ಹೊಸ ವರ್ಷದ ಮೊದಲ ದಿನವೇ 114 ಪಾಯಿಂಟ್‌ಗಳ ಆರಂಭಿಕ ಏರಿಕೆ ಕಂಡ ಸೆನ್ಸೆಕ್ಸ್​

ದಿನದ ಆರಂಭದಲ್ಲೇ ಸೆನ್ಸೆಕ್ಸ್ 114 ಪಾಯಿಂಟ್‌ಗಳ ಏರಿಕೆ ಕಂಡಿದ್ದು, ನಿಫ್ಟಿ 14,016 ಕ್ಕೆ ತಲುಪಿದೆ.

ಮುಂಬೈ:ಹೊಸ ವರ್ಷದ ಮೊದಲ ದಿನವೇ ಸೆನ್ಸೆಕ್ಸ್ ಶುಭಾರಂಭ ಮಾಡಿದೆ. ಆರಂಭಿಕ ವಹಿವಾಟಿನಲ್ಲಿ114 ಪಾಯಿಂಟ್‌ಗಳ ಏರಿಕೆ ಕಂಡಿದ್ದು, ಪ್ರಸ್ತುತ 47,866 ವಹಿವಾಟು ನಡೆಸುತ್ತಿದೆ. ನಿಫ್ಟಿ 14,016 ಕ್ಕೆ ತಲುಪಿದೆ.

ಬೆಳಿಗ್ಗೆ 9: 15 ಕ್ಕೆ ಸೆನ್ಸೆಕ್ಸ್ ಶೇ 0.07 ಅಥವಾ 33.95 ಪಾಯಿಂಟ್ ಗಳಿಸಿ 47,785.28 ಕ್ಕೆ ತಲುಪಿದ್ದರೆ, ನಿಫ್ಟಿ 50 ಸೂಚ್ಯಂಕವು 14.35 ಪಾಯಿಂಟ್ ಅಥವಾ 0.10 ರಷ್ಟು ಏರಿಕೆ ಕಂಡು 13,996.10 ಕ್ಕೆ ಏರಿಕೆ ಕಂಡು ವ್ಯವಹಾರ ಮುಂದುವರಿಸಿದೆ.

ನಿಫ್ಟಿ ಸ್ಮಾಲ್‌ಕ್ಯಾಪ್ 100 ಮತ್ತು ನಿಫ್ಟಿ ಮಿಡ್‌ಕ್ಯಾಪ್ 100 ಸೂಚ್ಯಂಕಗಳು ತಲಾ 0.5 ಪ್ರತಿಶತದಷ್ಟು ಏರಿಕೆ ಕಂಡಿವೆ. ವಿಶ್ವದ ಷೇರು ಮಾರುಕಟ್ಟೆಯಲ್ಲಿ ಸಕಾರಾತ್ಮಕ ವ್ಯವಹಾರ ಹಾಗೂ ಕೋವಿಡ್​​ಗೆ ಲಸಿಕೆ ಬಂದಿರುವ ಹಿನ್ನೆಲೆ ಮುಂಬೈ ಷೇರುಪೇಟೆಯಲ್ಲಿ ಸಕಾರಾತ್ಮಕ ಫಲಿತಾಂಶ ಕಂಡು ಬಂದಿದೆ ಎನ್ನಲಾಗಿದೆ.