ತ್ರಿವಳಿ ಕ್ಯಾಮರಾ ಇರುವ ಮೊಟೊ ಜಿ9 ಸ್ಮಾರ್ಟ್​​ಫೋನ್​ ಆ.31ಕ್ಕೆ ಲಾಂಚ್​: ಬೆಲೆ ಎಷ್ಟು ಗೊತ್ತೇ?

ಜಾಗತಿಕವಾಗಿ ಭಾರತದಲ್ಲಿ ಮೊದಲ ಬಾರಿಗೆ ಈ ಫೋನ್ ಅನ್ನು ಬಿಡುಗಡೆ ಮಾಡಿದೆ. ಇದು ಮುಂದಿನ ಪೀಳಿಗೆಯ ನೆಚ್ಚಿನ ಸ್ಮಾರ್ಟ್ ಫೋನ್ ಆಗಿದೆ. ಭಾರತೀಯ ಗ್ರಾಹಕರ ಅಭಿರುಚಿ ಮತ್ತು ಅವರ ಬೇಡಿಕೆಗೆ ತಕ್ಕಂತೆ ಈ ಫೋನ್ ಅನ್ನು ವಿನ್ಯಾಸಗೊಳಿಸಲಾಗಿದೆ. ಇದು ಮೇಡ್ ಫಾರ್ ಇಂಡಿಯಾದಡಿ ಭಾರತದಲ್ಲೇ ತಯಾರಾಗಿರುವ ಉತ್ಪನ್ನವಾಗಿದೆ.

ಬೆಂಗಳೂರು:ಭಾರತೀಯ ಮಾರುಕಟ್ಟೆ ಮೇಲೆ ತನ್ನ ಗಮನವನ್ನು ಮುಂದುವರಿಸಿರುವ ಮೊಟೊರೋಲಾ ತನ್ನ ಜನಪ್ರಿಯ ಜಿ ಫ್ರಾಂಚೈಸಿಯಲ್ಲಿ ಇದೀಗ ಮೊಟೊ ಜಿ9 ಅನ್ನು ಭಾರತದ ಮಾರುಕಟ್ಟೆಗೆ ಬಿಡುಗಡೆ ಮಾಡಲು ಸಜ್ಜಾಗಿದೆ.

ಜಾಗತಿಕವಾಗಿ ಭಾರತದಲ್ಲಿ ಮೊದಲ ಬಾರಿಗೆ ಈ ಫೋನ್ ಅನ್ನು ಬಿಡುಗಡೆ ಮಾಡಿದೆ. ಇದು ಮುಂದಿನ ಪೀಳಿಗೆಯ ನೆಚ್ಚಿನ ಸ್ಮಾರ್ಟ್ ಫೋನ್ ಆಗಿದೆ. ಭಾರತೀಯ ಗ್ರಾಹಕರ ಅಭಿರುಚಿ ಮತ್ತು ಅವರ ಬೇಡಿಕೆಗೆ ತಕ್ಕಂತೆ ಈ ಫೋನ್ ವಿನ್ಯಾಸಗೊಳಿಸಲಾಗಿದೆ. ಇದು ಮೇಡ್ ಫಾರ್ ಇಂಡಿಯಾವಲ್ಲದೇ, ಭಾರತದಲ್ಲೇ ತಯಾರಾಗಿರುವ ಉತ್ಪನ್ನವಾಗಿದೆ.

ಈ ಮೊಟೊ ಜಿ9 ಕ್ಯಾಮೆರಾ, ಬ್ಯಾಟರಿ ಮತ್ತು ಇತ್ಯಾದಿಯ ಕಾರ್ಯಕ್ಷಮತೆಯ ಮಟ್ಟ ಪ್ರಬಲವಾಗಿದೆ. ಒಂದೇ ಉತ್ಪನ್ನದಲ್ಲಿ ಎಲ್ಲವನ್ನೂ ಒಟ್ಟಾಗಿ ಪಡೆಯಬೇಕೆಂದು ಬಯಸುವ ಗ್ರಾಹಕರ ಅನುಭವವನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯಬಲ್ಲ ಸಾಮರ್ಥ್ಯವನ್ನು ಹೊಂದಿದೆ. ಸೂಪರ್ - ರೆಸ್ಪಾನ್ಸಿವ್, ಕ್ವಾಲ್ಕಂ ಸ್ನ್ಯಾಪ್ ಡ್ರಾಗನ್ 662 ಪ್ರೊಸೆಸರ್ ಬಳಕೆದಾರರ ಅನುಭವದ ಮಟ್ಟವನ್ನು ಕಳೆಗುಂದಿಸುವುದಿಲ್ಲ. ಇದರಲ್ಲಿನ ಟ್ರಿಪಲ್ ಕ್ಯಾಮೆರಾ ಸಿಸ್ಟಂನಲ್ಲಿ 48 ಎಂಪಿ ಮೇನ್ ಸೆನ್ಸಾರ್ ಇರಲಿದೆ. ಈ ಸೆನ್ಸಾರ್​​ನಲ್ಲಿ ಅತ್ಯುತ್ತಮ ಗುಣಮಟ್ಟದ ಎಫ್​/1.7 ಅಪೆರ್ಚರ್ ಮತ್ತು 5000ಎಂಎಎಚ್ ಬ್ಯಾಟರಿ ಹಾಗೂ 20W ಟರ್ಬೋಪವರ್ ಚಾರ್ಜಿಂಗ್ ವ್ಯವಸ್ಥೆಯೊಂದಿಗೆ ಎರಡು ದಿನಗಳ ಬ್ಯಾಟರಿ ಬಾಳಿಕೆ ಬರಲಿದೆ.

ಸೂಪರ್ ರೆಸ್ಪಾನ್ಸಿವ್ ಕ್ವಾಲ್ಕಂ ಸ್ನ್ಯಾಪ್ ಡ್ರಾಗನ್ 662 ಮೊಬೈಲ್ ಪ್ಲಾಟ್ ಫಾರ್ಮ್ ಅನ್ನು ಹೊಂದಿರುವ ವಿಶ್ವದ ಮೊಟ್ಟ ಮೊದಲ ಸ್ಮಾರ್ಟ್ ಫೋನ್​​ಗಳಲ್ಲಿ ಒಂದಾಗಿದೆ. ಎಐ ಕಾರ್ಯಕ್ಷಮತೆ ಮತ್ತು ಡೈನಾಮಿಕ್ ಕ್ಯಾಮೆರಾ ಸಾಮರ್ಥ್ಯಗಳನ್ನು ಒಳಗೊಂಡಿದೆ. ವಿವಿಧ ರೀತಿಯ ಗ್ರಾಫಿಕ್ಸ್​ನೊಂದಿಗೆ ಅಗಾಧ ಪ್ರಮಾಣದ ಗೇಮ್ಸ್ ಮತ್ತು ವಿಡಿಯೋಗಳನ್ನು ಎಂಜಾಯ್ ಮಾಡಬಹುದಾಗಿದೆ. ಸ್ನ್ಯಾಪ್ ಡ್ರಾಗನ್ 662 ಹೆಚ್ಚಿಸಲ್ಪಟ್ಟಿರುವ ವೇಗಗಳು ಮತ್ತು ಆನ್ ಡಿವೈಸ್ ಕಾರ್ಯಕ್ಷಮತೆಯೊಂದಿಗೆ ನಿರ್ಮಾಣ ಮಾಡಲ್ಪಟ್ಟಿದೆ. ಕಡಿಮೆ ಲ್ಯಾಗ್​ನೊಂದಿಗೆ ತಡೆರಹಿತವಾಗಿ ಹಲವು ಟಾಸ್ಟ್​ಗಳನ್ನು ಮಾಡಿಕೊಳ್ಳಬಹುದಾಗಿದೆ. ಇದರ ಜತೆಗೆ ಪ್ರತಿಯೊಂದು ಸ್ಪರ್ಶ, ಟ್ಯಾಪ್ ಮತ್ತು ಸ್ವೈಪ್​ನಲ್ಲಿಯೂ ಫೋನ್​ನಿಂದ ನಯವಾದ ಅನುಭವವನ್ನು ಪಡೆಯಲಿದ್ದೀರಿ. 4ಜಿಬಿ ರ‍್ಯಾಮ್​​ ಹೊಂದಿದೆ.

ಇದರಲ್ಲಿನ ಸೆನ್ಸಾರ್ ಮತ್ತು ಮ್ಯಾಕ್ರೋ ವಿಶನ್ ಕ್ಯಾಮೆರಾ ಉತ್ತಮ ಫೋಟೋಗಳನ್ನು ತೆಗೆಯಲು ನೆರವಾಗುತ್ತವೆ. 48 ಎಂಪಿ ಮುಖ್ಯ ಕ್ಯಾಮೆರಾವು ಸಂಪೂರ್ಣವಾಗಿ ಕ್ವಾಡ್ ಪಿಕ್ಸೆಲ್ ತಂತ್ರಜ್ಞಾನವನ್ನು ಒಳಗೊಂಡಿದ್ದು, ಇದರಲ್ಲಿ 4X ಲೈಟ್ ಸೆನ್ಸಿಟಿವಿಟಿ, ನೈಟ್ ವಿಶನ್ ಮೋಡ್ ಮತ್ತು ಕ್ಲಾಸ್ ಲೀಡಿಂಗ್, ಲಾರ್ಜ್ ಎಫ್/1.7 ಅಪೆರ್ಚರ್ ವೈಶಿಷ್ಟ್ಯತೆಗಳಿವೆ. ಈ ವೈಶಿಷ್ಟ್ಯತೆಗಳಿಂದ ಮಂದ ಬೆಳಕಿನಲ್ಲಿಯೂ ಅತ್ಯಂತ ಬ್ರೈಟ್ ಆಗಿರುವ ಫೋಟೋ ಕ್ಲಿಕ್ಕಿಸಬಹುದಾಗಿದೆ. ಆಳವಾದ ಸೆನ್ಸಾರ್​ನೊಂದಿಗೆ ಮುಖ್ಯ ಕ್ಯಾಮೆರಾವು ಹಿನ್ನೆಲೆಯನ್ನು ಸ್ವಯಂಚಾಲಿತವಾಗಿ ಬ್ಲರ್ ಅಂದರೆ ಮಸುಕು ಮಾಡುವ ಗುಣವನ್ನು ಹೊಂದಿದೆ. ಮ್ಯಾಕ್ರೋ ವಿಶನ್ ಕ್ಯಾಮೆರಾದೊಂದಿಗೆ 4X ಸೌಲಭ್ಯದಿಂದ ವಸ್ತುವಿನ ತೀರಾ ಸನಿಹಕ್ಕೆ ಕೊಂಡೊಯ್ಯುವ ಸ್ಟಾಂಡರ್ಡ್ ಲೆನ್ಸ್​ಗಳಿವೆ. ಹೀಗಾಗಿ ಅತ್ಯಂತ ಚಿಕ್ಕದಾದ ವಸ್ತುವಿನ ಮೇಲೆಯೂ ಅತ್ಯುತ್ತಮವಾಗಿ ಫೋಕಸ್ ಮಾಡಬಹುದಾಗಿದೆ.

ಎಡೆ ಬಿಡದೇ ಮನೋರಂಜನೆಗೆ ಈ ಫೋನ್ ಬಳಸಿದರೂ ಚಿಂತೆ ಇಲ್ಲ. ಬ್ಯಾಟರಿ ಲೈಫ್ ವಿಚಾರದಲ್ಲಿ ಮೊಟೊ ಜಿ-9 ಬಗ್ಗೆ ಚಿಂತೆಯನ್ನು ಮಾಡಬೇಕಿಲ್ಲ. ಹೆಚ್ಚು ಬಾಳಿಕೆ ಬರುವಂತಹ 5000 ಎಂಎಎಚ್ ಬ್ಯಾಟರಿ ಇರುವುದರಿಂದ ಒಂದು ಬಾರಿ ಚಾರ್ಜ್ ಮಾಡಿದ ನಂತರ ಎರಡು ದಿನಗಳಿಗೂ ಹೆಚ್ಚು ಕಾಲ ಬಳಸಬಹುದಾಗಿದೆ. ಸತತ 83 ಗಂಟೆಗಳ ಕಾಲ ನೀವು ಸ್ಟ್ರೀಂ ಮ್ಯೂಸಿಕ್ ಆಲಿಸಬಹುದು, 16 ಗಂಟೆಗಳ ಕಾಲ ಸ್ಟ್ರೀಂ ವಿಡಿಯೋ ವೀಕ್ಷಿಸಬಹುದು ಅಥವಾ ನೆಚ್ಚಿನ ವೆಬ್​ಸೈಟ್ 13 ಗಂಟೆಗಳ ಕಾಲ ಬ್ರೌಸ್ ಮಾಡಬಹುದಾಗಿದೆ. ತ್ವರಿತವಾಗಿ ಬ್ಯಾಟರಿ ಚಾರ್ಜ್ ಆಗಲು 20W ಟರ್ಬೊಪವರ್​ ಚಾರ್ಜರ್ ಇದ್ದು, ಕೆಲವೇ ನಿಮಿಷಗಳಲ್ಲಿ ಬ್ಯಾಟರಿ ಚಾರ್ಜ್ ಆಗುತ್ತದೆ.

6.5 ಇಂಚಿನ ಮ್ಯಾಕ್ಸ್ ವಿಶನ್ ಎಚ್ ಡಿ+ ಡಿಸ್ ಪ್ಲೇ 20:9 ಅನುಪಾತದಲ್ಲಿ ಗರಿಷ್ಠ ಮಟ್ಟದ ವೀಕ್ಷಣೆಗೆ ಅವಕಾಶ ಕಲ್ಪಿಸುತ್ತದೆ. 64 ಜಿಬಿ ಬಿಲ್ಟ್-ಇನ್ ಸ್ಟೋರೇಜ್ ಒಳಗೊಂಡಿದೆ. ಮೈಕ್ರೋ ಎಸ್​ಡಿ ಸ್ಲಾಟ್​ನಲ್ಲಿ 512 ಜಿಬಿ ವರೆಗೆ ಸ್ಟೋರೇಜ್ ಸಾಮರ್ಥ್ಯವನ್ನು ಹೆಚ್ಚಿಸಿಕೊಳ್ಳಬಹುದಾಗಿದೆ.

ಆ್ಯಂಡ್ರಾಯ್ಡ್ ಒಎಸ್​​ ಸೌಲಭ್ಯ ಹೊಂದಿದೆ. ಇದರಲ್ಲಿ ಯಾವುದೇ ಕ್ಲಂಕಿ ಸಾಫ್ಟ್ ವೇರ್ ಸ್ಕಿನ್ಸ್ ಇರುವುದಿಲ್ಲ. ನಕಲಿ ಆ್ಯಪ್​ಗೆ ಅವಕಾಶವೇ ಇರುವುದಿಲ್ಲ. ಗ್ರಾಹಕರು ಇಷ್ಟಪಡುವ ಆ್ಯಂಡ್ರಾಯ್ಡ್ 10 ಅನ್ನು ಒಳಗೊಂಡಿದೆ. 1 ಕನಿಷ್ಠ ಒಎಸ್ ಅಪ್ ಗ್ರೇಡ್ ಮತ್ತು 2 ವರ್ಷಗಳ ಸೆಕ್ಯೂರಿಟಿ ಅಪ್ಡೇಟ್​​ಗಳ ಭರವಸೆಯನ್ನು ಈ ಸ್ಮಾರ್ಟ್ ಫೋನ್ ಒಳಗೊಂಡಿದೆ.

ಪ್ರತ್ಯೇಕವಾದ ಗೂಗಲ್ ಅಸಿಸ್ಟೆಂಟ್ ಬಟನ್ ಸೇರಿಸಲಾಗಿದೆ. ಇದರ ಮೇಲೆ ಒಂದು ಕ್ಲಿಕ್ ಮಾಡಿದರೆ ಸಾಕು ಗೂಗಲ್ ಅಸಿಸ್ಟೆಂಟ್ ಓಪನ್ ಆಗಿ ಬಳಕೆದಾರರಿಗೆ ಇಗಿಷ್ಟವಾಗಿರುವುದನ್ನು ಕೇಳಿ ಪಡೆದುಕೊಳ್ಳಬಹುದಾಗಿದೆ. ಇದಲ್ಲದೇ, ಬಟನ್ ಒತ್ತಿದಾಗ ವಾಯ್ಸ್ ಕಂಟ್ರೋಲ್ ಪಡೆಯಬಹುದು ಮತ್ತು ಗೂಗಲ್ ಅಸಿಸ್ಟೆಂಟ್ ಗೆ ಕೇಳಿ ಉತ್ತರ ಪಡೆಯಬಹುದು. ಇಲ್ಲಿ ಟೈಪ್, ಟ್ಯಾಪ್ ಅಥವಾ ಸ್ವೈಪ್ ಮಾಡುವ ಅಗತ್ಯವಿರುವುದಿಲ್ಲ.

ಕ್ಲಾಸ್ ಲೀಡಿಂಗ್ ಎನ್ಎಫ್​​ಸಿ ಸಪೋರ್ಟ್ ನೊಂದಿಗೆ ಸುಲಭವಾಗಿ ಕಾಂಟ್ಯಾಕ್ಟ್-ಲೆಸ್ ಪೇಮೆಂಟ್ ಗಳನ್ನು ಮಾಡಬಹುದು. ಇದರಲ್ಲಿನ ಡ್ಯುಯೆಲ್ ಬ್ಯಾಂಡ್ ವೈಫೈ ಸಪೋರ್ಟ್​ನಿಂದಾಗಿ ಆರಾಮವಾಗಿ ಯಾವುದೇ ಅಡಚಣೆ ಇಲ್ಲದೇ ವರ್ಕ್ ಫ್ರಂ ಹೋಂ ಜವಾಬ್ದಾರಿ ನಿರ್ವಹಣೆ ಮಾಡಬಹುದಾಗಿದೆ.

ಫೇಸ್ ರೆಕಗ್ನಿಶನ್ & ಫಿಂಗರ್ ಪ್ರಿಂಟ್ ರೀಡರ್ ವ್ಯವಸ್ಥೆ ಇದರಲ್ಲಿದ್ದು, ಇವುಗಳೇ ಪಾಸ್ವರ್ಡ್ ಆಗಿರುತ್ತವೆ. ಈ ಮೂಲಕ ನಿಮ್ಮ ಫೋನ್ ಅನ್ನು ಅನ್ಲಾಕ್ ಮಾಡಬಹುದು. ಸ್ಟನ್ನಿಂಗ್ ಮೊಟಿ ಜಿ9 ಡೀಪ್ ಸಫೈರ್ ಬ್ಲ್ಯೂ ಮತ್ತು ನ್ಯಾಚುರಲ್ ಫಾರೆಸ್ಟ್ ಗ್ರೀನ್​​ನಲ್ಲಿ ಲಭ್ಯವಿದೆ. ಫ್ಲಿಪ್ ಕಾರ್ಟ್​ನಲ್ಲಿ ಆಗಸ್ಟ್​​ 31ರ ಮಧ್ಯಾಹ್ನ 12 ಗಂಟೆಯಿಂದ ಲಭ್ಯವಿದೆ. 11,499 ರೂ. ದರ ನಿಗದಿ ಮಾಡಲಾಗಿದೆ.