ಬೆಲೆ ಏರಿಕೆಯ ಬರೆ ಬೆನ್ನಲ್ಲೇ ಸಿಲಿಂಡರ್ ದರದಲ್ಲಿ ಭಾರೀ ಇಳಿಕೆ..!

ಸೋಮವಾರದಂದು ಸಬ್ಸಿಡಿ ರಹಿತ ಸಿಲಿಂಡರ್ ದರದಲ್ಲಿ ₹ 53 ಇಳಿಕೆಯಾಗಿದೆ. ಈ ಹಿಂದೆ ಸಿಲಿಂಡರ್ ದರದಲ್ಲಿ ₹ 144.50ಯಷ್ಟು ಏರಿಕೆ ಮಾಡಲಾಗಿತ್ತು. ಇದರ ಜೊತೆಗೆ ವೈಮಾನಿಕ ಇಂಧನ (ಎಟಿಎಫ್) ದರದಲ್ಲೂ ಶೇ 10ರಷ್ಟು ಇಳಿಕೆಯಾಗಿದೆ. ಕಳೆದ ಕೆಲ ತಿಂಗಳ ಅವಧಿಯಲ್ಲಿ ಇದು ಎರಡನೇ ಬಾರಿಯ ಇಳಿಕೆಯಾಗಿದೆ. ಕೊರೊನಾ ವೈರಸ್​ ಹರಡುವಿಕೆಯ ಭೀತಿಯಿಂದಾಗಿ ಅಂತಾರಾಷ್ಟ್ರೀಯ ತೈಲ ದರದಲ್ಲಿ ಇಳಿಕೆಯಾಗಿದೆ. ಬೆಲೆ ಕುಸಿತದ ಪ್ರಯೋಜನವನ್ನು ಆಯಿಲ್ ವಿತರಣಾ ಕಂಪನಿಗಳು ಗ್ರಾಹಕರಿಗೆ ವರ್ಗಾಯಿಸಿವೆ.

ನವದೆಹಲಿ: ಫೆಬ್ರವರಿ ತಿಂಗಳ ಆರಂಭದಲ್ಲಿ ಸಬ್ಸಿಡಿ ರಹಿತ ಅಡಿಗೆ ಅನಿಲ ದರದಲ್ಲಿ ಭಾರೀ ಪ್ರಮಾಣದಲ್ಲಿ ಏರಿಕೆ ಮಾಡಿದ್ದ ಸರ್ಕಾರಿ ಸ್ವಾಮ್ಯದ ಇಂಡಿಯನ್ ಆಯಿಲ್​ ಸಂಸ್ಥೆ, ಈಗ ಬೆಲೆ ಇಳಿಕೆ ಮಾಡಿದೆ.

ಸೋಮವಾರದಂದು ಸಬ್ಸಿಡಿ ರಹಿತ ಸಿಲಿಂಡರ್ ದರದಲ್ಲಿ ₹ 53 ಇಳಿಕೆಯಾಗಿದೆ. ಈ ಹಿಂದೆ ಸಿಲಿಂಡರ್ ದರದಲ್ಲಿ ₹ 144.50ಯಷ್ಟು ಏರಿಕೆ ಮಾಡಲಾಗಿತ್ತು. ಇದರ ಜೊತೆಗೆ ವೈಮಾನಿ ಇಂಧನ (ಎಟಿಎಫ್) ದರದಲ್ಲೂ ಶೇ 10ರಷ್ಟು ಇಳಿಕೆಯಾಗಿದೆ. ಕಳೆದ ಕೆಲ ತಿಂಗಳ ಅವಧಿಯಲ್ಲಿ ಇದು ಎರಡನೇ ಬಾರಿಯ ಇಳಿಕೆಯಾಗಿದೆ. ಕೊರೊನಾ ವೈರಸ್​ ಹರಡುವಿಕೆಯ ಭೀತಿಯಿಂದಾಗಿ ಅಂತಾರಾಷ್ಟ್ರೀಯ ತೈಲ ದರದಲ್ಲಿ ಇಳಿಕೆಯಾಗಿದೆ. ಬೆಲೆ ಕುಸಿತದ ಪ್ರಯೋಜನವನ್ನು ಆಯಿಲ್ ವಿತರಣಾ ಕಂಪನಿಗಳು ಗ್ರಾಹಕರಿಗೆ ವರ್ಗಾಯಿಸಿವೆ.

ದೆಹಲಿಯಲ್ಲಿ ಪ್ರತಿ ಕಿಲೋಲೀಟರ್​ ವೈಮಾನಿಕ ಇಂಧನದ (ಎಟಿಎಫ್‌) ಮೇಲೆ ₹ 6,590.63 (ಶೇ 10.3ರಷ್ಟು) ಇಳಿಕೆಯಾಗಿ ₹ 56,859.01ರಲ್ಲಿ ಮಾರಾಟ ಆಗುತ್ತಿದೆ. ಈ ಹಿಂದೆಯೂ ಕಿ.ಲೀ. ಎಟಿಎಫ್​ ಮೇಲೆ ₹ 874.13 ಕಡಿತವಾಗಿತ್ತು.

14.2 ಕೆ.ಜಿ ಸಬ್ಸಿಡಿ ರಹಿತ ಸಿಲಿಂಡರ್ ₹ 858.50 ದರದ ಬದಲಿಗೆ ₹ 805.50ಗೆ ದೊರೆಯಲಿದೆ. ವಾಣಿಜ್ಯ ಉದ್ದೇಶಕ್ಕಾಗಿ ಬಳಕೆ ಮಾಡುವ 19 ಕೆ.ಜಿ. ಸಿಲಿಂಡರ್ ₹ 1,466 ಬದಲಿಗೆ ₹ 1,381.50 ಲಭ್ಯವಾಗಲಿದೆ ಎಂದು ತಿಳಿಸಿದೆ.