ನವದೆಹಲಿ:ಆಟೋಮೋಟಿವ್ ವಲಯದಲ್ಲಿ ಬಿಎಂಡಬ್ಲ್ಯುಗೆ ಇರುವ ವ್ಯಾಮೋಹ ವಿಭಿನ್ನವಾಗಿದೆ. ಕರೈನಾ ಬೈಕು ತನ್ನ ಅನನ್ಯತೆಯಿಂದ ಗ್ರಾಹಕರನ್ನು ಆಕರ್ಷಿಸಿತು. ಇದರ ಬಳಿಕ ಇತ್ತೀಚೆಗೆ ಕಂಪನಿಯು ಭಾರತೀಯ ಮಾರುಕಟ್ಟೆಯಲ್ಲಿ ಮತ್ತೊಂದು ಹೊಸ ಬೈಕ್ ಬಿಎಂಡಬ್ಲ್ಯು ಮೋಟರ್ರಾಡ್ ಪರಿಚಯಿಸಿದೆ.
ಬಿಎಂಡಬ್ಲ್ಯು ಆರ್ 18 ಕ್ಲಾಸಿಕ್ ಎಂದು ಹೆಸರಿಸಲಾಗಿರುವ ಈ ಹೊಸ ಬೈಕ್ ಕ್ರೂಸರ್ ವಿಭಾಗದಲ್ಲಿ ಕಂಪನಿಯ ಎರಡನೇಯದಾಗಿದೆ. ಇದರ ಬೆಲೆ 24 ಲಕ್ಷ ರೂ. (ಎಕ್ಸ್ ಶೋ ರೂಂ). ಇದು ಹಿಂದಿನ ಆರ್ 18ಗಿಂತ ಹೆಚ್ಚು ಸುಧಾರಿತ ವೈಶಿಷ್ಟ್ಯಗಳನ್ನು ಹೊಂದಿದೆ.
ಈ ಬೈಕ್ 1802 ಸಿಸಿ ಟ್ವಿನ್ ಸಿಲಿಂಡರ್ ಏರ್ ಕೂಲ್ಡ್, ಆಯಿಲ್ ಕೂಲ್ಡ್ ಬಾಕ್ಸರ್ ಎಂಜಿನ್ನಿಂದ ನಿಯಂತ್ರಿಸಲ್ಪಡುತ್ತದೆ. ಆರು ಗೇರ್‌ಗಳೊಂದಿಗೆ ರಸ್ತೆಗೆ ಲಗ್ಗೆ ಇಡುತ್ತಿದೆ. ಬೈಕ್ ಎಂಜಿನ್ 3,000 ಆರ್‌ಪಿಎಂನಲ್ಲಿ 157.57 ಎನ್‌ಎಂ ಟಾರ್ಕ್ ಉತ್ಪಾದಿಸುತ್ತದೆ. 2000-4000 ಆರ್‌ಪಿಎಂನಲ್ಲಿ 135.58 ಎನ್‌ಎಂ ಟಾರ್ಕ್ ಹೊರಸೂಸುತ್ತದೆ. ಇದು 4,750 ಆರ್‌ಪಿಎಂನಲ್ಲಿ 91 ಹೆಚ್‌ಪಿ ಉತ್ಪಾದಿಸುತ್ತದೆ. ದೊಡ್ಡ ವಿಂಡ್‌ಸ್ಕ್ರೀನ್, ಪ್ಯಾಸೆಂಜರ್ ಸೀಟ್, ಸ್ಯಾಡಲ್ ಬ್ಯಾಗ್, ಎಲ್ಇಡಿ ಹೆಚ್ಚುವರಿ ಹೆಡ್‌ಲೈಟ್‌, 16 ಇಂಚಿನ ಫ್ರಂಟ್ ವ್ಹೀಲ್ನಂತಹ ವಿಶೇಷ ಲಕ್ಷಣ ಹೊಂದಿದೆ. ಎಳೆತ ನಿಯಂತ್ರಣ, ಎಂಜಿನ್ ಬ್ರೇಕ್ ನಿಯಂತ್ರಣ, ಹಿಲ್ ಸ್ಟಾರ್ಟ್ ಕಂಟ್ರೋಲ್, ಕೀಲೆಸ್ ರೈಡ್ ಸಿಸ್ಟಮ್, ಎಲೆಕ್ಟ್ರಾನಿಕ್ ಕ್ರೂಸ್ ಕಂಟ್ರೋಲ್ ಹೆಚ್ಚುವರಿ ಆಕರ್ಷಣೆಗಳಾಗಿವೆ.