ಬೆಂಗಳೂರು: ಆರ್ಬಿಐ ರೆಪೊ ದರ ಕಡಿತ ಮಾಡಿದ್ದು ಸ್ವಾಗತಾರ್ಹ. ದೇಶದ ಜಿಡಿಪಿ ಏರಿಕೆ ಆಗಬೇಕಾದ್ರೆ ಬಡ್ಡಿ ದರ ಕಡಿತವಾಗಬೇಕು. ಜಿ- 20 ಸದಸ್ಯ ಹಾಗೂ ಆರ್ಥಿಕವಾಗಿ ಮುಂದುವರಿದ ರಾಷ್ಟ್ರಗಳ ಬಡ್ಡಿ ದರ ಎರಡಂಕಿ ಕೂಡ ದಾಟಿಲ್ಲ ಎಂದು ಸರ್.ಎಂ. ವಿಶ್ವೇಶ್ವರಯ್ಯ ಆರ್ಥಿಕ ಸಂಶೋಧನಾ ಕೇಂದ್ರದ ಅಧ್ಯಕ್ಷ ಡಿ. ಮುರಳೀಧರ್ ಹೇಳಿದರು.
'ಈಟಿವಿ ಭಾರತ್' ಜತೆಗೆ ಮಾತನಾಡಿದ ಅವರು, ಹಣದುಬ್ಬರ ಯಾವಾಗ ಕಡಿಮೆ ಆಗುತ್ತದೆಯೋ ಆಗ ಬಡ್ಡಿ ದರ ಇಳಿಸಬೇಕು. ಬಡ್ಡಿ ದರ ಹೆಚ್ಚಿದ್ದ ಸಂದರ್ಭದಲ್ಲಿ ವ್ಯವಹಾರ- ವಹಿವಾಟು ಮಾಡುವ ವೆಚ್ಚ ಅಧಿಕವಾಗದು. ಈ ರೆಪೊ ದರ ಕಡಿತವು ಮುಂದಿನ 3- 4 ತ್ರೈಮಾಸಿಕವರೆಗೂ ಹೀಗೆ ಮುಂದುವರಿಯಲಿದೆ ಎಂದರು.
ಆರ್ಬಿಐನ ಬಡ್ಡಿ ದರ ಇಳಿಕೆಯ ಕುರಿತು ವಿಶ್ಲೇಷಣೆ ನೀಡಿದ ಡಿ. ಮುರಳೀಧರ್ ಈ ಹಿಂದೆಯೂ ರೆಪೊ ದರ ಕಡಿತ ಮಾಡಿದ ನಂತರವೂ ಬ್ಯಾಂಕ್ಗಳು ಬಡ್ಡಿ ದರ ಇಳಿಕೆ ಮಾಡದ ನಿದರ್ಶನಗಳಿವೆ. ಇದನ್ನು ಗಮನಿಸಿದ ಆರ್ಬಿಐ ರೆಪೊ ದರ ಆಧಾರಿತ ಬಡ್ಡಿ ದರ ನಿಗದಿಪಡಿಸಬೇಕೆಂದು ಬ್ಯಾಂಕ್ಗಳಿಗೆ ಕಠಿಣ ಸೂಚನೆ ನೀಡಿದ್ದು, ಬಡ್ಡಿ ದರ ಕಡಿಮೆ ಆಗಲಿದೆ ಎಂದು ತಿಳಿಸಿದರು.
ಬ್ಯಾಂಕೇತರ ಹಣಕಾಸು ಸಂಸ್ಥೆಗಳಿಂದ (ಎನ್‌ಬಿಎಫ್‌ಸಿ) ನಮ್ಮ ಆರ್ಥಿಕತೆ ಕುಸಿದಿದೆ. ದೇಶದಲ್ಲಿ ಸುಮಾರು 2000 ಎನ್ಬಿಎಫ್ಸಿಗಳಿದ್ದು, ಬ್ಯಾಂಕ್ಗಳನ್ನು ನಿಯಂತ್ರಿಸುವಂತೆ ಆರ್ಬಿಐ ಇವುಗಳನ್ನು ನಿಯಂತ್ರಿಸಲು ಆಗುತ್ತಿಲ್ಲ. ಮುಂದಿನ ದಿನಗಳಲ್ಲಿ ಆರ್ಬಿಐ ಎನ್ಬಿಎಫ್ಸಿಗಳ ಮೇಲೆ ನಿಯಂತ್ರಣ ಸಾಧಿಸಿ, ಅವುಗಳ ಸಂಖ್ಯೆಯನ್ನು ಹಂತಹಂತವಾಗಿ 300 ರಿಂದ 400ಕ್ಕೆ ತಗ್ಗಿಸುವ ಉದ್ದೇಶ ಇರಿಸಿಕೊಂಡಿದೆ ಎಂದು ಮುರುಳೀಧರ್ ತಿಳಿಸಿದರು.
