿರತವಾಗಿತ್ತು.