ಲಂಡನ್: ಭಾರತೀಯ ಮೊಬೈಲ್ ಮಾರುಕಟ್ಟೆಯನ್ನು ಆಳುತ್ತಿರುವ ಚೀನಾ ಮೂಲದ ಒನ್ಪ್ಲಸ್ ಸಂಸ್ಥೆ ಕಳೆದ ತಿಂಗಳಾಂತ್ಯದಲ್ಲಿ ಒನ್ಪ್ಲಸ್ 7T ರಿಲೀಸ್ ಮಾಡಿತ್ತು. ಇದಾದ ಎರಡೇ ವಾರಕ್ಕೆ ಇದೇ ಕಂಪನಿಯಿಂದ ಮತ್ತೊಂದು ಮೊಬೈಲ್ ಹೊರಬರುತ್ತಿದೆ.
ಹೌದು, ಲಂಡನ್ನಲ್ಲಿ ನಾಳೆ(ಅಕ್ಟೋಬರ್ 10) ಒನ್ ಪ್ಲಸ್ 7T Pro ಮೊಬೈಲ್ ಬಿಡುಗಡೆಯಾಗಲಿದೆ. ಇದೇ ವೇಳೆ ಒನ್ ಪ್ಲಸ್ 7T Pro ಮೆಕ್ಲಾರೆನ್ ಎಡಿಷನ್ ಸಹ ರಿಲೀಸ್ ಆಗಲಿದೆ.
ಅಮೇಜಾನ್ ಮೂಲಕ ಹಬ್ಬ ಆಚರಿಸಿದ ಒನ್ಪ್ಲಸ್...! ಎರಡೇ ದಿನದಲ್ಲಿ ಕೋಟಿ ಕೋಟಿ ಬಾಚಿದ ಚೀನಾ ಕಂಪನಿ ..
ಒನ್ ಪ್ಲಸ್ 7T ಮೊಬೈಲ್ಗಿಂತ ಒನ್ಪ್ಲಸ್ 7T Proನಲ್ಲಿ ಕ್ಯಾಮರಾ ಸೆನ್ಸಾರ್, ಉತೃಷ್ಟಮಟ್ಟದ ಪ್ರೊಸೆಸರ್(ಸ್ನ್ಯಾಪ್ಡ್ರಾಗನ್ 855 ಪ್ಲಸ್) ಫೀಚರ್ಗಳು ಇರಲಿವೆ ಎಂದು ವರದಿಯಾಗಿದೆ. ಜೊತೆಗೆ ಬ್ಯಾಟರಿ ಸಾಮರ್ಥ್ಯ ಸಹ ಒನ್ಪ್ಲಸ್ 7T ಮೊಬೈಲ್ಗಿಂತ ಹೆಚ್ಚಿರಲಿದೆ ಎನ್ನಲಾಗಿದೆ.
ಮೆಕ್ಲಾರೆನ್ ಎಡಿಷನ್ನಲ್ಲಿ ರ‍್ಯಾಮ್ ಹಾಗೂ ಆಂತರಿಕ ಸ್ಟೋರೆಜ್ ಹೆಚ್ಚಿರಲಿದೆ. ಕಳೆದ ವರ್ಷದ ಒನ್ ಪ್ಲಸ್ 6T ಮೆಕ್ಲಾರೆನ್ ಎಡಿಷನ್ನಲ್ಲಿ 10GB ರ‍್ಯಾಮ್ ಹಾಗೂ 256GB ಆಂತರಿಕ ಸ್ಟೋರೆಜ್ ನೀಡಲಾಗಿತ್ತು. ಹೀಗಾಗಿ ಒನ್ಪ್ಲಸ್ 7T ಮೆಕ್ಲಾರೆನ್ ಎಡಿಷನ್ ಬಗ್ಗೆ ಒಂದಷ್ಟು ನಿರೀಕ್ಷೆಗಳಿವೆ.
