Bitcoin ಮುಂದೆ ಬಡವಾದ ಡಾಲರ್​: 1 ಕಾಯಿನ್‌ ಇದ್ರೆ 30 ತೊಲೆ ಚಿನ್ನ ಸೇರಿ ಏನೆಲ್ಲ ಕೊಳ್ಳಬಹುದು!

ವರ್ಚುವಲ್ ಕರೆನ್ಸಿಯಾದ ಬಿಟ್‌ಕಾಯಿನ್ ಬೆಲೆ ಇದೇ ಮೊದಲ ಬಾರಿಗೆ 30,823.30 ಡಾಲರ್​ನಷ್ಟಾಗಿದೆ (22,52,922 ರೂ.). 22,52,922 ರೂ. ಬೆಲೆಯ ಒಂದು ಬಿಟ್​ ಕಾಯಿನ್​ ಕೊಟ್ಟು 10 ಗ್ರಾಂ.ಗೆ 51,850 ರೂ. ದರ ಇರುವ ಬಂಗಾರವನ್ನು 430 ಗ್ರಾಂ.ನಷ್ಟು ಖರೀದಿಸಬಹುದಾಗಿದೆ.

ಪ್ಯಾರಿಸ್:ನಗದುರಹಿತ ವಹಿವಾಟಿನ ಡಿಜಿಟಲ್​ ಕರೆನ್ಸಿಯಾದ ಬಿಟ್​ ಕಾಯಿನ್​ 2020ರ ಕ್ಯಾಲೆಂಡರ್ ವರ್ಷದಲ್ಲಿ ಸುಮಾರು ಶೇ 170ರಷ್ಟು ಏರಿಕೆಯಾದ ಬಳಿಕ, ಈಗ ಸಾರ್ವಕಾಲಿಕ ಗರಿಷ್ಠ ಮಟ್ಟಕ್ಕೆ ಏರಿಕೆಯಾಗಿದೆ.

ವರ್ಚುವಲ್ ಕರೆನ್ಸಿಯಾದ ಬಿಟ್‌ಕಾಯಿನ್ ಶನಿವಾರ ಮೊದಲ ಬಾರಿಗೆ ಅದರ ಬೆಲೆ 30,000 ಡಾಲರ್​ಗೆ ಏರಿಕೆ ಕಂಡಿದೆ ಎಂದು ಬ್ಲೂಮ್‌ಬರ್ಗ್ ಸುದ್ದಿ ಸಂಸ್ಥೆ ಸಂಗ್ರಹಿಸಿದ ಮಾಹಿತಿಯ ಪ್ರಕಾರ ತಿಳಿದುಬಂದಿದೆ.

ವಿಕೇಂದ್ರೀಕೃತ ಕ್ರಿಪ್ಟೋಕರೆನ್ಸಿ ಡಿಸೆಂಬರ್ 16ರಂದು 20,000 ಡಾಲರ್​​ನ ಸಾರ್ವಕಾಲಿಕ ಗರಿಷ್ಠ ಬೆಲೆ ಮುರಿದ ನಂತರ 30,823.30 ಡಾಲರ್​ನಷ್ಟಾಗಿದೆ (22,52,922 ರೂ.) ಎಂದು ತಿಳಿಸಿದೆ.

ಓದಿ:ಯುವಕರೇ, ಮುಂದೆ ಬರುವ ಹೇರಳ ಅವಕಾಶಗಳಿಗೆ ಈಗಲೇ ಸಿದ್ಧರಾಗಿ : ಪ್ರಧಾನಿ ಮೋದಿ ಕರೆ