ಅಕ್ಷಯ ತೃತೀಯ ನಾಳೆ ಶುರು... 2021ರ ಅಂತ್ಯಕ್ಕೆ 82,000 ರೂ. ದಾಟಲಿದೆ ಚಿನ್ನದ ದರ

ನಾಳೆ (ಭಾನುವಾರ) ನಡೆಯಲಿರುವ ಅಕ್ಷಯ ತೃತೀಯದಂದು ಚಿನ್ನ ಖರೀದಿಸುವುದು ಅನೇಕರ ಪಾಲಿಗೆ ಶುಭದಿನವಾಗಿದೆ. ಲಾಕ್‌ಡೌನ್‌ ಕಾರಣಕ್ಕೆ ಚಿನ್ನಾಭರಣಗಳ ನೇರ ಖರೀದಿಗೆ ಅವಕಾಶ ಇಲ್ಲದಂತಾಗಿದೆ.

ನವದೆಹಲಿ: 2020ರ ಏಪ್ರಿಲ್ 26ರಿಂದ ಅಕ್ಷಯ ತೃತೀಯ ಶುರುವಾಗಲಿದೆ. ಈ ದಿನ ಚಿನ್ನ ಖರೀದಿಸಿದರೆ, ಬಾಳೇ ಬಂಗಾರ ಎಂಬ ನಂಬಿಕೆಯು ನಗರ-ಹಳ್ಳಿಗಳಿಗೂ ಹಬ್ಬಿದೆ. ಪ್ರತಿ ವರ್ಷವೂ ಖರೀದಿಯ ಭರಾಟೆ ಏರುಗತಿಯಲ್ಲಿ ಸಾಗುತ್ತಿತ್ತು. ಈ ವರ್ಷಕ್ಕೆ ಕೊರೊನಾ ಅಡ್ಡಗಾಲು ಹಾಕಿದೆ. ಆದರೂ ಮೊಬೈಲ್‌ ವಾಲೆಟ್‌ ಕಂಪನಿಗಳು ಆನ್‌ಲೈನ್‌ನಲ್ಲಿ ಚಿನ್ನಾಭರಣ ಖರೀದಿಗೆ ಅವಕಾಶ ಕಲ್ಪಿಸಿವೆ.

ನಾಳೆ (ಭಾನುವಾರ) ನಡೆಯಲಿರುವ ಅಕ್ಷಯ ತೃತೀಯದಂದು ಚಿನ್ನ ಖರೀದಿಸುವುದು ಅನೇಕರ ಪಾಲಿಗೆ ಶುಭದಿನವಾಗಿದೆ. ಲಾಕ್‌ಡೌನ್‌ ಕಾರಣಕ್ಕೆ ಚಿನ್ನಾಭರಣಗಳ ನೇರ ಖರೀದಿಗೆ ಅವಕಾಶ ಇಲ್ಲದಂತಾಗಿದೆ.

ಚಿನ್ನದ ವಹಿವಾಟಿನ ಬೆಲೆಯು ಶುಕ್ರವಾರ ಪ್ರತಿ ಗ್ರಾಂ.ಗೆ 315 ರೂ. ಏರಿಕೆಯಾಗಿ 46,742 ರೂ.ಗೆ ತಲುಪಿತ್ತು. ಮಲ್ಟಿ ಕಮಾಡಿಟಿ ವಿನಿಮಯ ಕೇಂದ್ರದಲ್ಲಿ ಜೂನ್‌ ವಾಯ್ದೆಯ ಗುತ್ತಿಗೆಯ ದರವು ಏರಿಕೆ ದಾಖಲಿಸಿದೆ. ಸತತ ಮೂರನೇ ದಿನವೂ ಬೆಲೆ ಏರಿಕೆ ಕಂಡಿತ್ತು. ಜಾಗತಿಕ ಪೇಟೆಯ ನ್ಯೂಯಾರ್ಕ್‌ನಲ್ಲಿ ಪ್ರತಿ ಔನ್ಸ್‌ಗೆ 1.32 ಲಕ್ಷ ರೂ.ಯಲ್ಲಿ ವಹಿವಾಟು ನಡೆದಿದೆ.

82,000 ರೂ. ದಾಟುವ ಬಂಗಾರ:

ಷೇರು ಮತ್ತು ಬಾಂಡ್‌ಗಳಲ್ಲಿನ ಹೂಡಿಕೆ ಹೆಚ್ಚಿನ ಪ್ರತಿಫಲ ನೀಡದಿರುವ ಕಾರಣಕ್ಕೆ ಹೂಡಿಕೆದಾರರು ಚಿನ್ನದತ್ತ ಗಮನ ಹರಿಸಲಿದ್ದಾರೆ. ಹೀಗಾಗಿ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಪ್ರತಿ ಔನ್ಸ್‌ ಚಿನ್ನದ ಬೆಲೆ ₹ 2.28 ಲಕ್ಷಕ್ಕೆ ತಲುಪಲಿದೆ ಎಂದು ಅಂದಾಜಿಸಲಾಗಿದೆ.

ಹೂಡಿಕೆಯ ಮಾರ್ಗಗಳಲ್ಲಿ ಷೇರು ಮತ್ತು ಬಾಂಡ್‌ಗಳು ಪ್ರಸ್ತುತ ಮಾರುಕಟ್ಟೆ ಪರಿಸ್ಥಿತಿಗಳಲ್ಲಿ ಹೆಚ್ಚಿನ ಭರವಸೆ ಕಾಣದ ಹಿನ್ನೆಲೆಯಲ್ಲಿ ಚಿನ್ನವು ಭರವಸೆಯ ಆಸ್ತಿಯಾಗಿದೆ. ಬ್ಯಾಂಕ್ ಆಫ್ ಅಮೆರಿಕ ಸೆಕ್ಯುರಿಟೀಸ್ (ಬೋಫಾ ಸೆಕ್) ಅನ್ವಯ, ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ 2021ರ ಅಂತ್ಯದ ವೇಳೆಗೆ ಪ್ರತಿ ಔನ್ಸ್‌ಗೆ 3,000 ಡಾಲರ್​ಗೆ ಏರಬಹುದು. ಭಾರತೀಯ ದರಗಳಿಗೆ ಲೆಕ್ಕಹಾಕಿದರೆ, ಪ್ರಸ್ತುತ ವಿನಿಮಯ ದರದಲ್ಲಿ ಸುಮಾರು 82,000 ರೂ. (ಪ್ರತಿ 10 ಗ್ರಾಂ.) ಎಂದು ಅಂದಾಜಿಸಿದೆ.