1,799 ರೂ. ತಗ್ಗಿದ ಬೆಳ್ಳಿ: ಬಂಗಾರದ ಬೆಲೆಯಲ್ಲೂ ಭಾರೀ ಇಳಿಕೆ!

ರಾಷ್ಟ್ರ ರಾಜಧಾನಿಯಲ್ಲಿ ಪ್ರತಿ 10 ಗ್ರಾಂ. ಚಿನ್ನದ ಮೇಲೆ 614 ರೂ. ಇಳಿಕೆಯಾಗಿ 52,314 ರೂ.ಗೆ ತಲುಪಿದೆ. ಜಾಗತಿಕ ಮಾರುಕಟ್ಟೆಯ ಆನಿಶ್ಚಿತತೆಯಿಂದ ದರ ಕುಸಿದಿದೆ. ಹಿಂದಿನ ವಹಿವಾಟಿನಲ್ಲಿ ಇದೇ ಚಿನ್ನ 52,928 ರೂ.ಯಲ್ಲಿ ಮಾರಾಟ ಆಗಿತ್ತು ಎಂದು ಹೆಚ್​ಡಿಎಫ್​ಸಿ ಸೆಕ್ಯೂರಿಟೀಸ್ ತಿಳಿಸಿದೆ.

ನವದೆಹಲಿ: ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿನ ಇಳಿಕೆಯ ನಡೆಯನ್ನು ಅನುಸರಿಸಿದ ದೇಶಿ ಹಳದಿ ಲೋಹದ ಮಾರುಕಟ್ಟೆಯ ಬೆಲೆಗಳು ಇಳಿಕೆ ದಾಖಲಿಸಿದೆ.

ರಾಷ್ಟ್ರ ರಾಜಧಾನಿಯಲ್ಲಿ ಪ್ರತಿ 10 ಗ್ರಾಂ. ಚಿನ್ನದ ಮೇಲೆ 614 ರೂ. ಇಳಿಕೆಯಾಗಿ 52,314 ರೂ.ಗೆ ತಲುಪಿದೆ. ಜಾಗತಿಕ ಮಾರುಕಟ್ಟೆಯ ಆನಿಶ್ಚಿತತೆಯಿಂದ ದರ ಕುಸಿತವಾಗಿದೆ. ಹಿಂದಿನ ವಹಿವಾಟಿನಲ್ಲಿ ಇದೇ ಚಿನ್ನ 52,928 ರೂ.ಯಲ್ಲಿ ಮಾರಾಟ ಆಗಿತ್ತು ಎಂದು ಹೆಚ್​ಡಿಎಫ್​ಸಿ ಸೆಕ್ಯೂರಿಟೀಸ್ ತಿಳಿಸಿದೆ.

ಚಿನ್ನದ ಹಾದಿ ತುಳಿದ ಬೆಳ್ಳಿಯು ಕೂಡ ಪ್ರತಿ ಕೆ.ಜಿ. ಮೇಲೆ 1,799 ರೂ.ಯಷ್ಟು ಕುಸಿತವಾಗಿ 71,202 ರೂ.ಗೆ ತಲುಪಿದೆ. ಮಂಗಳವಾರದ ವಹಿವಾಟಿನಂದು ಇದು 73,001 ರೂ.ಯಲ್ಲಿ ಮಾರಾಟ ಆಗಿತ್ತು.

ದೆಹಲಿಯಲ್ಲಿ 24 ಕ್ಯಾರೆಟ್​ನ ಸ್ಪಾಟ್​ ಗೋಲ್ಡ್​ ಚಿನ್ನದ ದರದ ಮೇಲೆ 614 ರೂ. ಕುಸಿತವಾಗಿದೆ ಎಂದು ಹೆಚ್​ಡಿಎಫ್​ಸಿ ಸೆಕ್ಯೂರಿಟೀಸ್ ವಿಶ್ಲೇಷಕ ತಪನ್​ ಪಟೇಲ್ ಹೇಳಿದ್ದಾರೆ.

ಅಮೆರಿಕ ಮತ್ತು ಚೀನಾದ ಉತ್ಪಾದನಾ ಚಟುವಟಿಕೆಗಳಲ್ಲಿ ಚೇತರಿಕೆ ಕಂಡ ನಂತರ ಹೂಡಿಕೆದಾರರು ರಿಸ್ಕಿ ಸ್ವತ್ತುಗಳಿಗೆ ಬದಲಾದ ಕಾರಣ ಚಿನ್ನದ ಬೆಲೆಗಳು ಹಿಂದಿನ ಲಾಭಗಳನ್ನು ಗಳಿಸಿವೆ ಎಂದು ಹೇಳಿದರು.

ರಿಲಯನ್ಸ್ ಸೆಕ್ಯೂರಿಟೀಸ್ ಹಿರಿಯ ರಿಸರ್ಚ್​ ವಿಶ್ಲೇಷಕ ಶ್ರೀರಾಮ್ ಅಯ್ಯರ್, ದೇಶಿಯ ಬೆಲೆಗಳು ಬುಧವಾರ ಮಧ್ಯಾಹ್ನ ವ್ಯಾಪಾರದಲ್ಲಿ ಸಾಗರೋತ್ತರ ಬೆಲೆಗಳತ್ತ ಮುಖ ಮಾಡಿದವು ಎಂದರು.