ಹೊಸದಿಲ್ಲಿ: 2020-21 ರ ಹಣಕಾಸು ವರ್ಷದಲ್ಲಿ ಭಾರತದ ನಿರೀಕ್ಷಿತ ಆರ್ಥಿಕ ಬೆಳವಣಿಗೆ (ಜಿಡಿಪಿ) ದರ ಕುಸಿತ ಕಾಣಲಿದೆ ಎಂದು ಅಂತರರಾಷ್ಟ್ರೀಯ ರೇಟಿಂಗ್ ಸಂಸ್ಥೆ ಫಿಚ್ ಅಂದಾಜಿಸಿದೆ. ಭಾರತದ ನಿರೀಕ್ಷಿತ ಜಿಡಿಪಿ ದರ ಶೇ 5.1 ರಷ್ಟಿರಲಿದ್ದು, ಕೊರೊನಾ ವೈರಸ್ ಕಾರಣದಿಂದ ದೇಶದಲ್ಲಿ ಬಂಡವಾಳ ಹೂಡಿಕೆ ಮತ್ತು ರಫ್ತು ಪ್ರಮಾಣ ಕುಸಿತದಿಂದ ಬೆಳವಣಿಗೆ ದರ ಕುಸಿಯಲಿದೆ ಎಂದು ಫಿಚ್ ಹೇಳಿದೆ.
2020-21 ರ ಹಣಕಾಸು ವರ್ಷದಲ್ಲಿ ಶೇ. 5.6 ಹಾಗೂ ಅದರ ಮರುವರ್ಷ ಶೇ. 6.5 ರಷ್ಟು ಆರ್ಥಿಕ ಬೆಳವಣಿಗೆ ದರ ಇರಲಿದೆ ಇದೇ ಫಿಚ್ ಸಂಸ್ಥೆ ಡಿಸೆಂಬರ್ 2019 ರಲ್ಲಿ ಅಂದಾಜಿಸಿತ್ತು. ಆದರೆ ಈಗ ಶೇ. 5.6 ರ ಬದಲಾಗಿ ಬೆಳವಣಿಗೆ ದರ ಶೇ. 5.1 ರಷ್ಟು ಇರಲಿದೆ ಎಂದು ತಿಳಿಸಿದೆ.