ನವದೆಹಲಿ:ಏಪ್ರಿಲ್‌ನಿಂದ ಮೊಬೈಲ್ ಫೋನ್ ಬಿಲ್, ಯುಟಿಲಿಟಿ ಬಿಲ್, ಮೀಡಿಯಾ ಚಂದಾದಾರಿಕೆ ಶುಲ್ಕ ಸೇರಿದಂತೆ ಇತರ ಪಾವತಿಗಳಲ್ಲಿ ಬ್ಯಾಂಕ್ಗಳ ಸ್ವಯಂ ಡೆಬಿಟ್ ಸೌಲಭ್ಯದ ಮೂಲಕ ಓವರ್-ದಿ-ಟಾಪ್ ಸ್ಟ್ರೀಮಿಂಗ್ ಸೇವೆಗಳ ಮಾಸಿಕ ಪಾವತಿಗಳು ಅಡಚಣೆಗೆ ಒಳಗಾಗಲಿವೆ.
ನೆಟ್‌ಫ್ಲಿಕ್ಸ್, ಅಮೆಜಾನ್, ಹಾಟ್ಸ್ಟಾರ್ ಪ್ಲಸ್, ಭಾರ್ತಿ ಏರ್‌ಟೆಲ್, ವೊಡಾಫೋನ್ ಐಡಿಯಾ, ಟಾಟಾ ಪವರ್, ಬಿಎಸ್‌ಇಎಸ್ ಸೇರಿದಂತೆ ಹಲವು ಕಂಪನಿಗಳು ಸಹ ಪರಿಣಾಮ ಎದುರಿಸಲಿವೆ.
ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್ಗಳ ಮೂಲಕ ಗ್ರಾಹಕರಿಗೆ ಮರುಕಳಿಸುವ ಪಾವತಿಗಳಿಗೆ (ಆಟೋ ಪಾವತಿ) ಎರಡು ಅಂಶಗಳ ದೃಢೀಕರಣಕ್ಕೆ ಹೊಸ ನಿಯಮಗಳನ್ನು ಅನುಸರಿಸಲು ಬ್ಯಾಂಕ್, ಕಾರ್ಡ್ ನೆಟ್‌ವರ್ಕ್‌ ಮತ್ತು ಆನ್‌ಲೈನ್ ಮಾರಾಟಗಾರರಿಗೆ ರಿಸರ್ವ್ ಬ್ಯಾಂಕ್ ಮಾರ್ಚ್ 31ರವರೆಗೆ ಕಾಲಾವಕಾಶ ನೀಡಿತ್ತು.
ಇದನ್ನೂ ಓದಿ: 4 ದಿನಗಳ ಬಳಿಕ ಕುಸಿದ ಪೆಟ್ರೋಲ್, ಡೀಸೆಲ್: ಮೆಟ್ರೋ ನಗರಗಳಲ್ಲಿ ತೈಲ ದರ ಹೀಗಿದೆ
ಹೊಸ ನಿಯಮಗಳಿಗೆ ಬ್ಯಾಂಕ್ಗಳು, ಕ್ರೆಡಿಟ್ ಕಾರ್ಡ್ ಸೇವಾ ಪೂರೈಕೆದಾರರು ಪಾವತಿ ಕಡಿತಗೊಳಿಸಲು ಐದು ದಿನಗಳ ಮೊದಲು ಗ್ರಾಹಕರಿಗೆ ಅಧಿಸೂಚನೆ ಕಳುಹಿಸಬೇಕು. ಗ್ರಾಹಕರು ಪಾವತಿ ಅನುಮೋದಿಸಿದ ನಂತರವೇ ಡೆಬಿಟ್‌ಗೆ ಅವಕಾಶ ನೀಡಬೇಕು. 5,000 ರೂ.ಗಿಂತ ಹೆಚ್ಚಿನ ಪಾವತಿ ಪುನರಾವರ್ತಿಸಲು, ಹೊಸ ನಿಯಮವು ಬ್ಯಾಂಕ್ಗಳಿಗೆ ಗ್ರಾಹಕರಿಗೆ ಒಂದು ಬಾರಿ ಪಾಸ್‌ವರ್ಡ್ ಕಳುಹಿಸುವ ಅಗತ್ಯವಿದೆ ಎಂದು ಮಾಧ್ಯಮ ವರದಿಯೊಂದು ಹೇಳಿದೆ.
ಹೊಸ ವ್ಯವಸ್ಥೆಯು 2021ರ ಏಪ್ರಿಲ್ 1ರಿಂದ ಪ್ರಾರಂಭವಾಗಲಿದೆ ಎಂದು ಆರ್‌ಬಿಐ ಈ ಹಿಂದೆ ತಿಳಿಸಿತ್ತು. ಪ್ರಮುಖ ಬ್ಯಾಂಕ್ಗಳು ಮತ್ತು ಮಾರಾಟಗಾರರು ಬದಲಾವಣೆಗೆ ಸಿದ್ಧರಿಲ್ಲ. ಬ್ಯಾಂಕಿಂಗ್ ನಿಯಂತ್ರಕರಿಂದ ಹೆಚ್ಚಿನ ಸಮಯ ಕೋರಿದ್ದಾರೆ ಎಂದು ಹೇಳಲಾಗುತ್ತಿದೆ. ಆದರೆ, ಹೊಸ ಪೂರ್ವ ಡೆಬಿಟ್ ಅಧಿಸೂಚನೆ ನಿಯಮಗಳನ್ನು ಅನುಸರಿಸಲು ಆರ್‌ಬಿಐ ಹೆಚ್ಚಿನ ಸಮಯ ನಿರಾಕರಿಸಿತು.
ಏಪ್ರಿಲ್‌ನಿಂದ ಅನೇಕ ಸೇವೆಗಳಿಗೆ ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡ್ಗಳ ಮೂಲಕ ಸ್ವಯಂಚಾಲಿತ ಮಾಸಿಕ ಗ್ರಾಹಕ ಪಾವತಿಗಳು ವಿಫಲಗೊಳ್ಳುವ ಸಾಧ್ಯತೆಯಿದೆ. ಬ್ಯಾಂಕ್ಗಳು ಮತ್ತು ವ್ಯಾಪಾರಿಗಳು ಪರ್ಯಾಯವಾಗಿ ಬರುವವರೆಗೆ ಗ್ರಾಹಕರು ಬಿಲ್ ಪಾವತಿಸಲು ಅಥವಾ ಚಂದಾದಾರಿಕೆಗಳನ್ನು ಮುಂದುವರಿಸಲು ವೈಯಕ್ತಿಕ ವ್ಯಾಪಾರಿಗಳ ಪಾವತಿ ಪೇಜ್ಗಳಿಗೆ ಭೇಟಿ ನೀಡಬೇಕಾಗುತ್ತದೆ. ಎನ್‌ಪಿಸಿಐ ಪ್ಲಾಟ್‌ಫಾರ್ಮ್‌ಗಳಂತಹ ಇತರ ವಿಧಾನಗಳ ಮೂಲಕ ಪಾವತಿಗಳು ಪರಿಣಾಮ ಬೀರುವುದಿಲ್ಲ ಎಂದು ಹೇಳಲಾಗುತ್ತಿದೆ.
