ನವದೆಹಲಿ:ದೇಶಾದ್ಯಂತ ಪೆಟ್ರೋಲ್ - ಡಿಸೇಲ್ ಬೆಲೆಯಲ್ಲಿ ಗಣನೀಯ ಪ್ರಮಾಣದ ಏರಿಕೆ ಕಂಡು ಬರುತ್ತಿದ್ದು, ಇದರ ಮಧ್ಯೆ ಅಡುಗೆ ಎಣ್ಣೆ ಬೆಲೆಯಲ್ಲೂ ಕೂಡ ಏರಿಕೆ ಕಂಡು ಬಂದಿದೆ. ಇದರ ಮಧ್ಯೆ ಸದ್ಯ ದೈನದಿನ ಬಳಕೆಯ ಹಾಲಿನ ಬೆಲೆಯಲ್ಲಿ ಏರಿಕೆಯಾಗುತ್ತಿದೆ.
ಅಮುಲ್ ಹಾಲಿನ ಬೆಲೆಯಲ್ಲಿ ನಾಳೆಯಿಂದ ಏರಿಕೆಯಾಗಲಿದ್ದು, ಪ್ರತಿ ಲೀಟರ್ಗೆ 2 ರೂ ಹೆಚ್ಚು ಮಾಡಲಾಗಿದೆ. ಜುಲೈ 1ರಿಂದಲೇ ಈ ಪರಿಷ್ಕೃತ ದರ ಜಾರಿಗೊಳ್ಳಲಿದೆ. ಸದ್ಯ ಒಂದು ಲೀಟರ್ ಹಾಲಿನ ಬೆಲೆ 55 ರೂ. ಇದ್ದು, ಅರ್ಧ ಲೀಟರ್ ಪ್ಯಾಕೆಟ್ 28 ರೂಗೆ ಲಭ್ಯವಾಗುತ್ತಿದೆ.
ಇನ್ಮುಂದೆ ಪ್ರತಿ ಲೀಟರ್ ಹಾಲಿನ ಬೆಲೆ 57ರೂ ಆಗಲಿದೆ. ಹೊಸ ಬೆಲೆ ದೆಹಲಿ, ಕರ್ನಾಟಕ, ಪಂಜಾಬ್, ಗುಜರಾತ್ ಸೇರಿದಂತೆ ಎಲ್ಲೆಡೆ ಜಾರಿಗೊಳ್ಳಲಿದ್ದು, ಗ್ರಾಹಕರ ಜೇಬಿಗೆ ಮತ್ತೆ ಎರಡು ರೂ. ಹೊರೆ ಆಗಲಿದೆ.
ಇದನ್ನೂ ಓದಿರಿ: ಅತಿಯಾದ ಮೊಬೈಲ್ ಬಳಕೆ: ಸಹೋದರಿಯನ್ನೇ ಕೊಲೆ ಮಾಡಿದ ಒಡಹುಟ್ಟಿದ ಅಣ್ಣ
ಇದೇ ವಿಷಯಕ್ಕೆ ಸಂಬಂಧಿಸಿದಂತೆ ಪ್ರತಿಕ್ರಿಯೆ ನೀಡಿರುವ ವ್ಯವಸ್ಥಾಪಕ ನಿರ್ದೇಶಕ ಆರ್.ಎಸ್.ಸೋಧಿ, ಸುಮಾರು ಒಂದು ವರ್ಷ 7 ತಿಂಗಳ ನಂತರ ಹಾಲಿನ ಬೆಲೆಯಲ್ಲಿ ಏರಿಕೆ ಮಾಡುತ್ತಿದ್ದೇವೆ. ಉತ್ಪಾದನಾ ವೆಚ್ಚ ಹೆಚ್ಚಳವಾಗುತ್ತಿರುವ ಕಾರಣ ಈ ನಿರ್ಧಾರ ಕೈಗೊಳ್ಳಲಾಗಿದ್ದು, ಎಲ್ಲ ಅಮುಲ್ ಹಾಲಿನ ಬ್ರಾಂಡ್ಗಳಲ್ಲಿ ಏರಿಕೆಯಾಗಲಿದೆ ಎಂದಿದ್ದಾರೆ.