ಅಗ್ಗದ ಬೆಲೆಗೆ ಜಿಯೋ 4ಜಿ ಮೊಬೈಲ್​: 2 ವರ್ಷ ಫ್ರೀ ಕಾಲ್, 2 ಜಿಬಿ ಡೇಟಾ ಸೇರಿ ಏನೆಲ್ಲಾ ಆಫರ್​?

ಟೆಲಿಕಾಂ ವಲಯದಲ್ಲಿ ತೀವ್ರ ಸ್ಪರ್ಧೆ ಏರ್ಪಟ್ಟಿದ್ದರಿಂದ ಹೊಸ ಹ್ಯಾಂಡ್​ಸೆಟ್​ನೊಂದಿಗೆ ಮಾರುಕಟ್ಟೆಗೆ ಬಂದಿದೆ. ತನ್ನ ಪ್ರತಿಸ್ಪರ್ಧಿ ಭಾರ್ತಿ ಏರ್​ಟೆಲ್​ನ ಇತ್ತೀಚಿನ ತಿಂಗಳಲ್ಲಿ ಚಂದಾದಾರರನ್ನು ವೇಗವಾಗಿ ಸೇರಿಸಿಕೊಳ್ಳುತ್ತಿದೆ. ಈ ಯೋಜನೆಯು ಜಿಯೋನ ‘2ಜಿ ಮುಕ್ತ ಭಾರತ್’ ಯೋಜನೆಗೆ ಅನುಗುಣವಾಗಿದ್ದು, ಭಾರತವನ್ನು 4 ಜಿ ಮಾರುಕಟ್ಟೆಯನ್ನಾಗಿ ಮಾಡುವ ಗುರಿ ಹೊಂದಿದೆ.

ನವದೆಹಲಿ: ಮುಖೇಶ್ ಅಂಬಾನಿ ನೇತೃತ್ವದ ರಿಲಯನ್ಸ್ ಜಿಯೋ ತನ್ನ ಗ್ರಾಹಕರಿಗೆ ಹೊಸ ಹ್ಯಾಂಡ್‌ಸೆಟ್ ಬಿಡುಗಡೆ ಮಾಡಿದೆ. ಎರಡು ವರ್ಷಗಳವರೆಗೆ ಅನಿಯಮಿತ ಧ್ವನಿ ಕರೆ ಮತ್ತು ತಿಂಗಳಿಗೆ 2 ಜಿಬಿ ಡೇಟಾ ನೀಡಲಿದೆ.

ಟೆಲಿಕಾಂ ವಲಯದಲ್ಲಿ ತೀವ್ರ ಸ್ಪರ್ಧೆ ಏರ್ಪಟ್ಟಿದ್ದರಿಂದ ಹೊಸ ಹ್ಯಾಂಡ್​ಸೆಟ್​ನೊಂದಿಗೆ ಮಾರುಕಟ್ಟೆ ಬಂದಿದೆ. ತನ್ನ ಪ್ರತಿಸ್ಪರ್ಧಿ ಭಾರ್ತಿ ಏರ್​ಟೆಲ್​ನ ಇತ್ತೀಚಿನ ತಿಂಗಳಲ್ಲಿ ಚಂದಾದಾರರನ್ನು ವೇಗವಾಗಿ ಸೇರಿಸಿಕೊಳ್ಳುತ್ತಿದೆ. ಈ ಯೋಜನೆಯು ಜಿಯೋನ ‘2ಜಿ ಮುಕ್ತ ಭಾರತ್’ ಯೋಜನೆಗೆ ಅನುಗುಣವಾಗಿದ್ದು, ಭಾರತವನ್ನು 4 ಜಿ ಮಾರುಕಟ್ಟೆಯನ್ನಾಗಿ ಮಾಡುವ ಗುರಿ ಹೊಂದಿದೆ.

ಭಾರತದಲ್ಲಿ ಈಗಲೂ 300 ಮಿಲಿಯನ್ ಚಂದಾದಾರರು 2ಜಿ ಯುಗದಲ್ಲಿ 'ಸಿಲುಕಿಕೊಂಡಿದ್ದಾರೆ. ಅಂತರ್ಜಾಲದ ಮೂಲ ಫೀಚರ್​ಗಳನ್ನು ಪ್ರವೇಶಿಸಲು ಸಾಧ್ಯವಾಗುತ್ತಿಲ್ಲ. ಮತ್ತೊಂದು ಕಡೆ 5ಜಿ ಕ್ರಾಂತಿಯು ಜಗತ್ತಿನ ಮುಂದೆ ನಿಂತಿದೆ ಎಂದು ರಿಲಯನ್ಸ್ ಜಿಯೋ ನಿರ್ದೇಶಕ ಆಕಾಶ್ ಅಂಬಾನಿ ಹೇಳಿದ್ದರು.

ಇದನ್ನೂ ಓದಿ: 'ಬಜೆಟ್​​ನ ತೆರಿಗೆ ಘೋಷಣೆಗಳು ಅಂತಾರಾಷ್ಟ್ರೀಯ ಹಣಕಾಸು ಕ್ಷೇತ್ರದ ಆಕರ್ಷಣೆ'

ಹೊಸ ಬಳಕೆದಾರರಿಗಾಗಿ ಆಫರ್ ಪ್ಯಾಕ್-ಇನ್ ಜಿಯೋ ಫೋನ್ ಸಾಧನವು 2 ವರ್ಷಗಳ ಅನಿಯಮಿತ ಧ್ವನಿ ಕರೆ ಮತ್ತು ಡೇಟಾ (ಪ್ರತಿ ತಿಂಗಳು 2 ಜಿಬಿ ಹೈಸ್ಪೀಡ್ ಡೇಟಾ) 1,999 ರೂ.ಗೆ ಲಭ್ಯವಾಗಲಿದೆ. 1 ವರ್ಷದ ಅನಿಯಮಿತ ಸೇವೆಗಳನ್ನು ಹೊಂದಿರುವ ಜಿಯೋಫೋನ್ 1,499 ರೂ.ಗಳಿಗೆ ಲಭ್ಯವಾಗಲಿದೆ.

2ಜಿ ಗ್ರಾಹಕರು 2 ವರ್ಷಗಳ ಅವಧಿಯಲ್ಲಿ ಸುಮಾರು 5,000 ರೂ. ಖರ್ಚು ಮಾಡುತ್ತಾರೆ. ಇದರಲ್ಲಿ ಒಟ್ಟು 3,600 ರೂ. ರೀಚಾರ್ಜ್ ಮತ್ತು ಒಂದು ಫೀಚರ್ ಫೋನ್ ಬೆಲೆ 1,200-1,500 ರೂ.ನಷ್ಟಿದೆ.