ದೀಪಾವಳಿ ಮುಹೂರ್ತ ಟ್ರೇಡಿಂಗ್​.. ದುರ್ಬಲ ಆರ್ಥಿಕತೆ ಮಧ್ಯೆ 200 ಅಂಕ ಜಿಗಿದ ಸೆನ್ಸೆಕ್ಸ್​..

ಆರ್ಥಿಕತೆಯಲ್ಲಿನ ದುರ್ಬಲವಾದ ಉಪಭೋಗದ ಬೇಡಿಕೆ, ಅಮೆರಿಕ-ಚೀನಾ ನಡುವಿನ ವ್ಯಾಪಾರ ವಾಣಿಜ್ಯ ಸಮರ, ಕೊಲ್ಲಿ ರಾಷ್ಟ್ರಗಳಲ್ಲಿನ ಉದ್ವಿಗ್ನತೆ, 2019ರ ಬಜೆಟ್​ನಲ್ಲಿ ವಿದೇಶಿ ಬಂಡವಾಳ ಹೂಡಿಕೆದಾರರ (ಎಫ್‌ಪಿಐ) ಮೇಲೆ ತೆರಿಗೆ ವಿಧಿಸುವ ಪ್ರಸ್ತಾಪ, ನೀರಸವಾದ ಸಾಂಸ್ಥಿಕ ಗಳಿಕೆ ಮತ್ತು ಭಾರತ ಹಾಗೂ ಪಾಕಿಸ್ತಾನ ನಡುವಿನ ಭೌಗೋಳಿಕ ರಾಜಕೀಯ ಉದ್ವಿಗ್ನತೆಯ ಜಮ್ಮು ಮತ್ತು ಕಾಶ್ಮೀರಕ್ಕೆ ನೀಡಿದ್ದ 370ನೇ ವಿಧಿ ರದ್ದತಿಯಂತಹ ಅಂಶಗಳು 2075ರ ಸಂವತ್ಸರದ ಪ್ರಮುಖ ಅಂಶಗಳಾಗಿದ್ದವು. ಈ ಭಾವನೆಗಳು ಹೂಡಿಕೆದಾರರ ಮೇಲೆ ಪರಿಣಾಮ ಬೀರಿದ್ದವು. ಈ ಎಲ್ಲ ಬೆಳವಣಿಗೆಗಳ ನಡುವೆಯೂ 2076ರ ಸಂವತ್ಸರವು ಇಂದಿನಿಂದ ಸಕರಾತ್ಮಕವಾಗಿ ಆರಂಭಗೊಂಡಿದೆ.

ಮುಂಬೈ:ದೇಶಾದ್ಯಂತ ಬೆಳಕಿನ ಹಬ್ಬವಾದ ದೀಪಾವಳಿ ಆಚರಿಸಲಾಗುತ್ತಿದ್ದು, ಇದೇ ದಿನ ಮುಂಬೈ ಷೇರುಪೇಟೆಯಲ್ಲಿ ವಿಶೇಷ ವಹಿವಾಟು 'ಮುಹೂರ್ತ ಟ್ರೇಡಿಂಗ್' ಸಕಾರಾತ್ಮಕವಾಗಿ ಆರಂಭಗೊಂಡಿದೆ.

ಆರ್ಥಿಕತೆಯಲ್ಲಿನ ದುರ್ಬಲವಾದ ಉಪಭೋಗದ ಬೇಡಿಕೆ, ಅಮೆರಿಕ- ಚೀನಾ ನಡುವಿನ ವ್ಯಾಪಾರ ವಾಣಿಜ್ಯ ಸಮರ, ಕೊಲ್ಲಿ ರಾಷ್ಟ್ರಗಳಲ್ಲಿನ ಉದ್ವಿಗ್ನತೆ, 2019ರ ಬಜೆಟ್​ಲ್ಲಿ ವಿದೇಶಿ ಬಂಡವಾಳ ಹೂಡಿಕೆದಾರರ (ಎಫ್‌ಪಿಐ) ಮೇಲೆ ತೆರಿಗೆ ವಿಧಿಸುವ ಪ್ರಸ್ತಾಪ, ನೀರಸವಾದ ಸಾಂಸ್ಥಿಕ ಗಳಿಕೆ ಮತ್ತು ಭಾರತ ಹಾಗೂ ಪಾಕಿಸ್ತಾನ ನಡುವಿನ ಭೌಗೋಳಿಕ ರಾಜಕೀಯ ಉದ್ವಿಗ್ನತೆಯ ಜಮ್ಮು ಮತ್ತು ಕಾಶ್ಮೀರಕ್ಕೆ ನೀಡಿದ್ದ 370ನೇ ವಿಧಿ ರದ್ದತಿಯಂತಹ ಅಂಶಗಳು 2075ರ ಸಂವತ್ಸರದ ಪ್ರಮುಖ ಅಂಶಗಳಾಗಿದ್ದವು. ಈ ಭಾವನೆಗಳು ಹೂಡಿಕೆದಾರರ ಮೇಲೆ ಪರಿಣಾಮ ಬೀರಿದ್ದವು. ಈ ಎಲ್ಲ ಬೆಳವಣಿಗೆಗಳ ನಡುವೆಯೂ 2076ರ ಸಂವತ್ಸರವು ಇಂದಿನಿಂದ ಸಕಾರಾತ್ಮಕವಾಗಿ ಆರಂಭಗೊಂಡಿದೆ.

ಇಂದು ಆರಂಭಗೊಂಡ ಮುಹೂರ್ತ ಟ್ರೇಡಿಂಗ್​ನ ಪ್ರಿಓಪನಿಂಗ್​ನಲ್ಲಿ ಸೆನ್ಸೆಕ್ಸ್​ 200 ಅಂಶಗಳ ಏರಿಕೆ ದಾಖಲಿಸಿ ಶೇ. 0.8ರಷ್ಟು ಏರಿಕೆಯಾಗಿ 39,397 ಅಂಕಗಳ ಮಟ್ಟದಲ್ಲೂ ನಿಫ್ಟಿ ಶೇ. 0.6ರಷ್ಟು ಜಿಗಿತ ಕಂಡು 11,662 ಅಂಶಗಳ ಮಟ್ಟದಲ್ಲಿ ಧನಾತ್ಮಕವಾಗಿ ವಹಿವಾಟು ನಡೆಸುತ್ತಿದೆ.

ಷೇರು ಖರೀದಿದಾರರು ರಿಲಯನ್ಸ್​ ಇಂಡಸ್ಟ್ರೀಸ್​, ಎಕ್ಸಿಸ್​​ ಬ್ಯಾಂಕ್, ಐಸಿಐಸಿಐ ಲೋಮ್​ಬರ್ಡ್​, ಗೋದ್ರೆಜ್​ ಇಂಡಸ್ಟ್ರೀಸ್​, ಐಟಿಸಿ ಹಾಗೂ ಹೆಚ್​ಯುಎಲ್​ ಷೇರುಗಳತ್ತ ಒಲವು ವ್ಯಕ್ತಪಡಿಸಿದ್ದಾರೆ. ಮುಹೂರ್ತ ಟ್ರೇಡಿಂಗ್​ ವೇಳೆ ಹೂಡಿಕೆದಾರರು ದೀರ್ಘ ಕಾಲಕ್ಕಾಗಿ ಷೇರುಗಳನ್ನು ಖರೀದಿಸುತ್ತಾರೆ. ಮುಂಬೈ ಷೇರು ಮಾರುಕಟ್ಟೆಯ ಬಿಎಸ್​​ಇ ಹಾಗೂ ಎನ್​​ಎಸ್​ಇ ಸಂಜೆ 6.15ರಿಂದ 7.15ರವರೆಗೆ ವಿಶೇಷ ಟ್ರೇಡಿಂಗ್​​ಗಾಗಿ ತೆರೆದುಕೊಳ್ಳುತ್ತಿವೆ. ಹಿಂದೂ ಪಂಚಾಂಗ ಸಂವತ್ಸರ 2075 ಕೊನೆಗೊಂಡು ಇಂದಿನಿಂದ 2076 ಸಂವತ್ಸರ ಆರಂಭವಾಗಲಿದೆ.