'ಮಾನ್ಸೂನ್​ ಧಮಾಕಾ ಆಫರ್​​​': ಗೃಹ ಸಾಲದ ಮೇಲಿನ ಪ್ರೊಸೆಸಿಂಗ್​​ ಫೀ ಮನ್ನಾ ಮಾಡಿದ SBI

ಸ್ಟೇಟ್​ ಬ್ಯಾಂಕ್​​ ಆಫ್​ ಇಂಡಿಯಾ ಸದ್ಯ ಗೃಹ ಸಾಲದ ಮೇಲೆ ಶೇ. 0.40ದಷ್ಟು ಪ್ರೊಸೆಸಿಂಗ್​​ ಶುಲ್ಕ ಹೇರಿದ್ದು, 'ಮಾನ್ಸೂನ್​ ಧಮಾಕಾ ಆಫರ್​​​' ಮೂಲಕ ಈ ಯೋಜನೆ ಜಾರಿಗೊಳಿಸಿದೆ..

ನವದೆಹಲಿ :ಗೃಹ ಸಾಲದ ಮೇಲಿನ ಪ್ರೊಸೆಸಿಂಗ್​ ಫೀ ಮನ್ನಾ ಮಾಡಿ ದೇಶದ ಅತಿ ದೊಡ್ಡ ಬ್ಯಾಂಕ್​​ ಆಗಿರುವ ಸ್ಟೇಟ್​ ಬ್ಯಾಂಕ್​ ಆಫ್​ ಇಂಡಿಯಾ(SBI) ಆದೇಶ ಹೊರಡಿಸಿದೆ. ಆಗಸ್ಟ್​ ತಿಂಗಳ ಕೊನೆಯವರೆಗೆ ಗ್ರಾಹಕರಿಗೆ ಇದು ಅನ್ವಯವಾಗಲಿದೆ.

ಸ್ಟೇಟ್​ ಬ್ಯಾಂಕ್​​ ಆಫ್​ ಇಂಡಿಯಾ ಸದ್ಯ ಗೃಹ ಸಾಲದ ಮೇಲೆ ಶೇ. 0.40ರಷ್ಟು ಪ್ರೊಸೆಸಿಂಗ್​​ ಶುಲ್ಕ ಹೇರಿದ್ದು, 'ಮಾನ್ಸೂನ್​ ಧಮಾಕಾ ಆಫರ್​​​' ಮೂಲಕ ಈ ಯೋಜನೆ ಜಾರಿಗೊಳಿಸಿದೆ. ಹೀಗಾಗಿ, ಸೀಮಿತ ಅವಧಿಗೆ ಮಾತ್ರ ಈ ಆಫರ್​ ಅನ್ವಯವಾಗಲಿದೆ. ಮನೆ ಖರೀದಿ ಮಾಡುವವರಿಗೆ ಎಸ್​ಬಿಐ ಶೇ. 6.70ರ ಬಡ್ಡಿದರದಲ್ಲಿ ಸಾಲ ನೀಡಲಾಗುತ್ತಿದೆ ಎಂದು ತಿಳಿಸಿದ್ದು, ಗ್ರಾಹಕರಿಗೆ ಇದಕ್ಕಿಂತಲೂ ಉತ್ತಮವಾದ ಅವಕಾಶ ಮತ್ತೊಮ್ಮೆ ಸಿಗುವುದಿಲ್ಲ ಎಂದು ತಿಳಿಸಿದೆ.

ಇದೀಗ ನೀಡಿರುವ 'Monsoon Dhamaka Offer' ಆಗಸ್ಟ್​​ 31, 2021ಕ್ಕೆ ಕೊನೆಯಾಗಲಿದೆ. ಪ್ರೊಸೆಸಿಂಗ್​ ಶುಲ್ಕ ಮನ್ನಾ ಯೋಜನೆ ಮನೆ ಖರೀದಿಗೆ ಗ್ರಾಹಕರಿಗೆ ಮತ್ತಷ್ಟು ಸರಳವಾಗಲಿದೆ ಎಂದಿದೆ.

ಇದೇ ವಿಚಾರವಾಗಿ ಮಾತನಾಡಿರುವ ಎಸ್​ಬಿಐನ ರಿಟೇಲ್​​ ಮತ್ತು ಡಿಜಿಟಲ್​​ ಬ್ಯಾಂಕಿಂಗ್​​ ಎಂಡಿ ಸಿ.ಎಸ್​ ಶೆಟ್ಟಿ, ಅತಿ ಕಡಿಮೆ ಬಡ್ಡಿ ದರದಲ್ಲಿ ಗ್ರಾಹಕರಿಗೆ ಸಾಲ ನೀಡಲಾಗುತ್ತಿದ್ದು, ಪ್ರತಿ ಭಾರತೀಯರಿಗೂ ಇದರ ಸೌಲಭ್ಯ ಒದಗಿಸಲು ಕ್ರಮಕೈಗೊಳ್ಳಲಾಗಿದೆ ಎಂದು ತಿಳಿಸಿದ್ದಾರೆ.

ಎಸ್​​ಬಿಐನ YONO App ಮೂಲಕ ಗೃಹ ಸಾಲಕ್ಕೆ ಅರ್ಜಿ ಹಾಕುವವರಿಗೆ ಶೇ.0.05ರ ವಿನಾಯತಿ ಸಹ ಸಿಗಲಿದೆ ಎಂದು ತಿಳಿಸಿದ್ದು, ಮಹಿಳೆಯರಿಗೆ 5 ಬೇಸಿಕ್​ ಪಾಯಿಂಟ್​ ವಿನಾಯತಿಗೆ ಅರ್ಹರು ಎಂದಿದೆ.