ನವದೆಹಲಿ: ಮೊಟೊರೊಲಾ ಮಡಚಬಹುದಾದ ಸ್ಮಾರ್ಟ್ಫೋನ್ ಅನ್ನು 2020ರ ಸೆಪ್ಟೆಂಬರ್ 9 ರಂದು ಮೋಟೋ ರೇಜರ್ 5 ಜಿ ಅಥವಾ ಮೋಟೋ ರೇಜರ್ ಎಂಬ ಹೆಸರಿನಡಿ ಮಾರುಕಟ್ಟೆಗೆ ತರಲಿದೆ ಎಂದು ಹೇಳಲಾಗುತ್ತಿದೆ.
ಡ್ರಾಯಿಡ್ ಲೈಫ್‌ನ ವರದಿಯ ಪ್ರಕಾರ, ಮೊಟೊರೊಲಾ ತನ್ನ ನೂತನ ಮೊಬೈಲ್ ಬಿಡುಗಡೆ ಮಾಡಲು ಮಾಧ್ಯಮ ಆಹ್ವಾನ ಕಳುಹಿಸಲು ಪ್ರಾರಂಭಿಸಿದೆ. ಮುಂಬರಲಿರುವ ಸ್ಮಾರ್ಟ್ಫೋನ್ 2019 ಮೊಟೊ ರೇಜರ್ನ ಮುಂದುವರಿದ ಉತ್ಪನ್ನವಾಗಿರಲಿದೆ.
ಮೊಬೈಲ್ ಫೀಚರ್
48 4ಮೆಗಾಪಿಕ್ಸೆಲ್ ಐಸೊಸೆಲ್ ಬ್ರೈಟ್ ಜಿಎಂ 1 ಸೆನ್ಸಾರ್
20 ಮೆಗಾ ಫಿಕ್ಸಲ್ ಸೆಲ್ಫಿ ಕ್ಯಾಮೆರಾ
6.2 ಅಂಗುಲ ಡಿಸ್‌ಪ್ಲೇ
8 ಜಿಬಿ ರ್ಯಾಮ್
256 ಇಂಟರ್ನಲ್ ಮೆಮೊರಿ ಸಾಮರ್ಥ್ಯ
2845 ಎಂಎಎಚ್ ಬ್ಯಾಟರಿ
765 ಪ್ರೊಸೆಸರ್ ಕ್ವಾಲ್ಕಾಮ್‌ ಸ್ನಾಪ್‌ಡ್ರಾಗನ್
ಎಕ್ಸ್‌ಡಿಎ ಡೆವಲಪರ್‌ಗಳ ಪ್ರಕಾರ, ಮುಂಬರುವ ಮೋಟೋ ರೇಜರ್ 5ಜಿ ಚೀನಾ ಮತ್ತು ಉತ್ತರ ಅಮೆರಿಕದಲ್ಲಿ ಮೊದಲು ಲಭ್ಯವಾಗಲಿದೆ. ಇತರ ಮಾರುಕಟ್ಟೆಗಳಲ್ಲಿ ಇದರ ಲಭ್ಯತೆಯ ಬಗ್ಗೆ ಇನ್ನೂ ಯಾವುದೇ ದೃಢೀಕರಣವಿಲ್ಲ. ಮೋಟೋ ರೇಜರ್ ಭಾರತದಲ್ಲಿ 1,24,999 ರೂ. ದರದಲ್ಲಿ ಲಭ್ಯವಿರಲಿದೆ. ಮೋಟೋ ರೇಜರ್ 5 ಜಿ ಕಳೆದ ತಿಂಗಳು ಬಿಡುಗಡೆಯಾದ ಗ್ಯಾಲಕ್ಸಿ ಝ್ಯಡ್ ಫ್ಲಿಪ್ 5 ಜಿ ಯೊಂದಿಗೆ ಸ್ಪರ್ಧಿಸಲಿದೆ.
