ಮುಂಬೈ:ಬಲಾಢ್ಯ ಜಾಗತಿಕ ಮಾರುಕಟ್ಟೆಯ ಏರಿಳಿತ, ಹಣದ ಸುರಕ್ಷತೆಗಾಗಿ ಹಳದಿ ಲೋಹದ ಮೇಲೆ ಹೂಡಿಕೆ ಹಾಗೂ ಸ್ಥಳೀಯ ಜುವೆಲ್ಲರಿ ಪೇಟೆಯಲ್ಲಿನ ಬೇಡಿಕೆಯಿಂದ ಚಿನ್ನದ ದರ ಏರಿಕೆಯಾಗಿದೆ.
ಜಾಗತಿಕ ಪೇಟೆಯಲ್ಲಿ ಔನ್ಸ್ ಚಿನ್ನವು 1,425.95 ಡಾಲರ್ನಲ್ಲಿ ಹಾಗೂ ಬೆಳ್ಳಿ 15.31 ಡಾಲರ್ನಲ್ಲಿ ವಹಿವಾಟು ನಡೆಸಿತ್ತು. ದೇಶಿಯ ಚಿನಿವಾರ ಪೇಟೆಯಲ್ಲಿ 10 ಗ್ರಾಂ. ಚಿನ್ನಕ್ಕೆ ₹ 260 ಏರಿಕೆಯಾಗಿ ₹ 34,380ರಲ್ಲಿ ಮಾರಾಟವಾಗುತ್ತಿದೆ. ಕೆ.ಜಿ. ಬೆಳ್ಳಿ ಮೇಲೂ ಕೂಡ ₹ 150 ಹೆಚ್ಚಳವಾಗಿದ್ದು, ಗ್ರಾಹಕರು ₹ 36,650 ನೀಡಿ ಖರೀದಿಸುತ್ತಿದ್ದಾರೆ.
ಬುಲಿಯನ್ ದರವು ಅಂತಾರಾಷ್ಟ್ರೀಯ ಮಾರುಕಟ್ಟೆಯ 1,430 ಡಾಲರ್ಗಿಂತಲೂ ಅಧಿಕವಾಗಿದೆ. ಆರ್ಥಿಕ ಬೆಳವಣಿಗೆಯ ಸುರಕ್ಷತೆಯ ದೃಷ್ಟಿಯಿಂದ ಹೂಡಿಕೆದಾರರು ಚಿನ್ನದ ಮೇಲೆ ಆಕರ್ಷಿತರಾಗಿದ್ದಾರೆ. ಯಥೇಚ್ಛ ಬಂಗಾರ ಖರೀದಿಯಿಂದಾಗಿ ಅಮೆರಿಕದ 10 ವರ್ಷ ವಾಯ್ದೆಯ ಬಾಂಡ್ ದರ ಎರಡು ವರ್ಷಗಳ ಕನಿಷ್ಠ ಪ್ರಮಾಣಕ್ಕೆ ಕುಸಿದಿದೆ ಎಂದು ಮಾರುಕಟ್ಟೆ ತಜ್ಞರು ವಿಶ್ಲೇಷಿಸಿದ್ದಾರೆ.
ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಶೇ 99.9 ಮತ್ತು ಶೇ. 99.5 ಪರಿಶುದ್ಧತೆ 10 ಗ್ರಾಂ. ಚಿನ್ನದ ಮೇಲೆ ತಲಾ ₹ 260 ಏರಿಕೆ ಕಂಡಿದೆ. ಪ್ರತಿಯಾಗಿ ಒಟ್ಟು ₹ 34,380 ಮತ್ತು ₹ 34,210ರಲ್ಲಿ ಖರೀದಿ ಆಗುತ್ತಿದೆ.
ರಾಜ್ಯ ರಾಜ್ಯಧಾನಿ ಬೆಂಗಳೂರಿನಲ್ಲಿ 22 ಕ್ಯಾರೆಟ್ನ 10 ಗ್ರಾಂ, ಚಿನ್ನವು ₹ 32,520 ಹಾಗೂ 24 ಕ್ಯಾರೆಟ್ನ 10 ಗ್ರಾಂ. ಚಿನ್ನ ₹ 34,300 ಮಾರಾಟ ಆಗುತ್ತಿದೆ. ರಾಜ್ಯದ ಆಯಾ ಜಿಲ್ಲೆಗಳ ಧಾರಣೆಯಲ್ಲೂ ಏರಿಳಿತವಾಗಿದೆ.
