4ನೇ ದಿನವೂ ಗೂಳಿಯ ನಾಗಾಲೋಟ: ಮುಂಬೈ ಪೇಟೆಗೆ ಹಣಕಾಸು & ಉಕ್ಕಿನ ಬಲ!

ಕಳೆದ ನಾಲ್ಕು ವಹಿವಾಟಿನ ಅವಧಿಗಳಲ್ಲಿ ದೇಶಿ ಪೇಟೆಯು ಸಕರಾತ್ಮಕವಾಗಿ ಸಾಗುತ್ತಿದೆ. ಮಂಗಳವಾರದ ವಹಿವಾಟಿನ ಅಂತ್ಯಕ್ಕೆ ಮುಂಬೈ ಷೇರು ಸೂಚ್ಯಂಕ ಸೆನ್ಸೆಕ್ಸ್​ 225 ಅಂಕಗಳ ಏರಿಕೆ ದಾಖಲಿಸಿ 38,407.01 ಅಂಕಗಳ ಮಟ್ಟದಲ್ಲೂ ರಾಷ್ಟ್ರೀಯ ಸೂಚ್ಯಂಕ ನಿಫ್ಟಿ 52.35 ಅಂಕಗಳ ಜಿಗಿತಗೊಂಡು 11,322.50 ಅಂಕಗಳ ಮಟ್ಟದಲ್ಲಿ ಕೊನೆಗೊಂಡಿತು.

ಮುಂಬೈ:ಸ್ಥಿರವಾದ ವಿದೇಶಿ ನಿಧಿಯ ಒಳಹರಿವು ಹಾಗೂ ಜಾಗತಿಕ ವಿದ್ಯಮಾನಗಳ ಸಕಾರಾತ್ಮಕ ಪರಿಣಾಮದಿಂದ ಮುಂಬೈ ಪೇಟೆಯ ಸೆನ್ಸೆಕ್ಸ್​ 225 ಅಂಕಗಳ ಏರಿಕೆ ದಾಖಲಿಸಿದೆ.

ಕಳೆದ ನಾಲ್ಕು ವಹಿವಾಟಿನ ಅವಧಿಗಳಲ್ಲಿ ದೇಶಿ ಪೇಟೆಯು ಸಕಾರಾತ್ಮಕವಾಗಿ ಸಾಗಿತು. ಮಂಗಳವಾರದ ವಹಿವಾಟಿನ ಅಂತ್ಯಕ್ಕೆ ಮುಂಬೈ ಷೇರು ಸೂಚ್ಯಂಕ ಸೆನ್ಸೆಕ್ಸ್​ 225 ಅಂಕಗಳ ಏರಿಕೆ ದಾಖಲಿಸಿ 38,407.01 ಅಂಕಗಳ ಮಟ್ಟದಲ್ಲೂ ರಾಷ್ಟ್ರೀಯ ಸೂಚ್ಯಂಕ ನಿಫ್ಟಿ 52.35 ಅಂಕಗಳ ಜಿಗಿತಗೊಂಡು 11,322.50 ಅಂಕಗಳ ಮಟ್ಟದಲ್ಲಿ ಕೊನೆಗೊಂಡಿತು.

ಆ್ಯಕ್ಸಸ್​ ಬ್ಯಾಂಕ್ ದಿನದ ವಹಿವಾಟಿನಲ್ಲಿ ಟಾಪ್​​ ಗೇನರ್ ಆಗಿದ್ದರೇ ಇಂಡಸ್​ಇಂಡ್ ಬ್ಯಾಂಕ್, ಐಟಿಸಿ, ಎಚ್​ಡಿಎಫ್​ಸಿ ಬ್ಯಾಂಕ್, ಎಚ್​ಡಿಎಫ್​ಸಿ, ಟಾಟಾ ಸ್ಟೀಲ್, ಐಸಿಐಸಿಐ ಬ್ಯಾಂಕ್ ಮತ್ತು ರಿಲಯನ್ಸ್ ನಂತರದ ಸ್ಥಾನ ಪಡೆದವು.

ಟೈಟನ್, ಭಾರ್ತಿ ಏರ್​ಟೆಲ್, ಹೆಚ್​ಸಿಎಲ್​ ಟೆಕ್ ಹಾಗೂ ಒಎನ್​ಜಿಸಿ ಷೇರು ಮೌಲ್ಯದಲ್ಲಿ ಕುಸಿತ ಕಂಡುಬಂತು.

ಹೂಡಿಕೆದಾರರ ಮನೋಭಾವದಲ್ಲಿ ಇತರ ಜಾಗತಿಕ ಸೂಚ್ಯಂಕಗಳು ಮತ್ತು ಸ್ಥಿರವಾದ ವಿದೇಶಿ ನಿಧಿಯ ಒಳಹರಿವುಗಳಿಂದ ಸಕಾರಾತ್ಮಕ ಸೂಚನೆಗಳು ಕಂಡುಬಂದವು.

ಅಂತಾರಾಷ್ಟ್ರೀಯ ಸಂದೇಹಗಳ ಹೊರತಾಗಿಯೂ ರಷ್ಯಾವು ಕೊರೊನಾ ಲಸಿಕೆಯನ್ನು ಅಧಿಕೃತವಾಗಿ ನೋಂದಾಯಿಸಿದೆ. ಅದು ಬಳಕೆಗೆ ಸಿದ್ಧವೆಂದು ಘೋಷಿಸಿದ ಮೊದಲ ದೇಶ ಎಂಬ ಸುದ್ದಿಯ ಬಗ್ಗೆ ಮಾರುಕಟ್ಟೆಯಲ್ಲಿ ಭಾಗವಹಿಸುವವರು ಎಚ್ಚರಿಕೆಯಿಂದ ತೊಡಗಿಸಿಕೊಂಡರು. ವಿಶ್ವದಾದ್ಯಂತ ಕೋವಿಡ್​​-19 ಸೋಂಕಿತರ ಸಂಖ್ಯೆ 2 ಕೋಟಿ ದಾಟಿದ್ದರೇ ಭಾರತದಲ್ಲಿ 22.68 ಲಕ್ಷ ತಲುಪಿದೆ.